Зянон Пазьняк: І Н С У Р Г Е Н Т Ы

(Паведамленьне)

Толькі што (у пачатку чэрвеня) я выдаў сваю новую кнігу “ІНСУРГЕНТЫ”. Гэта зборнік п’ес для тэатра і чытаньня. Творчая задача ў тым, каб закласьці падставы для сучаснага беларускага хрысьціянскага тэатра.

У зборніку сем п’ес рознага жанру. Шэсьць на хрысьціянскую тэматыку.

“ІНСУРГЕНТЫ” — містэрыя ў адной дзеі, пасьвечаная подзьвігу паўстанцаў Каліноўскага, іхняму ўплыву на беларускае Адраджэньне і на сёньняшні дзень.

26/6/2020 › Навіны, Зянон Пазьняк

Зянон ПАЗЬНЯК: НЕПРЫЯЦЕЛІ НА БЕЛАРУСКІМ ПОЛІ

(Ліст да сяброў КХП – БНФ)

Нядаўна паслухаў каардынатара выбарчага штабу В. Бабарыкі. Карыснае відовішча, якое шмат што праясьняе. Мы ня бачым асяроддзя гэтага прэтэндэнта. Тут, відаць, усё больш злавесна, чым здавалася на першы погляд.

Глупствы, якія пастаянна прамаўляе Бабарыка, гэта хутчэй тэхналёгія заблытваньня апалітычнага электарату: то ён тры дзяржаўныя мовы ў Беларусі ўвядзе, то рэферэндум па вяртаньньні Канстытуцыі 94 (дзе ў прынцыпе рэфэрэндуму ня можа быць). Бздуры, вядома, але затое Бабарыка ўвесь час у цэнтры размоваў. Заварушылася ўся руская агентура і прапаганда, і несьціхана шумяць. Арганізавалі іх грунтоўна, сродкі ёсьць, Газпрам за плячыма.

Зьяўленьне Бабарыкі на паверхні супадае з дзейнасьцю ў Беларусі спэцпрадстаўніка Бабіча (гэта што датычна арганізацыі). Група Бабарыкі па зборы подпісаў у дзесяць тысяч асобаў таксама не магла ўзьнікнуць імгненна на энтузіязме за невядомую не публічную асобу.

26/6/2020 › Навіны, Зянон Пазьняк

“Сьпіс ягоных злачынстваў велізарны“

66 год таму здох адзін з самых жорсткіх і брыдкіх масавых забойцаў у сусьветнай гісторыі. Джэк Трыбушальнік і Чыкаціла ў параўнаньні са Сталіным – мізэрныя дылетанты. На ягоным сумленьні мільёны ахваряаў, закатаваных самымі вырабленымі садысцкімі спосабамі. Як і належыць маньякам, Сталін быў адназначна не ў сабе і забіваў ня толькі сваіх рэальных і патэнцыйных ворагаў, але адданейшых прыхільнікаў, блізкіх сваякоў і шчырых сяброў.

24/6/2020 › Навіны

Зянон ПАЗЬНЯК: ПА СУТНАСЬЦІ

(Ліст сябрам КХП – БНФ)

Самая шызоідная навіна, пра якую сёньня даведаліся беларусы, гэта тое, што ўзурпатар адмовіўся ад крэдыту МВФ у 940 мільёнаў даляраў (амаль мільярд) на барацьбу з эпідэміяй каронавірусу. Маўляў, ніякіх карантынаў, няма ў нас каронавірусу. Словам, памірай сабе далей, «народзец» (пакудава цебя не расстрэлял).

Можна было дапамагчы сем’ям памерлых (іх ўжо больш за 10 тысячаў), купіць лекі, медыцынскія апараты, сродкі засьцярогі, абараніць дзяцей, дапамагчы лекарам. Зрэшты, няма што тут ужо гаварыць, няма сэнсу. Вернемся да выбараў.

21/6/2020 › Навіны

Зянон ПАЗЬНЯК: АБ ПАТРЭБНЫМ

(Ліст да сяброў КХП – БНФ)

Паважаныя сябры, цяжкая сітуацыя з эпідэміяй і рэпрэсіі (дакладней, рэпрэсіўная вайна супраць народа) вымушае нас часта ўжываць адкрытае Сеціва. Але дзякуем Богу, што яно цяпер існуе.

Пра эпідэмію

1. Найважней захаваць здароўе і жыцьці людзей ва ўмовах, калі рэжым гнобіць народ. Падтрымка валанцёрскай самаарганізацыі грамадзтва, інфармаваньне аб правілах прафілактыкі перад небясьпекай віруснага захворваньня.
2. Рэжым хавае рэальныя зьвесткі пра эпідэмію і падае фальшывую інфармацыю. Неабходная праўдзівая і адкрытая інфармацыя пра колькасьць захварэлых і памерлых лэдзей ад каронавірусу. Асобнай часткай — інфармацыя аб колькасьці захварэлых і памерлых медыцынскіх працаўнікоў і лекараў.
3. Неабходная ініцыятыўная група (па-за межамі Партыі), якая займалася б пытаньнямі эпідэмічнай статыстыкі і фактамі злачыннай дзейнасьці рэжыму па распаўсюджваньні эпідэміі. ( Нядаўна ўзурпатар заявіў, што за яго сьмяртэльны экспэрымэнт над беларускім народам ў час эпідэміі яму паабяцалі 300 мільёнаў эўра з Эўропы).

21/6/2020 › Навіны, Зянон Пазьняк

Зянон ПАЗЬНЯК: ПРА “ВЫБАРЫ”

(Ліст сябрам КХП – БНФ)

І ўсё ж такі, відаць, будзе па-беларуску. Праціўнік зьнішчае самога сябе. Гэта я пра так званыя “выбары”. Нават стала цікава назіраць, як прарасейскія прэтэндэнты змагаюцца “за страну”. Прамаўляючы філасофскай мовай, назіраем “аньнігіляцыю матэрыі”. Ўзурпатар пайшоў напралом. Задача: любым спосабам захаваць уладу. Ён ужо натварыў столькі, што выбары нельга прызнаць увогуле за выбары, тым больш за законныя і дэмакратычныя.

Адначасна ўзурпатар ушчэнт нішчыць прэтэндэнтаў так раней любімай ім Масквы, асабліва В. Бабарыку. У выніку спадар Бабарыка можа стаць фігурантам крымінальнай справы, што, безумоўна, ускладніць ягоны ўдзел у выбарах.

17/6/2020 › Навіны

Зянон ПАЗЬНЯК: ГЛЕДЗЯЧЫ НАПЕРАД

(Ліст сябрам КХП – БНФ)

Арышт і перасьлед сяброў ініцыятыўных групаў па збору подпісаў за прэтэндэнтаў у кандыдаты на прэзыдэнта, правакацыя і ўзбуджэньне надуманай крымінальнай справы супраць кіраўніка ініцыятыўнай групы Сьвятланы Ціханоўскай сьведчаць аб тым, што выбарчая кампанія адбываецца ва ўмовах рэпрэсіяў і перасьледу з боку рэжымнай ўлады, з грубымі парушэньнямі беларускага і міжнароднага права. Такія выбары ня могуць быць прызнаныя за справядлівыя, законныя і дэмакратычныя.

17/6/2020 › Навіны

Кадравы правал у Расеі

Галоўную праблему эканомікі Расеі ня вырашыць ні манэтарнымі, ні эканамічнымі мэтадамі. Бо галоўная праблема Расеі гэта жорсткі дэфіцыт кваліфікаваных кадраў, які аднавіць няма адкуль.
Больш таго, кваліфікаваныя кадры з Расеі зьязджаюць. Пасьля “крымнаша” Расею пакінулі 500 тысяч экспатаў: амэрыканцаў, эўрапейцаў і аўстралійцаў. З 2012 увесь час расьце эміграцыя з Расеі навукоўцаў, інжынэраў, праграмістаў, прадпрыймальнікаў.

17/6/2020 › Навіны

Сібірска-Уральскі Дзяржаўны Саюз

У цяперашні час урад Расейскай Фэдэрацыі праводзіць рабаўнічую палітыку ў адносінах да азіяцкай часткі ўласных земляў. Нафта і газ, каля 100% якіх здабываецца менавіта ў Сібіры і на Урале, ідуць у валадараньне “белай” Расеі і масава накіроўваюцца замяжу, а грошы, атрыманыя ад іх продажу, асядаюць у кішэнях маскоўскіх чыноўнікаў і дэпутатаў. Тое ж самае адбываецца з усімі карыснымі выкапнямі поўначы: жалезнай рудой, баксітамі, каштоўнымі мэталамі і таксама каштоўнейшым усходнім лесам.

17/6/2020 › Навіны

ТАНГА ДЛЯ ПРЭЗЫДЭНТАЎ. (ФЭЛЬЕТОН)

Маскоўскія палітычныя маніпуляцыі круцяцца ў сістэме некалькіх прыёмаў, у аснове якіх хлусьня, блеф, вераломства, добрая міна і “чэсная” дэмагогія.

Вось, напрыклад, выбары 1994 года ў Беларусі. Стаўка на Кебіча. Масква (Крэмль) падтрымлівае. Кебіч “руліць”. Усё схоплена. Галоўны вораг Масквы — БНФ. Побач зьяўляецца Лукашэнка. Яго падтрымліваюць спэцслужбы Масквы, імпэрскія, “чорнасоценныя” і камуністычныя колы. Ён крытыкуе Кебіча. Руская агентура кіруе абодвума штабамі (Кебіча і Лукашэнкі). Фаварыт Кебіч. Падтрымка Кебічу. Але ў працэсе выбараў раптам усё пераварочваецца. Аказваецца “народ” за Лукашэнку, “абы ня Кебіч”. Палкоўнікі Масквы, са штабу Кебіча перабягаюць у штаб Лукашэнкі. Кебіч (а ён жа вышэйшы афіцэр КГБ) тут жа зьмірыўся і ў канцы напіша, што дзейнічаў разам з Лукашэнкам, каб не пусьціць да ўлады Пазьняка і БНФ. Цырк. Навэла “Як Кебіча ў лапці абулі”.

10/6/2020 › Навіны

Зянон ПАЗЬНЯК: АБ ІСТОТНЫМ

(Ліст да сяброў КХП – БНФ)

Галоўнымі чыньнікамі цяперашняга часу ў жыцьці Беларусі зьяўляецца эпідэмія каранавірусу Ковід-19 і стыхійны пратэстны рух народа ў час выбарчай кампаніі супраць самаўладзтва Лукашэнкі.

Эпідэмія намерана выкарыстана Лукашэнкам і ягоным рэжымам як сродак генацыду і выміраньня беларусаў.

Арганізатары пратэстнага руху ў сувязі з выбарамі знаходзіцца пад апасродкаваным уплывам Масквы.

10/6/2020 › Навіны, Зянон Пазьняк

“Чэсныя выбары” Бабарыкі

“Тот, кому не нравятся честные выборы, провоцирует их срыв, заявил претендент на пост президента Виктор Бабарико 4 июня в Витебске на встрече с журналистами и членами своей инициативной группы”
Гэта цытата з афіцыйнага друку (https://naviny.by/new/20200604/1591293850-babariko-poshel-v-ataku-na-lukashenko )

10/6/2020 › Навіны

Шырма для крамлёўскіх

(з цыклу «іх норавы»)

“Доктар” Мясьнікоў у інтэрв’ю Сабчак заявіў, што за зьнявагу заб’е, і яго ня спыніць страх турмы. Многія зьдзіўляюцца, маўляў, як можна, лекар, гуманная прафэсія. А я нічога дзіўнага ня бачу. У расейскай “эліце” ў людзей розныя прайдзісьвецкія легенды.

10/6/2020 › Навіны

Справы ў Расеі

Сітуацыя з каранавірусам у Расеі жахлівая, і чыноўнікі шчыра хлусяць пра яе маштабы. Мне сёньня працытавалі словы сёньняшняга ж Сабяніна. Вось гэтая цытата: “Калі гэта прасочыцца, нам галовы паадкручваюць…” Яно прасачылася, Сяргей Сямёнавіч.

16 траўня Сабянін правёў сэлектарную нараду па пытаньнях эпідэміялагічнай абстаноўкі ў Маскве. І на гэтай нарадзе былі агучаны шакуючыя лічбы, якія невядома, ці рызыкне Сабянін пацьведзіць публічна. Паводле апошніх дадзеных, у Маскве і новай Маскве на дадзены момант заражаных COVID-19 налічваецца 550 тысяч чалавек. Пры гэтым ужо выяўлена 6 выпадкаў паўторнага заражэньня каранавірусам.

10/6/2020 › Навіны

Бабaрыка ў Гомлі

“На сустрэчы з ініцыятыўнай групай патэнцыйны кандыдат у прэзыдэнты Віктар Бабарыка сказаў, што мэта яго і каманды — «падняць тыя 40%, якія сёньня адказваюць, што адназначна не ідуць на выбары або пакуль сумняваюцца».(https://www.svaboda.org/a/30651177.html)

Як толькі гэты спадар зьявіўся ў выбарчай кампаніі, ягоная роля намі была адмыслова падкрэсьлена — загнаць народ на выбары. А вось ён і сам пра тое прагаварыўся. Працуе супраць байкоту і супраць народнага руху “Лукашэнка, прэч!” (”Стоп, таракан!”)

03-06-2020 г. І. Віктаровіч

4/6/2020 › Навіны

Зянон ПАЗЬНЯК: МОМАНТ ПРАЎДЫ

У палітыцы момантам праўды ёсьць рашэньне і дзеяньне, якое спрыяе праўдзе.
Крытэрам палітычнае праўды ёсьць дабро Бацькаўшчыны і дабро народу. Айчына вечная, але народ мяняецца. Гэта пастулаты. Палітычнае змаганьне заўсёды йдзе за народ, дзе б, у якой форме і калі б тое ні было.

Цяпер у сувязі з выбарчай кампаніяй у час эпідэміі пачаўся стыхійны пратэстны рух людзей нездаволеных сацыяльным становішчам і абураных хамскімі зьнявагамі народа з боку Лукашэнкі. Рух выступае пад аб’яднаўчым лёзунгам “Лукашэнка — прэч!” (гэта значыць пад лёзунгам замены ўлады Лукашэнкі на “нармальную” беларускую ўладу). Узначалілі гэты рух не палітыкі, але малавядомыя людзі, беларусы з неакрэсьленымі нацыянальнымі і сацыяльнымі ўяўленьнямі. Антылукашысцкі пратэстны рух імкліва нарастае.

3/6/2020 › Навіны, Зянон Пазьняк

Зянон ПАЗЬНЯК: АБ ПАДТРЫМЦЫ НАРОДНАГА ПРАТЭСТУ. СУПРАЦЬ УДЗЕЛУ ЛУКАШЭНКІ Ў ВЫБАРАХ

(Ліст да сяброў КХП — БНФ)

Паважаныя сябры, спадарыні і спадары. На жаль мы ня можам цяпер сабраць Сойм і абмеркааваць пытаньне як належыць. Эпідэмія, самакарантын, пахварэлі сябры, некаторыя заблакаваныя ў іншых краінах. Публічна праз Сеціва — гэта ня мэтад казаць пра рэчы, якія трэба разумець бяз слоў.

Тым ня менш мне ўдалося перамовіцца з выканаўчым кіраўніцтвам Партыі і я мяркую, што зьмест задачаў для сяброў стане вядомым. Тут мушу агулам абазначыць некаторыя палітычныя палажэньні.

1/6/2020 › Навіны

Антымаскоўская партызанская вайна ў Эстоніі

У Эстоніі многія з тых, хто намагаўся пазьбегнуць мабілізацыі, далучыўся да атрадаў Лясных Братоў, якія былі паўсюль. Калі ўсталяваныя саветамі ўлады ўжылі карныя мэтады супраць іхніх сем’яў, гэта толькі натхніла іншых пайсьці тым жа шляхам. Мяркуецца, што да 15000 эстонцаў ваявалі супраць савецкай улады ў складзе атрадаў Лясных Братоў, а галоўныя зоны супраціву былі на паўднёвым усходзе і паўднёвым захадзе.

Рыхард Саалістэ, які служыў быў афіцэрам у Эстонскім палку памежнай аховы, быў двойчы паранены падчас вайны, а ў 1944 г. патрапіў на выспу Хііюмаа. Там ён арганізаваў маршрут для ўцёкаў у Швэцыю для эстонцаў, якія не хацелі жыць пад нямецкай акупацыяй.

28/5/2020 › Навіны

Каронавірус. Пэкін-Масква

(урывак)

Па-першае, кітайскія камуністычныя правадыры сумесна з эфіопскім марксістам Гэбрэісусам сьвядома хавалі маштабы эпідэміі і запэўнівалі сьвет, што каронавірус не перадаецца ад чалавека чалавеку. Адчайныя папярэджваньні Тайваня (які сам бліскуча даў рады эпідэміі) Гэбрэісусам адкідваліся. Для ягонай класвай сьвядомасьці Тайвань быў мяцежнай правінцыяй Кітаю.
Больш таго, даволі хутка высьветлілася, што мірны вірус вырваўся ў 2019 годзе з лабараторыі Уханьскага інстытута вірусалогіі, якою кіруе пані Шы Чжэнлі, так жа сама як мірны атам вырваўся ў свой час з 4-га рэактара Чарнобыльскай АЭС. Прыкрая памылка навукоўцаў, якія захапіліся сваімі экспэрымэнтамі.

28/5/2020 › Навіны

Сын правадыра

Сьцяпан Салжаніцын ачоліў буйнейшую вугальную кампанію ў Расеі, якая належыць алігарху Мельнічэнку. Значная частка актываў гэтай кампаніі, як і наогул алігархічнай маёмасьці ў краіне, створана рукамі зэкаў. Заснавальнікам алігархічнай сістэмы ў Расеі быў ня Пуцін і нават ня Ельцын, а Сталін. Менавіта ён стварыў эканамічную базу будучых алігархічных капіталаў. Гэта Сталін аплаціў крывёй зэкаў, што загінулі на будаўніцтве Норнікэля, Магніткі і іншых “будоўляў сацыялізма”, яхты і палацы алігархаў, якія сталіся ўладальнікамі гэтых прадпрыемстваў.

28/5/2020 › Навіны

« Ранейшае  »