Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

ЗЯНОН ПАЗЬНЯК: 25-ы ЖНІВЕНЬ

Набліжаецца вялікае нацыянальнае сьвята — Дзень Незалежнасьці Рэспублікі Беларусь.
29 гадоў таму 25-га Жніўня 1991 года адбылася гістарычная падзея і палітычны цуд, які перавярнуў сьведамасьць беларусаў, вызначыў новае гістарычнае існаваньне Беларусі. Дэклярацыя аб суверэнітэце БССР была зацьверджана сэсіяй Вярхоўнага Савета ў якасьці Канстытуцыйнага закона і аб’яўлена Незалежнасьць Беларусі.

Цуд жа заключаўся ў тым, што генератарам і вырашальнай сілай гэтых гістарычных падзей былі дэпутаты фракцыі Беларускага Народнага Фронту (Апазыцыя БНФ), якія складалі значную меншасьць (10%) у камуністычным Вярхоўным Савеце, але пры падтрымцы іншых дэмакратычных дэпутатаў і тысячаў людзей за сьценамі парляманту здолелі пераламаць супраціў камуністаў, і парлямант аднагалосна прагаласаваў за незалежнасьць Беларусі.

А ў канцы дэпутаты Фронта і дэмакратычныя прыхільнікі БНФ здолелі яшчэ спыніць дзеяньне КПСС і камсамола ў Беларусі і зрабілі гэтую фантастычную палітычную перамогу галасамі большасьці самых камуністаў, якія здаліся перад абставінамі cвабоды.

Наша воля цудоўная. Наша незалежнасьць магутная. Шануйма нашу волю і незалежнасьць Беларусі. Шануйма 25-ы Жнівень 1991 года. Гэта вялікі Дзень Незалежнасьці Рэспублікі Беларусь.
Наша гісторыя вялікая і багатая. 25-га Сакавіка 1918 года, пасьля больш чым ста гадоў расейска-царскай акупацыі, была аб’яўлена незалежнасьць Беларускай Народнай Рэспублікі. Новая беларуская нацыя, якая вырасла зь Вялікага Княства Літоўскага, аб’явіла аб сваёй незалежнай дзяржаве. Беларуская нацыянальная ідэя ажыцьцявілася. Потым была зноў акупацыя і страшная ноч маскоўскага камунізму, калі Беларусь страціла свабоду, тэрыторыю і гарады, і амаль два мільёны людзей, якіх забілі і замучылі акупанты.

І вось 25-ы Жнівень 1991 год — Беларусь паўстала, уваскрэсла тады, калі ўжо ворагі яе амаль пахавалі.

Жыве Беларусь! Слава Айчыне!

25-га Жніўня — нацыянальнае сьвята Незалежнасьці Рэспублікі Беларусь трэба адзначыць на плошчах у Менску і ва ўсіх гарадах Беларусі. Хай гучыць зноў наша вялікая Беларуская Мова ў песьнях і клічах “Жыве Беларусь!”! Хай веецца наш сьвяты, паліты крывёй беларусаў, дзяржаўны Бела-Чырвона-Белы Сьцяг! Хай узносіцца старажытная наша Пагоня і гучыць наш гістарычны беларускі гімн БНР, зьмест якога ўвабраў нашу гісторыю і сёньняшні дзень.

Віншую ўсіх беларусаў з Днём Незалежнасьці Рэспублікі Беларусь!

25 жніўня 2020 года аб 19.00 — усе на плошчу Незалежнасьці.

Г І М Н

Мы выйдзем шчыльнымі радамі
На вольны родны свой прастор.
Хай воля вечна будзе з намі,
А гвалту мы дамо адпор!
Дамо адпор!

Няхай жыве магутны, сьмелы
Наш беларускі вольны дух.
Вольны дух.
Штандар наш бел-чырвона-белы,
Пакрый сабой народны рух.

На бой! За шчасьце і за волю
Народу слаўнага свайго!
Браты, цярпелі мы даволі,
На бой — усе да аднаго!
Да аднаго!

Імя і сілу беларуса
Няхай пачуе й убачыць той,
Убачыць той,
Хто сьмее нам нясьці прымусы
І першы выкліча на бой.

Браты, да шчасьця мы падходзім:
Хай гром грыміць яшчэ мацней!
У крывавых муках мы народзім
Жыцьцё Рэспублікі сваей!

Вельмі актуальна гучыць цяпер наш гімн. Нібы пра сёньняшнія дні напісаны.

23 жнівень 2020 г. Зянон ПАЗЬНЯК

24/8/2020 › Навіны, Зянон Пазьняк


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2020
П А С Ч П С Н
« Ліп   Вер »
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024