Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агрэсіўная дэманстрацыя маскоўцаў на памежнай станцыі

Незвычайыя падзеі адбываюцца на беларуска-расейскай мяжы. Замежнікі афармляюць у сваіх краінах візы ў Беларусь і на Расею, усе дакуманты ў парадку. Прыязджаюць у Беларусь. Купляюць у Менску квіток на цягнік у Пецярбург. Ніхто нідзе іх не папярэджвае. Толькі пры пасадцы ў вагон правадніца кажа, што “калі што не ў парадку, то вас высадзяць”. Але ж усё ў парадку.

На першай расейскай памежнай станцыі Азярышча ў цягнік уваходзяць расейскія афіцэры-памежнікі і правяраюць дакуманты толькі ў замежных грамадзян (у тым ліку з СНД), у астатніх наогул не правяраюць пашпарты. Людзям кажуць: “Вы можаце прыбыць на тэрыторыю РФ толькі самалётам. Вы парушылі правілы”. І высаджваюць. Зьбіраюць на пэроне групу з такіх бедалаг, зьнятых з некалькіх цягнікоў (з маім італьянцам іх было 17 чалавек), саджаюць у аўтобус і вязуць у Нэвель (Нэвель цяпер у межах Расеі). Там завозяць за калючы дрот на спэцтэрыторыю (нешта кшталту невялікага фільтрацыйнага лягеру), зачыняюць на ключ у большым памяшканьні. Некаторыя бьюць кулакамі ў дзьверы і крычаць – ніякай рэакцыі. Трымаюць там некалькі гадзін, потым афармляюць штраф (30 даляраў), які трэба будзе аплаціць у РФ. Піць і есьці не даюць. Людзі скідваюцца ў Нэвелі на таксі і едуць назад у Менск. Купляюць квіток на самалёт. У нашым Нац. аэрапорце няма ніякіх праблем. Я пытаюся на кантролі: “А дзе будуць іхнія пашпарты правяраць?” Асоба кажа: “У нас союзное государство, паспортного контроля нет…” Чалавек усё ж даляцеў да Піцера.

Ну і што гэта такое? Яно дзейнічае толькі самым апошнім часам. Можа маскоўцы не зацікаўленыя, каб замежнікі бачылі з вагона іхнюю мяжу і што там робіцца? А можа гэта правакацыя-помста за санкцыі? Каб расказвалі дома, які Пуцін строгі, як ён умее. Магчыма, што гэта ёсьць наступны этап самаізаляцыі РФ. Але адно зразумела цалкам: гэта ёсьць выразная агрэсіўная дэманстрацыя.

16.08.2018, В. Б.

28/8/2018 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2018
П А С Ч П С Н
« Ліп   Вер »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024