Прамова Зянона Пазьняка на мітынгу ў Дзень вайсковай славы

Зянон Пазьняк выступіў на мітынгу, прысьвечанаму Дню беларускай вайсковай славы.
Варшава, 9 верасьня 2023 г.

https://www.youtube.com/watch?v=Ac5_wSDHYbM

Крыніца: канал “ВОЛЬНАЯ БЕЛАРУСЬ”

10/9/2023 › Навіны, Зянон Пазьняк

ПАМЯТАЕМ ПРА ВОРШУ

Паважаныя землякі, паважаныя Беларусы, віншуем нас з Днём Беларускай Вайсковай Славы!

8 верасень 1514 года знакаміты дзень у беларускай ваеннай гісторыі. Тады адбылася вялікая бітва пад Воршай калі войска Вялікага Княства Літоўскага — нашай старажытнай дзяржавы — пра удзеле польскіх аддзелаў разграмілі ўшчэнт утрая большую маскоўскую арду, якая ўдзерлася на нашу тэрыторыю. (Маскалі спадзяваліся яшчэ на немцаў, але пасьля разгрому тыя адкінуліся.)

9/9/2023 › Навіны, Зянон Пазьняк

Зянон ПАЗЬНЯК: ШЭСЬЦЕ ЗЛА

За апошнія паўгады назіраюцца сур’ёзныя дзеяньні антыбеларускіх сілаў. Беларускія справы шмат дзе церпяць паразы. Гэта непрыемна, але няроўная барацьба працягваецца і беларускі супраціў не малее.

Ніжэй пра некалькі фактаў перавагі зла.

1). Дыскрымінацыя і пагроза дэпартацыі беларусаў у Летуве. Антыбеларуская рэальнасьць у Летуве зьвязана перш за ўсё з шкоднай дзейнасьцю групы Франака-Ціханоўскай (”офіса”), з актыўнасьцю расейскай агентуры і з палітычнай няўмеласьцю ўлады кансэрватараў у Летуве.

7/9/2023 › Навіны, Зянон Пазьняк

Гісторыя аднаго юбілею

Гісторыю трэба вывучаць уважліва, асабліва ў наш трывожны час, каб ведаць, і больш дакладна аналізаваць карані сёньняшняй трагедыі. Для ўсіх абазнаных і адэкватна думаючых людзей зразумела, што да вайны ва Украіне прывяла самая важная прычына – поўны захоп улады структурамі КДБ у вялізнай краіне з атамнай зброяй. Гэтая сумна вядомая арганізацыя, створаная пасьля прыходу да ўлады бальшавікоў у Расеі, зьнішчыла мільёны людзей, раскашавалася не толькі ў былым СССР , але і па цэлым сьвеце. Амбітныя пляны КГБ сягалі да сусьветнага панаваньня, а не толькі ў Расеі.

7/9/2023 › Навіны, Змаганьне за Беларусь

ЛЮБЕМ І ПАДТРЫМЛІВАЕМ СВАЁ, БЕЛАРУСКАЕ!

Нядаўна ў выдавецтве “Традыцыя” выйшаў зборнік пад назвай “Бяседныя песьні”. Укладальнікі гэтага зборніка – вядомы руплівец на ніве беларускай традыцыйнай культуры Сяржук Доўгушаў і Наста Някрасава. Зборнік песень налічвае 80 старонак. Тут прадстаўлены ня толькі тэксты песень (у кірыліцы і лацініцы), але і ноты да іх.

Песьні суправаджалі беларусаў усё жыцьцё, ад калыскі да труны, гэта ёсьць неадемная частка нашай беларускай культуры. Але ў ліхалецьце, калі на Бацькаўшчыне руйнуецца ўсё беларускае, усялякая беларуская традыцыя, наша культура, наша мова, — зьяўленьне на сьвет сьведчаньня народнай творчасьці (у дадзеным выпадку – бяседных песень) мае асаблівую каштоўнасьць для беларусаў.

7/9/2023 › Навіны

ЗЯНОН ПАЗЬНЯК: НАЙВЯЛІКШАЕ СЬВЯТА

Дарагія землякі, паважаныя Беларусы.

25 Жнівень — найвялікшае сьвята Беларускай Незалежнасьці.

32 гады таму, 25-га жніўня 1991 года, мы, беларусы, збавіліся ад камунізму і ад расейскай савецкай акупацыі. Гэта адбылося ў вельмі няроўным змаганьні народнага авангарду, якім быў Беларускі Народны Фронт Адраджэньне, супраць коснай і прадажнай каланіяльнай улады савецка-расейскага камунізму.

25-га Жніўня Вярхоўны Савет БССР зацьвердзіў Дэклярацыю аб дзяржаўным суверэнітэце ў якасьці Канстытуцыйнага закона краіны. Потым была скасаваная назва БССР і прынятая новая назва дзяржавы — Рэспубліка Беларусь. 19-га верасьня беларускія нацыянальныя гістарычныя сімвалы — Бел-Чырвона-Белы Сьцяг і гэрб Пагоня — былі зацьверджаны ў якасьці дзяржаўнай сімволікі Рэспублікі Беларусь.

25/8/2023 › Навіны, Зянон Пазьняк

ЗЯНОН ПАЗЬНЯК: АБ ПРЫЧЫНАХ ДЫСКРЫМІНАЦЫІ БЕЛАРУСАЎ З БОКУ ЦЯПЕРАШНІХ УЛАДАЎ ЛЕТУВЫ

Такога яшчэ не было. Частковы адказ на пытаньне, выстаўленае ў загалоўку (калі коратка і дакладна) гучыць так: адной з прычынаў дрэнных адносінаў да Беларусаў з боку цяперашніх ўладаў Летувы зьяўляецца падрыўная дзейнасьць агентурнай групы “Офіса” Франака-Ціханоўскай і яе ўплыў на цяперашніх кансэрватыўных палітыкаў.

А пачалося ўсё яшчэ вясной гэтага года (канец сакавіка), калі ў Сэйме падрыхтавалі закон аб ўраўненьні дачыненьнў да беларусаў як да расейцаў і прапанавалі дыскрымінацыйныя палажэньні. 29-га сакавіка я і Павел Усаў выехалі ў Вільню як прадстаўнікі НВР “Вольная Беларусь”, каб сустрэцца з прыўладнымі палітыкамі і кансэрватыўнымі дэпутатамі Сэйма ды абмеркаваць праблему, задаць пытаньні, зрабіць прапановы.

24/8/2023 › Навіны, Зянон Пазьняк

АСАБІСТЫ ПУБЛІЧНЫ ЛІСТ аб абмене і вызваленьні палітвязьняў і ваеннапалонных

Зянон Пазьняк: Тут апублічваю тэкст ліста, накіраваны мной на э-по А. Р. Лукашэнку і У. А Зяленскаму пра абмен палітвязьняў і ваеннапалонных
Аляксандар Рыгоравіч Лукашэнка
Уладзімер Аляксандравіч Зяленскі

АСАБІСТЫ
ПУБЛІЧНЫ ЛІСТ
аб абмене і вызваленьні
палітвязьняў і ваеннапалонных
12 жнівень 2023 г.

Аляксандар Рыгоравіч і Уладзімер Аляксандравіч, зьвяртаюся да вас як да звычайных людзей, не ўжываючы вашых афіцыйных тытулаў, бо рашэньне аб справе, па якой я зьвяртаюся, мае перш за ўсё маральны характар.

Справа пра абмен ваеннапалонных.

Два палонныя грамадзяне Беларусі ( Максім Зязюльчык і Андрэй Герыловіч ), якія былі ў расейскім войску, ваявалі супраць Украіны і асуджаныя судом Украіны на пазбаўленьне волі адпаведна на 10 і на 9 гадоў, зьвярнуліся да ўлады Рэспублікі Беларусь з просьбай абмяняць іх на палітзьняволеных Рэспублікі Беларусь.

Прашу вас паспрыяць такому абмену, улічыць маю прапанову і пазыцыю шматлікіх беларусаў у Польшчы. Менавіта: абмяняць палонных Максіма Зязюльчыка і Андрэя Герыловіча на палітвязьняў у Беларусі: Вольгу Віктараўну Залатар – маці пяцярых непаўналетніх дзяцей, асуджаную на 4 гады пазбаўленьня волі, і журналіста Дзяніса Яўгенавіча Івашына, асуджанага на 13 гадоў і 1 месяц пазбаўленьня волі.

15/8/2023 › Навіны, Зянон Пазьняк

Рэцэнзія на спэктакль

“За туманам нічога ня відна,
Толькі відна дуба зелянога”…

———————————

Беларускі тэатр у вельмі цяжкіх умовах эміграцыі на выпадковых, не прыстасаваных пляцоўках паказвае высокі творчы ўзровень. Прытым узьнікае ён сярод сьвету, у якога ўжо няма прыцягненьня ні для тэатра, ні для літаратуры, ні для Духа, ні для вялікіх ідэй. У нас, беларусаў, яно яшчэ ёсьць.

Спэктакаль “Замова” (рэжысёр Максім Шышко) пастаўлены ў Варшаве невялікай гомельскай трупай у неазначаным аўтарам жанры як “музычны праект”. На справе тут тыповая зьява сімвалічнага тэатра, які прабіваўся ў сьвет як творчая канцэпцыя і стыль у першай трэці 20-га стагоддзя.

10/8/2023 › Навіны, Зянон Пазьняк

Зянон Пазьняк у Беластоку. Адказы на пытаньні і дыскусія.

Зянон Пазьняк і Павел Усаў адказваюць на пытаньні ў Беластоку.
30 ліпеня 2023 г.

Лекцыя Зянона Пазьняка ў Беластоку:

• Беларуская нацыянальная ідэя. Зянон П…

Тэлеграм Вольнай Беларусі: https://t.me/volnaja_belarus
Падрабязьней: https://www.bns-volnayabelarus.org/po…

https://www.youtube.com/watch?v=t8LaFBA-uss

3/8/2023 › Навіны, Зянон Пазьняк

Беларуская нацыянальная ідэя. Лекцыя Зянона Пазьняка ў Беластоку

Беларуская нацыянальная ідэя. Лекцыя Зянона Пазьняка ў Беластоку30 чэрвеня 2023 г.

Тэлеграм Вольнай Беларусі: https://t.me/volnaja_belarus
Падрабязьней: https://www.bns-volnayabelarus.org/po…

ВОЛЬНАЯ БЕЛАРУСЬ

https://www.youtube.com/watch?v=pslMJuVox7o

1/8/2023 › Навіны, Зянон Пазьняк

Зянон ПАЗЬНЯК: ДА ПЫТАНЬНЯ АБ КІБЭР-ПАРТЫЗАНАХ

У сумніўным сецевым рэсурсе “Зеркало” зьявілася інтэрв’ю з інкогніта “кібэр-партызанам”. Негалоснай прычынай гэтага інтэрв’ю зьявіліся мае пытаньні да іхняга прадстаўніка аб антынацыянальных дзеяньнях “кібэр-партызанаў”.

У пачатку ліпеня, прадстаўнікі руху “Вольная Беларусь” у Беларусі мелі сацыяльны кантакт з апазыцыйнымі выкладчыкамі Беларускага дзяржаўнага ўнівэрсітэту. Вось што тыя паведамілі (апускаю дэталі):
“Што нарабілі кібэрпартызаны гэтыя ў БДУ.

31/7/2023 › Навіны, Зянон Пазьняк

Зянон ПАЗЬНЯК: ГІСТАРЫЧНАЕ СЬВЯТА

Сёньня 27 ліпень знакаміты Дзень у беларускай гісторыі. 33 гады таму, дзякуючы найперш надзвычайным стараньням дэпутатаў Апазыцыі БНФ у Вярхоўным Савеце была прынята «Дэклярацыя аб дзяржаўным суверэнітэце Беларускай ССР», якая праз год, 25 Жніўня, лягла ў аснову Акта аб незалежнасьці Беларусі.

Дэклярацыя дала магчымасьць дэпутатам БНФ падрыхтаваць заканадаўства незалежнай дзяржавы (законы аб грамадзянстве, аб банках, аб выніках Чарнобыльскай катастрофы, аб прыватызацыі, аб міліцыі і дзясяткі іншых). Дэклярацыя ўвяла ў сьведамасьць беларусаў ідэю аб рэальнай магчымасьці здабыць незалежнасьць краіны.

28/7/2023 › Навіны, Зянон Пазьняк

Юры Беленькі: “Бабарыку могуць забіць у турме”

Аналітычнае відэа Юрыя Беленькага, сябра БНС “Вольная Беларусь”.
Тэма: забойствы ў турмах, укіды ў СМІ пра палітвязьняў, і дзеля чаго гэта ўсё можа рабіцца акупацыйным рэжымам

https://www.youtube.com/watch?v=oFuOok11VKY

18/7/2023 › Навіны

Зянон ПАЗЬНЯК: РЭПЛІКА АБ ПАЛІТЫЧНАЙ БАРАЦЬБЕ

Нядаўна я зьмясьціў у Сеціве допіс аб некаторых тыповых прыёмах таталітарнага рэжыму ў змаганьні з дэмакратычным нацыянальным рухам (”ПРА АНТЫДЭМАКРАТЫЧНЫ ТЭЗІС “ОБЪЕДИНЕНИЯ ВСЕХ ДЕМОКРАТИЧЕСКИХ СИЛ”). Гэта быў паўтор напісанага ў 90-х гадах, калі кожны фронтавец на практыцы разумеў і меў справу з такой рэжымна-маскоўскай палітыкай.

Сутнасьць яе была простай. Рэжым (дакладней, КГБ) ствараў свае партыі (тыпу “Нацыянальна-дэмакратычная”, АГП, “Сялянская партыя”, партыя “Згода” і нават “Хрысьціянская”, якіх было некалькі і т. п.). Потым тут жа, зьвяртаючыся да БНФ, пачынаўся лямант аб аб’яднаньні ўсіх дэмакратычных сіл.

12/6/2023 › Навіны, Зянон Пазьняк

Зянон ПАЗЬНЯК: ПРА СУТНАСЬЦЬ РУСІФІКАЦЫІ ДЗЯЦЕЙ

Некаторыя дзеячы беларускай замежнай палітыкі моцна замаркоціліся, што лукашысцкі рэжым прывозіць украінскіх дзяцей ў Беларусь і русіфікуе іх, каб перарабіць на рускамірцаў.

Русіфікацыя — гэта злачынства і, відаць, шчырая тут ёсьць маркота ў палітычных дзеячоў, хоць лукашысцкі рэжым нічога спэцыяльнага дзеля перавыхаваньня ўкраінскіх дзяцей на практыцы ня робіць.
Прывезеных дзяцей проста механічна ўключаюць у сістэму рэжымнага існаваньня школы ў Беларусі. Гэтая школа стараньнямі асабіста Лукашэнкі даўно перастала быць беларускай. Тут даўно ўжо русіфікуюць беларускіх дзяцей у цемрашальстве “русского міра”, вучаць іх на сфальшаванай гісторыі, у школе выкладаюць расейскі “патрыятызм” і “русскій язык”, убіваюць у галовы дзяцей, што яны маскалі.

12/6/2023 › Навіны, Зянон Пазьняк

Лекцыя Зянона Пазняка пра Курапаты

Пряма трансляція відбулася 8 черв. 2023 р.

https://www.youtube.com/watch?v=q4cAtclGFeI

8 чэрвеня ў Беларускім Доме ў Варшаве прайшла лекцыя чалавека-легенды і адкрывальніка Курапатаў Зянона Пазняка «Адкрыццё Курапатаў і пачатак сістэмнай барацьбы супраць расейскага камунізму».

Упершыню пра масавыя расстрэлы супрацоўнікамі НКУС ва ўрочышчы Курапаты стала шырока вядома 3 чэрвеня 1988 года з артыкула «Курапаты — дарога смерці» Зянона Пазняка і Яўгена Шмыгалёва.

10/6/2023 › Навіны

Зянон ПАЗЬНЯК: ПРА АНТЫДЭМАКРАТЫЧНЫ ТЭЗІС “ОБЪЕДИНЕНИЯ ВСЕХ ДЕМОКРАТИЧЕСКИХ СИЛ”

У змаганьні з сіламі свабоды, дэмакратыі і незалежнасьці дыктатура, расейскі камунізм і расейскі імпэрыялізм (сярод іншага) выкарыстоўваюць два тактычныя падыходы: стварэньне квазі-апазыцыі (падстаўной арганізацыі) і патрабаваньне “аб’яднаньня ўсіх дэмакратычных сілаў”.

Апошні тэзіс зьяўляецца ў корані антыдэмакратычным, існуе пастаянна ў прыёмах таталітарнага змаганьня з дэмакратыяй і нацыянальна-вызвольным рухам.

6/6/2023 › Навіны, Зянон Пазьняк

Зянон ПАЗЬНЯК: ШЧЫМЛІВЫ ЧАС ПРА ТРАГІЧНЫЯ ДНІ

35 гадоў таму былі адкрытыя Курапаты — месца масавых расейска-бальшавіцкіх растрэлаў Беларускага народа пад Менскам.
3-га чэрвеня 1988 года ў газэце “Літаратура і мастацтва” зьявіўся артыкул “Курапаты — дарога сьмерці”. Праўда пра генацыд ускалыхнула грамадзтва, засьведчыла, што Беларускі народ жывы духам і не скарыўся. Ад Курапатаў пачаўся адлік часу існаваньня камунізму і СССР. Дні яго былі палічаныя. Пачалося новае Беларускае Адраджэньне. Узьнік Беларускі Народны Фронт. У 1991 годзе была дасягнута незалежнасьць Беларусі.

4/6/2023 › Навіны, Курапаты, Зянон Пазьняк

Прамова Зянона Пазьняка падчас ушанаваньня памяці Героя Міраслава Лазоўскага

Прамова Зянона Пазьняка падчас ушанаваньня памяці Героя Міраслава Лазоўскага, які загінуў пад Бахмутам ва Ўкраіне.
Кіеў, 26 траўня 2023 г.

https://www.youtube.com/watch?v=swAs9FBJ7xE

Крыніца “Вольная Беларусь”, канал youtube

29/5/2023 › Навіны, Зянон Пазьняк

« Ранейшае  »