Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агентурны паліттурызм эўрадыпламатыі

У ліпені ў Менск прыяжджалі эўрапалітыкі. Яны, як вядома, наладжваюць “человеческое лицо” антыбеларускаму рэжыму. Праўда, гэты палітвізажызм прыводзіць да яшчэ больш пачварных формаў зьнішчэньня Беларусі мясцовымі васаламі Масквы, але ў Эўразьвязе можна будзе зрабіць справаздачны запіс пра “барацьбу за дэмакратыю на Усходзе Эўропы” (а гэта для іх галоўнае). Гэтым разам, акрамя звычайнага рэпэртуара, эўравізіцёры адзначыліся сумесным фатаграфаваньнем з вядомымі агентурнымі пэрсанажамі. Пра гэта паведаміў у інфармпрастору адзін з пэрсанажаў А. Дзімітрыеў, а потым яно пакацілася далей:

“Короткевич и Дмитриев поговорили о предстоящих выборах с европейскими политиками. Разговор состоялся накануне официальных встреч, которые запланированы у европейских политиков в Минске. Среди присутствующих была госпожа Флоренс Манжен, Директор Континентальной Европы Министерства Европы и иностранных дел Франции, а Германию представлял Господин Андреас Пешке, специальный представитель Министерства иностранных дел Германии, ответственный за Восточную Европу и Центральную Азию”.

Ну, хто б сумняваўся, што ў справах агентурнага прарыву рэй будуць весьці французкія і нямецкія эўрачыноўнікі (якія існуюць у абдымках Крамля). Але местачковага Астапа “понесло” і ён не стрымаўся:

“В Минск приехала достаточно уникальная группа представителей МИДов Франции и Германии. Мы с Татьяной Короткевич проговорили более часа с ними до официальных встреч…”

Крыніца: http://www.belaruspartisan.org/politic/387982/

Тут трэба зазначыць, што эўрапалітыкі (нават “унікумы”) ведаюць, што такое пратакол і, наогул, з пыхай носяць сваё цела на пасадзе. “Более часа” яны нікому ня будуць прысьвячаць у рамках неафіцыйнай сустрэчы “до официальных встреч”. У такіх сытуацыях адбываецца наступным чынам. Праз пэўную наводку (каб не спыніла і не выштурхнула прэч ахова) да эўрачыноўніцкага цела падводзяць неафіцыйных кампаньёнаў, гукаюць: “Фота, пліз!”, і ўсе дзяжурна ўсьміхаюцца на аб’ектыў… А потым кожны ідзе сваёй дарожкай.

Так што агентурная пара наўрад ці здолела данесьці да восі Берлін-Брусэль-Парыж сваю ідэю аб “рэгіянальных элітах, якія пойдуць на выбары”. Але нічога –данясуць, атрымаюць і пойдуць. (На «выбары»).

Павел Гулевіч

2/8/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2017
П А С Ч П С Н
« Ліп    
 123456
78910111213
14151617181920
21222324252627
28293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь