Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: “Нічога агульнага з Фронтам ён ніколі ня меў”

Нядаўна ў Інтэрнэце я прачытаў дзіўныя словы, быццам бы за часы Кебіча і раньняга Лукашэнкі намесьнік міністра замежных справаў Андрэй Саньнікаў паведамляў у дэпутацкую Апазыцыю БНФ сакрэтныя зьвесткі (“закрытую інфармацыю”) з уладных структураў і “супрацоўнічаў” з фракцыяй БНФ у Вярхоўным Савеце. Магчыма, прыватна, за кубкам кавы ён, сапраўды, мог казаць каму-небудзь якія-небудзь кулуарныя плёткі. Але гэта не супрацоўніцтва. Ніякіх “сакрэтных зьвестак” мы ад яго ня мелі. Калі б што было, то такія справы не маглі абмінуць кіраўніка парляманцкай Апазыцыі БНФ. Я пра такога “асьведамляльніка”, як Саньнікаў, ня чуў і ня ведаў.

Не супрацоўнічаў Саньнікаў з дэпутацкай Апазыцыяй БНФ. Наадварот, гэта ён летам 1996 года, насуперак пазыцыі Народнага Фронту, стараўся ліквідаваць усе перашкоды перад візітам Лукашэнкі ў Францыю (бо французкая дэмакратычная грамадзкасьць не хацела прымаць чалавека, які ўсхваляў Гітлера).
Летам 1996 года мы з Сяргеем Навумчыкам якраз арганізоўвалі ў замежжы інфармацыйную кампанію па азнаямленьню эўрапэйскіх і амэрыканскіх палітыкаў з рэальным становішчам ў Беларусі, казалі, што Лукашэнка ўсё больш выяўляецца як дыктатар (ужо год прайшоў пасьля зьбіцьця дэпутатаў). Пра гэта я асабіста пісаў прэзыдэнту Францыі Жаку Шыраку. Тым часам праца Саннікава была накіраваная супраць нашай кампаніі. Гэта ён арганізоўваў Лукашэнку сустрэчу з Шыракам (што тады абурыла нас усіх). Сустрэчу з Шыракам Лукашэнка потым выкарыстоўваў як падтрымку сваёй антыбеларускай антыдэмакратычнай палітыцы. Якраз пасьля гэтага візіту Лукашэнка вырашыў працягнуць тэрмін сваіх паўнамоцтваў яшчэ на два гады (тады прэзыдэнцкі тэрмін у Францыі быў сем гадоў). Пры гэтым ён спасылаўся на Францыю і свой “візіт”.

Але самае цікавае было потым, у 1997-м, пасьля V-га Зьезду БНФ, на якім было прадэкляравана аб стварэньні шырокай нацыянальнай апазыцыі рэжыму – Беларускага Вызвольнага Руху. КГБ сьпешна (і прафэсійна) стварае контру – “Хартыю-97” (для перайманьня рэсурсаў з Захаду), і Саньнікаў апынуўся ў гэтай “Хартыі” на першых ролях. Такі вось гэты “асьведамляльнік” БНФ.

Нічога агульнага з Фронтам ён ніколі ня меў, ніколі ня быў ягоным прыхільнікам.

10 верасьня 2008 г. Зянон ПАЗЬНЯК

14/10/2008 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2008
П А С Ч П С Н
« Вер   Ліс »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2023