Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Рукі прэч ад вольнай Украіны!

(Заява)

Шматгадовая мілітарная падрыхтоўка Расеі да вайны завяршылася ўварваньнем пуцінскага войска ў вольную Украіну. Не было ніякіх нават фармальных прычынаў для вайны. І тым ня менш пуцінскі рэжым напаў на Украіну, якая толькі што скінула ярмо антынароднай скарумпаванай бандыцкай улады.

З боку Расеі парушаныя ўсе нормы міжнароднага права, дамоўленасьці і пагадненьні, увесь выбудаваны парадак, па якім жыве цывілізаваны сьвет у 21-м стагоддзі. Дзеяньні Пуцінскага рэжыму супраць Украіны – гэта стыль сярэднявечча.

Руская шавіністычная дзяржава, якая фальшыва вяшчала аб славянскім адзінстве,
напала на суседні славянскі народ з мэтай зьнішчыць ягоную краіну, расчляніць на кавалкі і ўключыць у сваю імпэрыю. Цяпер барацьба йдзе за адарваньне ад Украіны Крыма і суседніх, багатых на рэсурсы вобласьцяў.

Усе краіны, уся міжнародная супольнасьць асудзілі агрэсіўныя дзеяньні пуцінскай ваеншчыны. Асабліва падкрэсьлена небывалая актыўнасьць і лжывасьць пуцінскай прапаганды па апрацоўцы расейскага насельніцтва на карысьць авантурнай вайны супраць Украіны.

Мы адзначаем, што пуцінскі гэбісцкі рэжым у Расеі сфармаваўся як клясычны шавіністычны рэжым фашысцкай агрэсіі, як пагроза ўсім краінам Усходняй Эўропы. Гэты рэжым вуснамі сваіх палітыкаў і герархаў сваёй залежнай ад спэцслужбаў рускай праваслаўнай царквы прад’яўляе тэрытарыяльныя прэтэнзіі на краіны Усходняй Эўропы, пагражае ўжываньнем ядзернай зброі.

Мы зьвяртаемся да беларускага грамадзтва з заклікам быць гатовымі да абароны волі і незалежнасьці Беларусі і падтрымліваць вольную незалежную Украіну. Масква, рукі прэч ад вольнай Украіны!

Мы зьвяртаемся да ўсіх нярускіх народаў імпэрыялістычнай шматковай Расеі з заклікам падтрымаць вольную і незалежную Украіну і акілзаць агрэсію пуцінскага рэжыму.

Мы зьвяртаемся да міжнароднай супольнасьці з прапановай самымі сур’ёзнымі і рашучымі дзеяньнямі адказаць на ваенную агрэсію Крамля супраць вольнага народу Украіны.

Сойм Кансэрватыўна-Хрысьціянскай Партыі – БНФ
і Беларускага Народнага Фронту “Адраджэньне”

9 сакавіка 2014 г.
г. Менск.

10/3/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2014
П А С Ч П С Н
« Люты   Кра »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024