Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

МІТЫНГ У МЕНСКУ, ПРЫСЬВЕЧАНЫ ЎГОДКАМ ЧАРНОБЫЛЬСКАЙ КАТАСТРОФЫ

26 красавіка ў Менску адбыўся мітынг, прысьвечаны ўгодкам Чарнобыльскай катастрофы. Дзень выдаўся па асеньняму пануры, ішоў халодны дождж. Гэта, відаць, спрычынілася да таго, што Чарнобыльскі шлях сёлета быў не шматлюдны. Але, безумоўна, прычыны глыбейшыя. Грамадзкая апатыя ад атручваньня нялюдзкім рэжымам улады яшчэ не мінула.

На заклік Кансэрватыўна-Хрысьціянскай Партыі – БНФ у Кіеўскім сквэры сталіцы сабраліся пад дажджом ня больш 60-70 чалавек. Праўда, усё выглядала прыстойна, прыгожа і нават уражліва для вока (сьцягі плакаты. расьцяжкі. гучэла беларуская маркотная музыка і гімны).

Грамада заслухала зварот сп. Зянона Пазьняка, Старшыні КХП-БНФ і БНФ “Адраджэньне”. Выступілі сябры кіраўніцтва і Сойму КХП-БНФ дэпутаты Незалежнасьці сп. Юры Беленькі і Сяргей Папкоў, удзельнік ліквідацыі наступстваў Чарнобыльскай катастрофы сакратар Управы КХП-БНФ сп. Алесь Чахольскі, сп. Зьміцер Якаўцаў з Гомеля, спэцыяліст па энэргетыцы дэпутат Незалежнасьці сп. Мікалай Крыжаноўскі, легендарны лідэр рабочага руху Беларусі дэпутат Незалежнасьці сп. Сяргей Антончык, а таксама старэйшыя і маладыя ўдзельнікі мітынга.

У другой палове мітынгу да грамады далучылася шматлікая група ўдзелнікаў шэсьця і мітынгу (каля ста асобаў), што зьбіраліся каля Акадэміі навук і Чарнобыльскай капліцы на чале з Паўлам Севярынцам, які выступіў тут з кароткай прамовай. Мітынг працягваўся.

Выступоўцы нагадалі, што менавіта Беларускі Народны Фронт “Адраджэньне” пад кіраўніцтвам Зянона Пазьняка на прыканцы 1980-х гадоў разбурыў сьцяну маўчаньня вакол Чарнобыльскай катастрофы, арганізаваў гуманітарную дапамогу насельніцтву пацярпелых раёнаў Беларусі. Фронтаўцы раскрылі перад усім сьветам сапраўдныя маштабы маскоўскага злачынства над нашым народам, даказалі, што менавіта з Масквы прышоў загад асадзіць радыёактыўныя воблакі на Беларусь і засакрэціць вынікі тэхнагеннай катастрофы.

І вось праз тры дзесяцігоддзі пасьля Чарнобыля антыбеларускі рэжым на загад Масквы будуе на нашай зямлі атамную станцыю ў Астраўцы. Гэта ёсьць злачынства супраць нашага народу, усе разумеюць, што Масква такім чынам бярэ беларусаў і ўсе навакольныя краіны ў закладнікі сваёй злачыннай палітыкі.

Беларусы павінны ўсьведаміць, што вырашэньне пытаньняў, зьвязаных з наступствамі Чарнобыльскай катастрофы, магчымае толькі палітычным шляхам, у выніку ліквідацыі кіруемага Масквой васальнага рэжыму ў Беларусі і ўсталяваньня ў нашай краіне беларускай дэмакратычнай і патрыятычнай улады.

Цяперашні рэжым працягвае радыёактыўнае зьнішчэньне нашай нацыі, вяртаючы ў сельскагаспадарчы абарот атручаныя радыяцыяй плошчы і распаўсюджваючы атручаныя прадукты харчаваньня па ўсёй краіне.

Выступоўцы гаварылі таксама пра праграму “Вольная Беларусь”, падкрэсьліваючы, што яна зьяўляецца рэальным і практычным планам дзеяньняў па адраджэньню дэмакратычнай, заможнай і сувэрэннай Беларусі, дзе ніхто ўжо ня будзе праводзіць злачынныя чарнобыльскія экспэрымэнты над людзьмі.

На прыканцы мітынгу была зачытана рэзалюцыя мітынга, за якую ўдзельнікі адзінагалосна прагаласавалі.

Мерапрыемства традыцыйна скончылася сьпяваньнем гімна “Магутны Божа”.

26 красавіка 2017 г. (Інфармацыя КХП — БНФ)

28/4/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2017
П А С Ч П С Н
« Сак   Тра »
 12
3456789
10111213141516
17181920212223
24252627282930

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь