Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Толькі адна маці стала на парозе свайго дома з сякерай бараніць сваіх дзяцей ад свавольства лукашысцкага рэжыму

(Жнівеньскі Сойм 2018 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

12 жніўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Крымінал і левая прапаганда” (надрукавана). З дакладам выступілі сп. Юры Беленькі, выканаўца абавязкаў у Беларусі старшыні Партыі і Фронту, і сп. Сяргей Папкоў, нам старшыні Партыі і Фронту.

Выступоўцы зрабілі агляд падзей прамінулага месяца і асноўных тэндэнцый палітычнага, эканамічнага і сацыяльнага жыцьця. У цэнтры ўвагі палітычнага грамадзтва зьяўляюцца новыя санкцыі, паабяцаныя ЗША на адрас Расеі, якія павінны ўступіць у сілу на прыканцы жніўня. Ня выключана, што цывілізаваны сьвет ведае пра падрыхтоўку Масквой нейкіх маштабных агрэсіўных дзеяньняў супраць Украіны і прадпрымае прэвэнтыўныя меры для спыненьня маскоўскага агрэсара. Дайшло нават да таго, што Ул. Пуцін упершыню азваўся аб тым, што “санкцыі парушаюць міжнароднае права”. Вышэйшы прадстаўнік краіны-агрэсара, дзе законнасьць даўно ўжо растаптана, згадвае пра “права”. Значыць, у Крамлі адэкватна ацэньваюць пагрозу далейшага пашырэньня санкцый, што пагражае вялікімі цяжкасьцямі РФ і нават калапсам яе фінансава-эканамічнай сістэмы. У Крамлі ацэньваюць і дэманструюць панічныя настроі.

Для беларусаў гэтыя працэсы не зьяўляюцца пабочнай тэмай, бо наша краіна штучна і брутальна ўключана ў правальную расейскую мадэль існаваньня. У Маскве і сярод аналітыкаў расейскай палітычнай эміграцыі пачалі гучаць галасы аб магчымай забароне абарачэньня даляра і нават аб магчымым пераводзе валютных банкаўскіх укладаў грамадзян у расейскія рублі. Беларусам сапраўды трэба вельмі ўважліва сачыць за разьвіцьцём падзей. Як бы там ні было, адназначным застаецца адно – стратэгічная тэндэнцыя існаваньня Расеі – гэта шлях да канчатковага развалу імпэрыі (які можа аказацца таксічным і агрэсіўным).

Зьвярнула на сябе ўвагу таксама апошняя хваля рэжымных рэпрэсій ў адносінах да журналістаў шэрагу СМІ. Ня выключана, што Масква і мясцовы рэжым імкнуцца запалохаць гэтую катэгорыю грамадзтва, не дапусьціць нават выпадковай уцечкі інфармацыі пра свае антызаконныя дзеяньні. Вельмі падобна ўсё на апэратыўную распрацоўку магчымых падзей з усходу.

Выступілі таксама сябры Сойму з розных рэгіёнаў краіны. Яны распавялі пра становішча на правінцыі. У шэрагу мэдычных установаў па ўсёй Беларусі назіраецца поўны развал. Вызначанае крэдытаваньне гэтых устаноў заканчваецца ў верасьні 2018 г. Што будзе далеей, ніхто ня ведае. На складаныя апэрацыі, пераліваньне крыві і падобнае грошай у шэрагу больніц ужо даўно няма. Парк машын “хуткай дапамогі” даведзены да аварыйнага стану. Састарэлыя аўтамабілі рассыпаюцца, замены ім няма. Крызіс з мэдыкамэнтамі стаў ужо звычайнай зьявай. Драматычныя працэсы адбываюцца ў сельскай мясцовасьці. Адміністрацыя раёнаў “у мэтах эканоміі” зачыніла шэраг сельскіх школ. Дзяцей пэўны час вазілі штодня на заняткі ў раённыя цэнтры, але цяпер вырашана арганізаваць для іх “школы-інтэрнаты” у раённых цэнтрах, зноў жа “у мэтах эканоміі”. Дзяцей забяруць з сем’яў, яны здолеюць пабачыць бацькоў толькі ў выходныя дні.

У многіх аргапрадпрыемствах не плацілі заробак апошнія 3-4 месяцы. Людзі ня маюць грошай, каб аплаціць электраэнэргію, і ў іх яе адключылі. Беларусы прыстасаваліся да цяжкой сітуацыі і пачалі карыстацца газавымі лямпамі. Тады адміністрацыя заявіла, што гэта ёсьць “недапушчальны ўзровень жыцьця” і “у такіх умовах сем’і ня могуць забясьпечыць сваім дзецям адэкватнага выхаваньня і апекі”. Сацыяльныя камісіі пачалі прымусова забіраць дзяцей з сем’яў у дзіцячыя прытулкі. Толькі адна маці (аграпрадпрыемства “Новая Зара”, Віцебская вобл.) стала на парозе свайго дома з сякерай і заявіла, што будзе бараніць сваіх дзяцей. Камісія ўцякла, але праз тыдзень прыехаў ОМОН, і дзяцей усяроўна забралі. Калі людзі датэлефанаваліся да прадстаўнікоў раённай і абласной адміністрацыі і паведамілі пра сваю бяду, то атрымалі цынічны адказ: маўляў, “трэба менш піць і паліць, тады і грошы будуць”.

Рэжымнае свавольства ня мае межаў, але нашы людзі працягваюць гэтаму зьдзіўляцца і многія нават спадзяюцца, што ад іх адчэпяцца, калі “сядзець ціха”. Патрабаваньнем часу становіцца вострая неабходнасьць самаарганізацыі грамадзтва, салідарных дзеяньняў па ўзаемадапамозе. Актыўныя людзі і патрыёты павінна разгарнуць гэтыя дзеяньні. Беларусам трэба спадзявацца толькі на сябе і пазбавіцца ад ілюзій. Родная культура і мова, нацыянальная адзінства павінны стаць асновай для паратунку нашага народа.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
12 жніўня 2018 г.

13/8/2018 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2018
П А С Ч П С Н
« Ліп   Вер »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2018
Сувязь