Віктар Юшчанка прыбыў на Майдан, дзе высупіў перад сотнямі тысячаў сваіх прыхільнікаў і абвясьціў «усеўкраінскі страйк».
Юшчанка заявіў, што лічыць рашэньне ЦВК прызнаць Прэзыдэнтам Януковіча дзяржаўным пераваротам і сказаў, што «цяпер яго дзеяньні будуць яшчэ больш пасьлядоўнымі» – ён зьбіраецца змагацца са злачынствамі ўлады.
Лідар апазыцыі таксама абвінаваціў ЦВК у «злачынстве перад народам». Ён абвясьціў «усеўкраінскі палітычны страйк».
Юшчанка зьвярнуўся да сваіх прыхільнікаў і папрасіў, каб «у іх на вачах не зьявілася ані адной слязінкі» у сувязі з рашэньнем ЦВК, якога, як мовіў лідэр апазыцыі, «ён чакаў».
Сьледам за Юшчанкам перад прысутнымі на Майдане выступіў лідар сацыялістаў Аляксандр Мароз, які заклікаў спыніць вучобу ў школах, ВНУ і працу на прадпрыествах Украіны.
Мароз таксама паўтарыў, што апазыцыя гатовая да новага справядлівага галасаваньня , якое дакажа перавагу прыхільнікаў апазыцыі. Мароз мовіў, што «уладам прыдзецца прызнаць выбар народу»
Пасьля Аляксандра Мароза выступіля Юлія Цімашэнка, якая мовіла, што народ павінен «пайменна ведаць злачынцаў, і першым сярод іх з’яўляецца Леанід Кучма».
Яна таксама назвала імёны генпракурора Іфсільева, кіраўніка адміністрацыі Прэзыдэнта Медведчука, кіраўніка МУС Білоконя, Пінчука ды іншых.
Яна таксама пералічыла імёны чальцоў ЦВК, якія падпісалі рашэньне аб прызнаньні Януковіча Прэзыдэнтам. Асаблівае месца сярод іх яна надала кіраўніку ЦВК С.Ківалаву. І назвала «маладцамі» трох чальцоў ЦВК, якія не падпісалі пратакол аб прызнаньні Януковіча Прэзыдэнтам. Сярод іх: Андрэй Магера, Руслан Князевіч і Яраслаў Давыдовіч.
ЦВК на паседжаньні 24 лістапада прызнала прэм’ер-міністра В.Януковіча Прэзыдэнтам. Апазыцыя не прызнае гэтага рашэньня і заяўляе аб некалькіх варыянтах аспрэчыць яго. Адразу пасьля абвяшчэньня ЦВК В.Януковіча Прэзыдэнтам дзяржсакратар ЗША Колін Паўэлл выступіў з заявай, у якой сказаў, што Вашынгтон не прызнае афіцыйныя падсумоўкі выбараў ва Ўкраіне.
Сусьветная супольнасьць, за выключэньнем Расеі, Беларусі, Прыднястроўя і экс-прэзыдэнта Сэрбіі Слабадана Мілошавіча, выступае ў падтрымку апазыцыйнага лідэра Віктара Юшчанкі.
Паведамленьні з Кіева (паводле Корреспондент.net, 24 лістапада 2004, 20:49)