Bielarus.net › Беларуская Салідарнасьць » Мэмарыяльныя шэсьце і мітынг на Дзяды ў Менску

Мэмарыяльныя шэсьце і мітынг на Дзяды ў Менску

5 лістапада ў Менску на заклік Кансэрватыўна-Хрысьціянскай Партыі – БНФ людзі сабраліся ў калону і прайшлі шэсьцем доўгі шлях па вуліцах сталіцы. Некалькі сот ўдзельнікаў несьлі нацыянальныя Бел-Чырвона-Белыя Сьцягі і транспаранты з патрыятычнымі лёзунгамі, сьпявалі беларускія гімны, гукалі “Жыве Беларусь!”

Калі калона ступіла ў Народны мэмарыял у Курапатах загучэла песьня “Авэ Марыя” на словы Зянона Пазьняка. Людзі прайшлі на пагорак Кальварыя, дзе адбыўся мэмарыяльны мітынг. Быў заслуханы зварот Старшыні БНФ “Адраджэньне” і КХП-БНФ сп. Зянона Пазьняка – “Памяць продкаў яднае нацыю”. Выступілі сп. Сяргей Папкоў, намесьнік старшыні Фронту і Партыі, сп. Юры Беленькі, выканаўца абавязкаў старшыні Фронту і Партыі ў Беларусі, сп. Алесь Чахольскі, адказны сакратар Фронту і Партыі, і сп. Уладзімер Юхо, сябра Сойму Фронту і Партыі. Яны казалі пра неўміручую памяць аб нашай народнай трагедыі і мільёнах бязьвінных ахвяраў расейскага тэрору на нашай зямлі. Памяць вучыць чалавечнасьці, дапамагае не дапусьціць паўтарэньня чужынскага захопу Радзімы і бараніцца ад новага расейскага тэрору.
Беларускія патрыёты разумеюць і бачаць, што Масква і яе крамлёўска-лубянская ўлада засталіся тым жа самым скопішчам зла, якое зьнішчае людзей і народы, захоплівае чужыя тэрыторыі і рабуе плён працы народаў. Пра гэта сьведчаць, сярод іншага, і трагедыі ў Беларускай арміі, дзе гінуць беларускія жаўнеры, пануе русіфікацыя і прышчэпліваецца вернасьць чужой дзяржаве – Расеі, дзе камандуюць насланыя вырадкі – расейскія афіцэры і генэралы, якія навязваюць крымінал і чалавеканенавісьніцтва, бо так здаўна прынята ў расейскай арміі.

Ва ўсіх беларускіх дзяржаўных структурах павінна дамінаваць родная беларуская мова, працаваць адданыя Беларусі людзі, а не чужаніцы. Наша мова, культура, нацыянальная дзяржава зьяўляюцца лепшымі гарантыямі нашай незалежнасьці, цывілізаванага разьвіцьця і годнага чалавечага жыцьця. Размаўляць па-беларуску, жыць у сваёй культуры – значыць супраціўляцца расейскай акупацыі, супрацьстаяць паняволеньню і русіфікатарскаму ажлабленьню. Выступоўцы падзячылі ўдзельнікаў за тое, што яны далучыліся да сьвятой справы памяці.

На прыканца мітынга грамада прасьпявала нацыянальны гімн “Магутны Божа”. Сьвятары Беларускай Аўтакэфальнай Праваслаўнай Царквы асьвяцілі крыжы, якія моладзь пранесла на плячах падчас шэсьця. Людзі запалілі зьнічкі і сьвечкі пад крыжамі, усклалі кветкі на магілах пакутнікаў, зьбіралі ахвяраваньні на выраб новых крыжоў у Народным мэмарыяле ў Курапатах.

Інфармацыйная камісія Кансэрватыўна-Хрысьціянскай Партыі – БНФ

5 лістапада 2017 г.

7/11/2017 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: