Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Незаконныя дзеяньні і рэпрэсіі супраць беларусаў не ўратуюць антынародны рэжым

Заява

25 сакавіка 2017 г. уладныя, сілавыя структуры рэжыму Лукашэнкі правялі брутальную акцыю супраць беларусаў, якія выйшлі на вуліцы Менску і населеных пунктаў Беларусі адзначыць Дзень Волі – 99-ю гадавіну аб’яўленьня Незалежнасьці Беларускай Народнай Рэспублікі. Баевікі ОМОНу і ўнутраных войскаў (а іх была вялікая ўзброеная маса) зьбілі і ў жорсткай форме затрымалі сотні людзей. Супраць затрыманых прымянялі катаваньні. Многім схопленым удзельнікам сьвяткаваньня і грамадзянам, што выпадкова апынуліся на вуліцах, на якіх рэжым праводзіў брутальную акцыю, рэжымныя суды безпадстаўна прысуджалі адміністрацыйны арышт і штрафы.

Мэтанакіравана затрымлівалі журналістаў. Рэпрэсіі супраць беларусаў працягваюцца па сёньняшні дзень: фабрыкуюць крымінальныя справы па надуманых, не існуючых падставах, працягваюць перасьлед незалежных СМІ.

Уладныя структуры груба парушылі заканадаўства ў адносінах да грамадзян і арганізацый, якія выступалі заяўнікамі на мерапрыемствы запланаваныя на Дзень Волі. Насуперак зьместу актыкула 6 Закона Рэспублікі Беларусь “Аб масавых мерапрыемствах у Рэспубліцы Беларусь” Менскі гарвыканкам не прадаставіў заяўнікам ніякага рашэньня, ня даў ніякага адказу ў вызначаны законам тэрмін на пададзеныя заявы па правядзенні 25.03.2017 г. урачыстых мерапрыемстваў.

Такім чынам у дзеяньнях службовых асобаў Менгарвыканкама ёсьць прыкметы грубага парушэньня закона, якія падпадаюць пад дзеянне артыкула 196 Крымінальнага кодэкса Рэспублікі Беларусь (Стварэньне перашкодаў правядзенню схода, мітынга, дэманстрацыі, шэсця, пікетаваньня ці ўдзелу ў іх)

У сувязі з гэтым парушэньнем закона ў Генэральную пракурутуру Рэспублікі Беларусь накіравана адпаведная заява ад кіраўніцтва КХП – БНФ.

Антызаконныя дзеяньні Менгарвыканкаму напярэдадні Дня Волі, брутальныя дзеяньні ОМОНу і ўнутраных войскаў 25 сакавіка сёлета, сьведчаць пра тое, што была ажыцьцёўленая сведамая правакацыя ўладных структур.

Прамаскоўскі рэжым у Беларусі ўжо больш за 22 гады мэтанакіравана праводзіць антыбеларускую палітыку, адмыслова пераследуе людзей, якія стаяць на беларускіх патрыятычных пазыцыях.

Мы зьвяртаем увагу службовых асобаў уладнага рэжыму на тое, што пры аднаўленьні законнасьці ў краіне, усім незаконным дзеяньням будзе дадзена праўная ацэнка, на падставе якой будуць прыняты асабовыя рашэньні.

Зьвяртаем увагу беларусаў на тое, што ў сытуацыі, якая створана ў краіне антынародным рэжымам, неабходна быць і стаяць на беларускіх пазыцыях, не падтрымліваць незаконныя дзеяньні рэжыму, супрацьстаяць русіфікацыі, падтрымліваць і шанаваць беларускую мову, адукацыю, культуру. Трэба рыхтавацца да зьдзяйсьненьня пераменаў — вяртаньня законнасьці у краіне, усталяваньня дэмакратычнага беларускага ладу.

Цяпер беларусам трэба накапіць сілы, арганізавацца, рыхтавацца да ўсеагульнага страйку, ствараць групы падтрымкі руху «Вольная Беларусь» і не паддавацца на правакацыі агентуры і розных ашуканцаў. Салідарны арганізаваны і моцны народ пераможа здраду і цёмныя сілы. Беларусь будзе вольнай, беларускай і шчасьлівай краінай.

9 красавік 2017 г.,
г. Менск

Сойм Кансэрватыўна-Хрысьціянскай Партыі—БНФ

14/4/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2017
П А С Ч П С Н
« Сак    
 12
3456789
10111213141516
17181920212223
24252627282930

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь