Шаноўны Зянон Станіслававіч!
Віншуем Вас з днём нараджэньня. Зычым Вам моцнага здароўя, посьпехаў у працы на карысьць нашай Бацькаўшчыны, новых твораў. Найлепшыя зычэньні Вашай сямьі.
Да змаганьня за Адраджэньне Беларусі далучаюцца новыя патрыёты. Беларуская моладзь не прымае пачварнае бездухоўнае імпэрскае акупанцтва і рэжымную фальш. Маладыя патрыёты бяруць паходню Волі з рук старэйшых, натхняючыся Вашымі вершамі і бачачы Ваш прыклад самаахвярнага служэньня Радзіме. Гучыць над Беларусяй:
Найлюбейшая Радзіма, Мы вернем Цябе! Мы адродзім Цябе зноў. Мы адбудуем Цябе навечна!
Змрок ня спыніць пераможнай хады нашай Вясны. Беларусы ведаюць сваю Дарогу і не павернуць назад. Будзем ісьці разам з Вамі да канчатковага вызваленьня нашай краіны.
Жыве Беларусь!
Сябры Беларускага Народнага Фронту “Адраджэньне” і Кансэрватыўна-Хрысьцянскай Партыі – БНФ
24 красавіка 2007 г