Генэральная пракуратура Украіны распачала дасудовае рассьледваньне па фактах вярбоўкі і падрыхтоўкі наёмнікаў для ўдзелу ў тэрарыстычнай дзейнасьці ва Украіне, паведамляе “Украинская правда” са спасылкай на прэс-службу ведамства.
Паводле дадзеных Генпракуратуры, злачынныя дзеяньні грамадзян Расеі на тэрыторыі Украіны “прывялі да гібелі 122 чалавек, раненьням амаль 200 чалавек і іншых цяжкіх наступстваў”.
“З мэтай утварэньня ваеннага канфлікта, зьдзяйсьненьня тэрактаў у Данецкай і Луганскай вобласьцях, зьвяржэньня дзяржаўнай улады і парушэньня тэрытарыяльнай цэласнасьці Украіны грамадзяне РФ утварылі на тэрыторыі Расейскай Фэдэрацыі незаконныя ўзброеныя фармаваньні – спэцыяльныя вучэбныя цэнтры, у якіх праводзіцца вярбоўка, фінансаваньне і навучаньне наёмнікаў”, — гаворыцца з заяве.
Па дадзеных ведамства, узброеныя наёмнікі за матэрыяльнае ўзнагароджаньне ў ваенным снаражэньні бесперашкодна прапускаюцца адказнымі асобамі Памежнай службы ФСБ Расеі ва Украіну, дзе актыўна ўдзельнічаюць у тэрарыстычнай дзейнасьці.
1.06.2014
Пераклад з расейскай.