Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

АБ НЕДЭМАКРАТЫЧНЫМ ЗАКАНАДАЎСТВЕ

(Рэзалюцыя Сойму КХП-БНФ)

1. Сойм канстатуе: палітычнае кіраўніцтва Рэспублікі Беларусь праводзіць эканамічную, сацыяльную, знешнюю палітыку, якая не адпавядае жыцьцёвым інтарэсам беларускага народа. Выглядае такім чынам, што людзі, якія знаходзяцца на вяршыне ўлады, ў першую чаргу дбаюць пра інтарэсы Расейскай Федэрацыі а не нашай краіны. Найперш забясьпечваюцца інтарэсы Расеі ў ваеннай, знешнепалітычнай, эканамічнай сфэрах а таксама інтарэсы кіруючай у Беларусі групоўкі. У выніку такой палітыкі эканоміка Беларусі знаходзіцца ў цяжкім стане. Як сьледства – бальшыня працоўных атрымлівае заработную плату, якая не забяспечнае паўнавартаснага існаваньня працоўных і іхных сем’яў; насельніцтва не забясьпечанае у дастатковай неабходнасьці працоўнымі месцамі, вялікія памеры набыло схаванае беспрацоўе; у шэрагу вёсак, мястэчак, гарадоў людзі практычна ня могуць знасьці аніякай працы.

У гэтай сітуацыі кіруючы рэжым, замест таго, каб разьвіваць эканоміку краіны, наладжваць трывалыя эканамічныя сувязі з тэхналягічна разьвітымі краінамі, ствараць новыя працоўныя месцы з адпаведным ўзроўнем заработнай платы, паслядоўна праводзіць антыканстытуцыйную палітыку перакладваньня эканамічнага цяжару неэфектыўнай эканомікі на людзей, якія ня маюць працы, ці па прычыне іншых жыцьцёвых абставінаў не працуюць.

2-га красавіка 2015 г. рэжымам прыняты “ Декрет Президента Республики Беларусь “О предупреждении социального иждивенчества”, у адпаведнасьці зь якім людзі, што ня маюць працы, павінны былі плаціць дзяржаве “Збор на фінансаваньне дзяржаўных выдаткаў”.

У выніку пратэстаў людзей рэжым вымушыны быў адмяніць гэты абсурдны дэкрэт. Узамен 25 студзеня 2018 г. прыняты ня меньш абсурдны “Декрет Президента Республики Беларусь «Об изменении Декрета Президента Республики Беларусь “О предупреждении социального иждивенчества”, у адпаведнасьці зь якім людзі што ня маюць працы будуць абавязаныя “ аплочваць паслугі, вызначаныя Саветам Міністраў Рэспублікі Беларусь, па цэнах (тарыфах), якія забясьпечваюць поўнае вяртаньне эканамічна абгрунтаваных выдаткаў па іх аказаньню”. Гэта значыць, беспрацоўныя павінны будуць плаціць за паслугі істотна болей (нават ў разы болей) у параўнаньні з тымі, каму пашчасьціла мець працу і заробок.

Пры ўсёй сваёй абсурднасьці, гэтыя дзеяньні рэжыму маюць сваю стратэгічную логіку. Разбурыўшы па ўказаньні Масквы беларускую эканоміку, прамаскоўскі рэжым праводзіць палітыку выштурхоўваньня беларусаў са сваёй зямлі. Бо ў такой сытуацыі беларусы ўсё болей і болей вымушаныя зьязджаць з краіны. Робіцца “зачыстка” Беларусі ад беларусаў перад плануемай Масквой адкрытай акупацыяй Беларусі.

Каб пазьбегнуць такога сцэнару разьвіцьця падзеяў у краіне беларусам неабходна замяніць прамаскоўскае кіраўніцтва ў дзяржаве на беларускае.

2. Польскі Сейм падрыхтаваў папраўку ў закон аб Інстытуце Нацыянальнай Памяці (ІНП), дзе прадугледжана крымінальная адказнасьць за прыпісваньне палякам злачынстваў гітлераўскай ваеншчыны і ўлады за часы 2-й сусьветнай вайны. Адказнасьць распаўсюджваецца на грамадянаў Польшчы і на замежных грамадзянаў усіх краін.
Гэтае палажэньне выклікала шмат крытыкі ў Польшчы і за мяжой з прычыны свайго неідэальнага юрыдычнага і палітычнага сфармуляваньня. Але тым ня менш яно базуецца на высновах Нюрнбэргскага суда і міжнародных законаў.

Большую крытыку выклікае запіс аб тым, што крымінальнаму пакараньню падлягае кожны, хто аспрэчвае “дзеяньні ўчыненыя ўкраінскімі нацыяналістамі ў 1925 – 1950 гадах, пагрунтаваныя на выкарыстаньні гвалту, тэрору альбо іншых формаў парушэньня правоў чалавека супраць асобаў альбо групаў людзей”.

Такі запіс, аднак, нестасуецца з асноўным прынцыпам дэмакратыі – свабодай слова, зачыняе магчымасьці дыскусіі і дыялогу па пытаньнях палітыкі і гісторыі.

Ускосна папраўкі ў закон аб ІНП могуць быць выкарыстаны для вывядзеньня з-пад адказнасьці тых грамадзн Польшчы, якія ў гады вайны і пазьней сапраўды мелі дачыненьні да злачынстваў супраць асобы і групаў людзей.
Прыняцьце не да канца прадуманай папраўкі ў закон вб ІНП не палепшыць міжнароднага прэстыжу польскай палітыкі.

Сойм Кансэрватыўна-Хрысьціянскай Партыі – БНФ
Менск. 11 лютага 2018 г.

13/2/2018 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2018
П А С Ч П С Н
« Сту   Сак »
 1234
567891011
12131415161718
19202122232425
262728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2018
Сувязь