Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Эўразьвяз плануе разбудову лягяроў для ўцекачоў у Беларусі

Беларусь, якая як і Україна, імкнецца атрымаць безвізавыя адносіны з Эўразьвязам, павінна будзе на сваёй тэрыторыі паставіць ізалятары і лягяры для ўцекачоў, якіх раней у гэтай краіне не было. З усходняй Эўропы штогод прыбывалі ў Эўразьвяз сотні тысячаў уцекачоў. Праз Беларусь ідуць пераважна чачэнцы.

Мігранты ідуць у Эўразьвяз не толькі праз Сяродземнамор’е, але таксама праз Усходнюю Эўропу, ды яшчэ ў колькасьцях, якія нельга недаацэньваць. За мінулыя два гады ў Польшчу або ў Чэхію прыбылі сотні тысячаў мігрантаў з Украіны, але з-за таго, што йдзецца пра працоўную міграцыю, якая запаўняе пустуючыя месцы на рынку працы, ёй не надаюць такой увагі, як міграцыі з Сірыі або афрыканскіх краін.

Прыбываюць жыхары Каўказу

Аднак, разам з гэтымі “новымі гастарбайтэрамі” у Эўразьвяз прыбываюць класічныя ўцекачы, якія жадаюць атрымаць прытулак у такіх краінах, як Нямеччына, Скандынавія або Аўстрыя.

Йдзецца перш за ўсё пра чачэнцаў і жыхароў іншых паўночнакаўказкіх краін, дзе ўвесь час адбываюцца “антытэрарыстычныя акцыі” расейскіх сілаў бясьпекі, але таксама і пра этнічных расейцаў, якія шукаюць у Заходняй Эўропе абарону ад перасьледу з боку аўтарытарнага расейскага рэжыму. Праз Расею, Украіну і Беларусь, такім чынам, кіруюцца таксама мігранты з Сірыі і Аўганістану, хаця і ў значна меншых колькасьцях, чымсьці “класічнымі маршрутамі”.

Частка гэтых людзей спрабуе дабрацца да шэнгенскай прасторы Эўразьвязу таксама і нелегальным шляхам, і Эўразьвяз хоча мець магчымасьць вяртаць іх у памежныя краіны, такія, як менавіта Беларусь. Менск, аднак, ня мае ні ізалятараў, ні лягяроў для ўцекачоў, куды можна было б пасяліць вернутых нелегальных мігрантаў.

“У сытуацыі, у якой мы сёньня знаходзімся, мы ня здольны выканаць дамову аб рэадмісіі так, як гэта ўяўляе сябе Эўразьвяз. Мы проста ня маем для гэтага падрыхтаванай інфраструктуры”, — заявіў для агенцыі Белта Ігар Фісенка, кіраўнік консульскай службы беларускага міністэрства ўнутраных спраў. “Каб мы маглі прымаць вернутых уцекачоў, нам патрэбныя час і грошы”, — дадаў Фісенка.

Тры катэгорыі ўцекачоў

Але ж часу мала. Нямеччына ўжо летась пачала выдаляць тысячы чачэнскіх уцекачоў, якія прыбылі ў гэтую краіну праз Польшчу і менавіта праз Беларусь. Таму Эўразьвяз хоча, падобна, як у выпадку з Турцыяй альбо паўночнаафрыканскімі краінамі, дапамагчы Беларусі з пабудовай інфраструктуры для ўцекачоў.

У параўнаньні з мільярдамі для Турцыі Эўразьвяз зьбіраецца інвэставаць у Беларусь “драбязу”. Гаворыцца пра дапамогу ў памеры сямі мільёнаў эўраў, у пераліку каля 200 тыс. крон. Памеры лягяроў і ізалятараў, якія павінны быць пабудаваны ў некалькіх месцах па ўсяе Беларусі, будуць невялікімі і пакуль што разьлічваецца, што там прымуць максімальна тысячы людзей.

Частка месцаў утрыманьня мае быць адкрытай, там уцекачы будуць свабодна перасоўвацца, а частка будзе закрытай – гэта будзе адпавядаць лягярам утрыманьня чэшскага тыпу.

Мігранты, якіх будуць вяртаць з краін Эўразьвязу, павінны будуць падзяляцца, паводле нямецкай газэты Tageszeitung, якая дала інфармацыю пра планы Эўразьвяза, на тры розныя катэгорыі.

У першай будуць украінцы, у другой сірыйцы і іншыя ўцекачы з краін Блізкага Усходу, у трэцяй грамадзяне Расеі, перш за ўсё згаданыя чачэнцы. У ізалятарах, паводле нямецкай газэты, уцекачы будуць “утрымлівацца пад замком да часу, пакуль ня будуць дэпартаваны з Беларусі альбо не пакінуць гэтую краіну дабраахвотна”.

Гульня на два бакі

Рэжыму Аляксандра Лукашэнкі, які ўзяў на сябе ролю пасрэдніка ў расейска-украінскім канфлікце, ўдалося палепшыць адніны з Эўразьвязам, і гэта нягледзячы на тое, што ўнутры Беларусі адбыліся толькі касмэтычныя зьмены.

Менск, аднак, вяртаецца да праграмы Усходняга партнёрства, адмяніў візы для грамадзян Эўразьвязу, а пасьля ўвядзеньня дамовы пра рэадмісію чакае, што і для Беларусі пачне дзейнічаць безвізавы кантакт з Эўразьвязам. Адначасова, аднак, Беларусь ёсьць часткай безвізавага Саюза Расеі і Беларусі і Эўразійскага саюза, створанага Масквой у супрацьвагу Эўразьвязу.

Лубаш Палата
Пераклаў з чэшскай В. Буйвал.
Крыніца: чэшская газэта “Mlada Fronta Dnes”, 23.01.2017
http://zpravy.idnes.cz/belorusko-uprchlicke-tabory-evropska-unie-penize-bezenci-p37-/zahranicni.aspx?c=A170119_101745_zahranicni_pas

7/2/2017 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2017
П А С Ч П С Н
« Сту   Сак »
 12345
6789101112
13141516171819
20212223242526
2728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024