Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Годнае жыцьцё магчымае толькі ў сваёй мове і культуры

(Чэрвеньскі Сойм 2018 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

10 чэрвеня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” – «Забаўляльны рэстаран ля Курапатаў мусіць быць ліквідаваны». (Публікуецца). З дакладам выступілі сп. Юры Беленькі, выканаўца абавязкаў у Беларусі старшыні Партыі і Фронту, і сп. Валеры Буйвал, сакратар Управы Партыі і Фронту.

Старшыня Партыі зьвярнуў увагу сяброў Сойму, што рэстаранна-забаўляльны комплекс ля Курапатаў – гэта адмыслова прадуманая правакацыя і маскоўскі палітычны праект. Рэзкая перамена пазыцый ўсіх уладных структур, асобаў і фактычная падтрымка злачынства паказвае на адміністрацыйна-палітычны чыньнік. Мяркуючы па характары дачыненьняў ініцыятыва яго ў Маскве. Масква гэтую афёру кантралюе і праз васальную ўладу накіроўвае.

Выступоўцы падвялі вынікі важнейшага масавага мерапрыемства, якое было арганізавана 3 чэрвеня КХП-БНФ. “Дзень памяці пра генацыд” аб’яднаў людзей некалькіх пакаленьняў. На тэрыторыі Курапацкай сьвятыні сустрэліся беларусы, якія жылі ў часы тэрора расейскай акупацыі Беларусі, людзі, што 30 гадоў таму пачыналі працу па стварэньню Народнага мэмарыялу Курапаты, і сёньняшняя моладзь. Курапаты, памяць аб нашых пакутніках аб’ядналі ўсіх, каму дарагая Беларусь, яе культура і мова, наша дзяржава і будучыня. Не выпадкова, што менавіта да гэтай падзеі рэжым на загад Масквы пачаў правакацыйныя дзеяньні вакол рэстарана-бардэля “Бульбаш-хол”. Адказам на гэта ад беларускага грамадзтва будзе яшчэ больш актыўная асьветніцкая праца з мэтай данесьці да нашых людзей і сусьветнага грамадзтва праўду пра генацыд беларускага народу пад маскоўскай акупацыяй, пра працяг антыбеларускай палітыкі пад рэжымам унутранай акупацыі, кіруемай з Масквы. Задача беларускіх патрыётаў – абараніць і захаваць магілы ахвяраў тэрору і сотні крыжоў на тэрыторыі Народнага мэмарыялу Курапаты. Факты сьведчаць аб тым, што ня толькі ў Беларусі, але і ў Расеі крамлёўскі рэжым перайшоў да адкрытага зьнішчэньня магіл ахвяраў сталінскага тэрору, а таксама да спаленьня ўсіх дакумантаў, што тычацца лёсаў рэпрэсаваных людзей, статыстыкі і падзеяў тэрора. Калі гэта робіцца ў РФ, то, безумоўна, мясцовы васальны рэжым будзе рабіць тое ж самае ў Беларусі. Масква прыступіла на ўсіх падпарадкаваных ёй тэрыторыях да ліквідацыі сьлядоў сваёй тэрарыстычнай дзейнасьці. Гэта вымушае ад нас пільнасьці, арганізаванасьці і салідарнасьці.

Выступоўцы зьвярнулі ўвагу на пагрозу вялікай вайны, якую рыхтуе Масква. Адэкватныя аналітыкі ў розных краінах і самой Расеі праводзяць аналагі з гітлерскай Алімпіядай 1936 года ў Бэрліне. Прыводзяць таксама больш сучасныя прыклады з Сочынскай Алімпіядай Пуціна 2014 года, на наступны дзень пасьля завяршэньня якой пачалася расейская агрэсія супраць Украіны. Цяперашні Чэмпіянат сьвету па футболу, які днямі мае распачацца ў Расеі, выклікае не радасьць сьвята спорту, а трывожныя думкі і асацыяцыі. Міжнародная ізаляцыя, глыбокі сістэмны гаспадарчы і сацыяльны крызіс вымушаюць крамлёўскае кіраўніцтва шукаць паратунку сваёй улады і імпэрыі ў брутальных захопніцкіх дзеяньнях.

На жаль, палітыкі і грамадзтвы дэмакратычных краін не да канца разумеюць характар і разьвіцьцё гэтых працэсаў. Але беларусы ня маюць права на наіўнае стаўленьне да маскоўскай пагрозы. Нашаму грамадзтву трэба рыхтавацца да абароны Бацькаўшчыны ад агрэсара ў адпаведнасьці з Канстытуцыяй і нашай нацыянальнай традыцыяй.

Выступілі таксама сябры Сойму з розных рэгіёнаў краіны. Яны распавялі пра далейшае зьбядненьне людзей, пра антыбеларускую дзейнасьць рэжымнай сістэмы адукацыі, дзе на афіцыйным і паўафіцыйным узроўнях распаўсюджваюць брудны паклёп, хлусяць навучэнцам, кажуць ім пра “недаразьвітасьць і непатрэбнасьць беларускай мовы”, працягваецца татальная русіфікацыя. Многія людзі проста ня бачаць пэрспэктывы далейшага жыцьця на радзіме, імкнуцца выехаць за мяжу, жывуць у дэпрэсіі.

Перад патрыётамі стаіць задача пераканаць грамадзтва, што годнае, заможнае жыцьцё магчымае толькі ў сваёй мове, культуры і традыцыі, што русіфікацыя ёсьць шлях да беднасьці і рабства пад уладай маскоўскай імпэрыі.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
10 чэрвеня 2018 г.

11/6/2018 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2018
П А С Ч П С Н
« Тра   Ліп »
 123
45678910
11121314151617
18192021222324
252627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024