Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Грамадзтва крывых люстэркаў: Расейцы радуюцца, што іх баяцца ў сьвеце

86% жыхароў Расеі мяркуюць, што сьвет жыве ў страху перад іхняй краінай.

Тры чацьвертых апытаных сацыёлагамі з маскоўскага Фонду Грамадзкай Думкі гэтым задаволены.

ФГД правёў свае дасьледваньні, падсумоўваючы вынікі мінулага году ў грамадзкай сьвядомасьці расейцаў, якую разьдзіраюць супярэчнасьці. Нягледзячы на тое, што абсалютная большасьць мяркуе, што ў сьвеце баяцца Расею, але адначасна 73% мяркуюць, што іхняя краіна паўсюдна шанаваная. Нягледзячы на гэта 48% перакананы, што ў сьвеце дрэнна ставяцца да іхняй краіны (хаця 42% мяркуюць наадварот), а 51% мяркуе, што “замяжой неаб’ектыўна ставяцца” да іхняй краіны.

На погляд 58% расейцаў іхняя айчына зьяўляецца багатай краінай, а ажно 65% гатовыя назваць сваю айчыну “разьвітай, перадавой”. Ажно адна чацьвертая апытаных мяркуе, што іхняя краіна знаходзіцца ў першай дзесятцы разьвітых краін сьвету. А 70% мяркуе, што і ў сьвеце лічаць Расею “багатай краінай”. Столькі ж апытаных мяркуе, што іхняя айчына – “вольная краіна” (тобок такая, дзе няма рэпрэсій). Больш за палову мяркуе, што Расея знаходзіца сярод першых краін у сьвеце “у справе асабістай бясьпекі”. Столькі ж апытаных мяркуюць пра пазыцыю Расеі сярод іншых у сьвеце “у справе абароны правоў і грамадзянскіх свабод”.

Адначасна 15% мяркуюць, што “узмацненьне Расеі і павышэньне яе статуса ў сьвеце выклікаюць адмоўную рэакцыю на Захадзе”. Верагодна, што з гэтай прычыны больш за палову рэспандэнтаў мяркуюць, што “існуе рэальная пагроза выбуху вайны паміж Расеяй і краінамі НАТО”, а ажно 43% мяркуюць, што такая пагроза большая, чымсьці ў 70-я гады мінулага стагоддзя.

Анджэй Ламаноўскі
Пераклаў з польскай В. Буйвал.
Крыніца: польская газэта “Rzeczpospolita”, 17.01.2017
http://www.rp.pl/Spoleczenstwo/301179887-Sondaz-Rosjanie-lubia-jak-inne-kraj-sie-ich-boja.html#ap-1

7/2/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2017
П А С Ч П С Н
« Сту   Сак »
 12345
6789101112
13141516171819
20212223242526
2728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2017
Сувязь