Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Працягваецца праца зьвязаная з усталяваньнем у Менску памятнага каменя прысьвечанага 100-гадоваму юбілею абвяшчэньня незалежнасьці БНР

Зянон Пазьняк ініціяваў ідэю ўсталяваньня па ўсёй Беларусі і за яе межамі (там, дзе жывуць беларусы) памятнага каменя ў гонар 100-гадовага юбілею абвяшчэньня незалежнасьці Беларускай Народнай Рэспублікі. На камені прапанавана адзначыць падзею – «сто гадоў БНР» і сутнасьць (дэвіз, мотта) падзеі: «Беларусь – навечна». Гэта асацыятыўны працяг гістарычнай зьявы так званых «Барысавых камянёў» – вечных знакаў. У Менску прапануецца ўсталяваць такі памятны камень у скверы каля тэатра імя Янкі Купалы – гістарычным будынку, дзе ў сьнежні 1917 года адбыўся Усебеларускі Нацыянальны Кангрэс.,

Вядомым мастаком Аляксеем Марачкіным зроблены эскіз выявы, якая мусіць быць выбітая на прыродным камені. Гэты эскіз прадстаўлены грамадзтву ў сеціве. Адгукнуліся на прапанову аб працы над праектам скульптар і архітэктар.

Каб ажыцьцявіць гэтую ідэю і выканаць патрабаваньні дзеючага заканадаўства, якое патрабуе афіцыйнага пацьверджаньня важнасьці падзеі з боку дзяржаўнай установы, Кансэрватыўна-Хрысьціянская Партыя—БНФ зьвярнулася ў Інстытут гісторыі Нацыянальнай акадэміі навук з просьбай пацьвердзіць важнасьць для гісторыі Беларусі ўтварэньня БНР.

Нядаўна Партыя, атрымала адказ за подпісам дырэктара Інстытута гісторыі НАН спадара Вячаслава Даніловіча,, які пацьвяржае важнасьць падзеі. У прыватнасьці, у пісьме гаворыцца: “ Абвяшчэнне Беларускай Народнай Рэспублікі з’яўляецца важнай падзеяй у гісторыі Беларусі. Нягледзячы на тое, што БНР як дзяржава не адбылася, упершыню была ня толькі сфармулявана ідэя нацыянальнай дзяржаўнасці, але і зроблены практычныя крокі па яе рэалізацыі.”

Такім чынам, маючы пацьверджаньне важнасьці абвяшчэньня незалежнасьці БНР з боку дзяржаўнай навуковай установы, у адпаведнасці з п.4 Палажэньня “Аб парадку стварэньня (рэканструкцыі) і прыёмкі твораў манумэнтальнага і манумэнтальна-дэкаратыўнага мастацтва на тэрыторыі Рэспублікі Беларусь”, Партыя зьвярнулася зь лістом у Менгарвыканкам з просьбай даслаць у Міністэрства культуры пісьмо-зварот “з мэтаю атрымання заключэньня аб неабходнасьці ўстаноўкі памятнага камяня прысьвечанага абвяшчэнню незалежнасьці БНР ў Мінску, у скверы каля будынка Нацыянальнага акадэмічнага тэатра імя Янкі Купалы, дзе праводзіўся Першы Усебеларускі з’езд, у выніку якога быў сфармаваны Выканаўчы камітэт, які пазней ініцыяваў абвяшчэньне незалежнасьці БНР.”

Інфармацыйная камісія КХП-БНФ

6/3/2018 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2018
П А С Ч П С Н
« Люты   Кра »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2018
Сувязь