Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Дзень Беларускай вайсковай славы ў Менску
Мітынг адкрыў сп. Сяргей Папкоў, намесьнік старышыні КХП-БНФ і БНФ “Адраджэньне”. Ён павіншаваў прысутных з вялікім сьвятам нацыянальнай перамогі над маскоўска-ардынскім нашэсьцем. Грамада заслухала зварот сп. Зянона Пазьняка, Старшыні Партыі і Фронту – “Дзень Беларускай вайсковай славы. 503-я гадавіна Перамогі пад Воршай”. Потым выступілі патрыёты з розных рэгіёнаў нашай краіны. Яны казалі пра неўміручы подзьвіг нашых продкаў, якія ў пераможным змаганьні супраць маскоўскай агрэсіі перамаглі і выратавалі ад паняволеньня ня толькі нашу краіну, але ўсю эўрапейскую хрысьціянскую цывілізацыю. І само гэтае змаганьне было барацьбой паміж двума сьветамі – беларускай эўрапейскай культурнай цывілізацыяй і маскоўскай дэспатычнай ардынскай стыхіяй. Наступныя пакаленьні беларусаў натхняліся гістарычнай памяцьцю пра перамогу Беларускай арміі, беларускага духу і інтэлекту, бо менавіта дзякуючы гэтаму наш народ перамагаў больш шматлікага ворага, які ваяваў ды і жыў толькі сілай, толькі безаблічнай масай. Сёньня да нас прышоў той жа вораг, зноў з Усходу цёмныя масы чужога войска запаўняюць Беларусь. Мы разумеем, што Масква хоча ўцягнуць Беларусь у сваю, абсалютна чужую нам вайну супраць заходніх краін, супраць НАТО, супраць нашых суседзяў, зь якімі ў нас мірныя і добрасуседскія адносіны. Мы папярэджваем агрэсара, што калі ён ня выведзе свае войскі і тэхніку пасьля завяршэньня вучэньняў, то наш народ, нашыя вайскоўцы будуць разгортваць рух збройнага супраціву. Гэта ёсьць нашым правам і абавязкам у адпаведнасьці з Канстытуцыяй Беларусі. Наша змаганьне – гэта змаганьне за незалежнасьць, за волю, за сваю культуру, за будучыню і мір. Была зачытана Прысяга беларускіх вайскоўцаў і патрыётаў «Пабрацімаў» і прынята прысяга на вернасьць Беларусі. Грамада вітала выступы гуканьнем “Жыве Беларусь!”, “Слава Айчыне!” На прыканцы людзі прасьпявалі нацыянальны духоўны Гімн “Магутны Божа”.
Інфармацыйная камісія Кансэрватыўна-Хрысьціянскай Партыі – БНФ 9/9/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
