Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: СЛАВА ЗМАГАРАМ ЗА СВАБОДУ!

Свабода — гэта такая дама, барацьба за якую ня ставіць ўмоваў. Тут толькі трэба адказаць на пытаньне: ці патрэбна свабода? Калі патрэбна, то застаецца толькі змагацца. Інакш свабоды ня будзе.

Амэрыканцы некалі так і зрабілі. Узброеныя дзеяньні пачаліся яшчэ ў 1772 годзе і напачатку праходзілі неактыўна ў дробных сутычках.

Але вось 2-га ліпеня 1776 года 2-гі Кантынентальны Кангрэс аднагалосна прыняў Дэклярацыю аб Незалежнасьці амэрыканскіх калёній і 4-га ліпеня абнародваў яе грамадзтву. 2-га жніўня гэтую Дэклярацыю па рашэньні Кангрэсу пэрсанальна падпісалі ўсе 56 дэпутатаў Кангрэсу. Імёны гэтых дэпутатаў увайшлі навечна ў гісторыю Амэрыкі. Рашэньне Кангрэсу аб незалежнасьці калёній і подпісы дэпутатаў пад Дэкалярацыяй аб Незалежнасьці вызначылі гісторыю і лёс амэрыканскай свабоды.

Сытуацыя тады была вельмі ня простай. Вялікія групы насельніцтва (лаялісты, квакеры, адміністрацыйнае чынавенства і інш.) падтрымлівалі брытанскую ўладу і былі супраць незалежніцкіх рэвалюцыянераў. Кожны, хто галасаваў і хто падпісваў Дэклярацыю, разумелі, што пальецца кроў, што вайна непазьбежная і набудзе шырокія маштабы, што на слабое ў той час амэрыканскае войска Вашынгтона наваліцца велізарная ваеннная магутнасьць Брытанскай імпэрыі. І, тым ня менш, Дэклярацыя Незалежнасьці была прынятая і падпісаная кожным дэпутатам Кангрэсу. Патрэбная была свабода.

Брытанцы прыслалі велізарны флот і войска. Караблі выраўняліся ўздозж берага Статэн Айленда і Брукліна і адпрасавалі артылерыйскім агнём пазыцыі паўстанцаў. Потым адбылася Бруклінская бітва (дакладней, мясарубка), у якой войска Вашынгтона было пакрамсана ледзь ні да шчэнту. З рэшткамі жаўнераў Вашынгтон пераправіўся ў Мангатан, дзе былі вайсковыя склады і ўмацаваньні. Тады брытанцы ўплылі караблямі ў Рывэр і, выцягнуўшыся ўздоўж берага, збамбардавалі з гарматаў рэшткі войска Вашынгтона, потым пачалі рыхтавацца да атакі. Тут, відаць, быў бы і канец, але, пэўна, апека Боская ўратавала амэрыканцаў. Ноччу і на наступны дзень здарыўся фантастычна густы туман, які дазволіў Вашынгтону вывесьці войска з-пад разгрому і пазьней пераправіцца праз Дэлавэр і ўмацавацца за ракой.

Сучасьнікі потым распавядалі, што ў Філадэльфіі ў гэты час некаторыя ўрадоўцы і кангрэсмэны дрыжэлі ад страху і ня ведалі, што рабіць (у выпадку паразы кожнаму зь іх пагражала шыбеніца). Але ні Вашынгтон, ні жаўнеры, ні амэрыканцы, якія распачалі ўжо партызанскую вайну, не спалохаліся і не апусьцілі рук. Зімой, на Каляды, Вашынгтон пераправіўся праз Дэлавэр і атрымаў важную перамогу над брытанцамі пад Трэнтанам, якая спыніла ініцыятыву ангельцаў, і паступова фартуна павярнулася тварам да вольнай Амэрыкі. У гэтую волю зрабіў вялікі ўклад (стратэгія і перамога пад Вэст-Пойнтам) наш герой і вялікі беларус генэрал Андрэй Касьцюшка.

Свабода альбо ёсьць — альбо яе няма. Але каб яна была, свабода мусіць стаць найвышэйшай каштоўнасьцю для народа і чалавека.

Невыпадкова амэрыканцы 4-га ліпеня так шануюць свой Дзень Незалежнасьці, ганаруюць імёны Дэпутатаў Незалежнасьці і ўсіх змагароў за свабоду. Слава героям!

4 ліпеня 2017 г. Зянон ПАЗЬНЯК

5/7/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Ліпень 2017
П А С Ч П С Н
« Чэр    
 12
3456789
10111213141516
17181920212223
24252627282930
31  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь