Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Трэба быць гатовымі да абароны Бацькаўшчыны

(Ліпеньскі Сойм 2019 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

14 ліпеня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Будучыня належыць разумным”. Старшыня ў сувязі з 25-годдзем усталяваньня Масквой антыбеларускага рэжыму ў нашай краіне прааналізаваў мэтады Расеі і гісторыю станаўленьня гэтага рэжыму, падкрэсьліўшы, што зараз назіраецца абвастрэньне небясьпекі для незалежнасьці Беларусі. Наша краіна панесла ў выніку маскоўскай каланіяльнай палітыкі велізарныя этнічныя, грамадзкія, адукацыйныя і эканамічныя страты, што прывяло да палітычнай і сацыяльнай дэзарыентацыі маладога пакаленьня. Безраздзельнае панаваньне чужой дзяржавы ў Беларусі ператварыла ўсё ў краявід пасьля патопу. Палітычны рух разбураны, і толькі наша партыя КХП-БНФ працягвае змаганьне за незалежнасьць і беларускае нацыянальнае адраджэньне, дзейнічаючы ў поўпадпольлі. Поўнасьцю адсутнічаюць беларускія нацыянальныя СМІ. Нават тыя СМІ, якія працуюць у беларускай мове, на палову (а то і цалкам) знаходзяцца на згодніцкіх пазыцыях да антыбеларускага рэжыму. Рыторыка, якую часам агучвае сатрап, ня мае ніякага значэньня, на гэтым фоне робяцца подлыя антыбеларускія справы, ідзе новы этап расейскай акупацыйнай інтэграцыі. Аднак, у параўнаньні з 1990-мі гадамі ёсьць станоўчыя зьмены ў нашым грамадзтве, бальшыня якога скансалідавалася на аснове сваёй нацыянальнай дзяржавы. Нягледзячы на высілкі Масквы, не ўдалося зьнішчыць беларускую мову. Нягледзячы на катастрафічныя страты, наша грамадзтва набыло якасьці патэнцыйна моцныя для супраціву маскоўскай агрэсіі з усходу. Самаарганізацыя ўзьнікне ў зьменных абставінах.

З дакладам выступіў сп. Юры Беленькі, выканаўца абавязкаў у Беларусі старшыні Партыі і Фронту. Выступоўца паведаміў пра шэраг фактычных забаронаў рэжыму на правядзеньне нашых традыцыйных партыйных мерапрыемстваў. Апошняя з забаронаў – на Ігуменскі шлях, ушанаваньне памяці ахвяраў маскоўскай акупацыі ў г. Чэрвені. Рэжым патрабуе аплаты вялікіх грашовых сум “на аплату паслугаў міліцыі, пажарных, ЖКГ і мэдыкаў” ад удзельнікаў некамэрцыйных мерапрыемстваў, якія прыдуць на месцы расстрэлаў і магілы ахвяраў. Гэта ёсьць беспрыцыдэнтнае парушэньне грамадзкіх правоў, адлюстраваных у Канстытуцыі Беларусі і мжнародных законах. Пасьля прахаджэньня ўсіх судовых інстанцый у Беларусі КХП-БНФ зьвернецца з пратэстам у міжнародныя структуры. Дарэчы, стала вядома, які “прыцыдэнт” мае рэжым для “абгрунтаваньня” сваёй незаконнай дзейнасьці. Высьветлілася, што на працягу доўгіх гадоў шэраг псэўдаапазыцыйных грантаўскіх арганізацый аплочвалі рэжыму вялікія сумы за дазвол правесьці мерапрыемствы.

Выступоўца спыніўся на палітычных падзеях ва Украіне, ад якіх шмат што залежыць і разьвіцьцё сітуацыі ў Беларусі. Назіраецца спроба рэваншу прарасейскіх сілаў, імкненьне Масквы аслабіць і дэзарыентаваць дзяржаву і грамадзтва Украіны. Але важна, што патрыёты выступілі з заявамі і дзеяньнямі, якія маюць на мэце прадэманстраваць “пятай калёне” і маскоўскаму ворагу гатовасьць нацыянальных сілаў абараніць радзіму любымі спосабамі. Нацыянальны авангард –сотні тысяч украінцаў, якія прайшлі фронт і дзейнічаюць на ўсёй тэрыторыі дзяржавы – не дазволяць здраднікам і расейскім агрэсарам захапіць Украіну.

У самой Расеі мы назіраем бясконцую сэрыю тэхнагенных, сацыяльных і прыродных катастроф. 40% насельніцтва Масквы ўжо складаюць нерасейцы, кітайцы бяруць пад кантроль Прымор’е і Сібір, расейскае насельніцтва бяднее і вымірае, а крамлёўскае кіраўніцтва, замест каб вырашаць праблемы ўнутры краіны, рыхтуецца да вайны супраць цывілізаванага сьвету. У сувязі з гэтым трэба працягваць працу па інфармаваньні беларускага грамадзтва аб неабходнасьці мацаваць нашу дзяржаўную незалежнасьць і бараніць Беларусь ад разбуральных працэсаў, што ідуць на ўсходзе.

Выступілі таксама сябры Сойму з розных рэгіёнаў краіны. У Берасьці працягваецца перасьлед актывістаў, якія выступаюць супраць пабудовы атрутнага прадпрыемства. Рэжым выкарыстоўвае подлыя антызаконныя мэтады супраць актывістаў. Бачна, што рэжым баіцца салідарных і сацыяльна актыўных беларусаў. З другога боку, у Берасьці назіраецца таксама актыўнасьць антыбеларускіх рэжымных структур і гастралёраў з РФ. Свае прамовы на публіцы яны пачынаюць з гуканьня “Дорогие россияне!”. Але ў адказ беларусы маўчаць і не выказваюць захапленьня. Па ўсёй краіне тыя, хто пабыў у Расеі на працы, распавядаюць пра жахлівыя ўмовы жыцьця ў РФ, пра панаваньне крымінала і сваволю ўладаў. Гэтыя людзі ўжо ня хочуць “інтэгравацца ў Расею”.

Выступоўцы выказалі трывогу ў сувязі з закуліснымі перамовамі мясцовага рэжыму з кіраўніцтвам Расеі. Сапраўдная інфармацыя аб тым, пра што вядуцца гэтыя перамовы, засакрэчана. Зразумела, што адбываецца спроба захопу нашай краіны крамлёўскай імпэрыяй. Неабходна быць гатовымі да абароны Бацькаўшчыны ад маскоўскай агрэсіі.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
14 ліпеня 2019 г.

16/7/2019 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Ліпень 2019
П А С Ч П С Н
« Чэр   Жні »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024