Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
(Iнфармацыя для сяброў народный партыі) У другой палове мінулага году ў нас здарыўся абвал ў Сеціве (інтэрнэтная катастрофа, як я гэта называю). Амаль адначасна (па розных прычынах) мы страцілі шэсьць нашых інтэрнэтных старонак, якія перасталі дзейнічаць. Сярод іх і наша партыйная старонка
Аднак праз некалькі месяцаў (ужо ў гэтым годзе) у Сеціве зьявілася іншая старонка пад нашым старым партыйным інтэрнэтным “дамэнам”. Там — поўная “каша”. У афармленьні — лукашысцкая савецкая сымволіка суседнічае з Пагоняй, ангельская мова (не прафесійнага кшталту), на якой напісана поўная абракадабра, мяжуе зь беларускай і з нашымі старымі партыйнымі паведамленьнямі. Наш партыйны “дамэн” быў прададзены на аўкцыёне за вялікую суму, якая ў дзясяткі разоў пераўзыходзіць ягоную цану. Выплылі цікавыя падрабязнасьці, якія праясьняюць пытаньне, каму магла спатрэбіцца такая “містыфікацыя”. Нехта хацеў, відаць, зрабіць блытаніцу ў галовах беларусаў, і найперш — у карыстальнікаў за мяжой. Але, пэўна, “перамудрыў” самога сябе, ня ведаючы наперад, што мы зробім. А мы тым часам стварылі новую старонку “Народная партыя” (http://www.narodnaja-partyja.org/) і працягваем нашу вызвольную справу. Такім чынам, карыстальнікі нашай старонкі, сябры і прыхільнікі павінны ведаць, што пад старым адрасам нашага “сайта” цяпер узьнікла ў Сеціве лукашысцкая фальшыўка. Характар яе ўзьнікненьня і мэтодыка добра паказваюць, хто гэтым мог бы займацца. 26 ліпеня 2011 г. Зянон ПАЗЬНЯК 1/8/2011 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
