Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Аляксей Арэстовіч: Мы можам навешаць Расеі… Самае прыкметнае, што стала відаць, дык гэта так званая “ваенная магутнасьць Расеі”, якая выглядае вялізнай, надзьмутай мыльнай бурбалкай. Расейскія СМІ стварылі тэлекарцінку, у якую паверылі расейцы, што, аднак, паўбяды. Бяда ў тым, што ў яе паверылі ўкраінцы, якія прызвычаяліся глядзець маскоўскія сэрыялы “пра спэцназ…”. А яшчэ вялікая праблема – што ў маскоўскую магутнасьць паверыла ўкраінскае кіраўніцтва. Паверыла, да страты адэкватнасьці – па-за рэдкімі выключэньнямі. На самой справе, расейцы маюць замест арміі пабелены фасад гнілога дома. У іх грандыёзныя праблемы і з баездольнасьцю войскаў, і з іхняй колькасьцю, і з забесьпячэньнем ўзбраеньнем і ваеннай тэхнікай. Дакладна так сама зьбіраюцца самалёты – мэтадам разбору двух, што стаяць побач. Дакладна такія ж, зводныя, незьлятаныя экадрыльі, лётчыкі якіх ня ўмеюць прымяняць нічога больш складанага, чымсьці вольнападаючыя бомбы, і дакладна такая ж манера кіраваць боем па мабільным тэлефоне. Мы можам ім так навешаць зараз, што фінская сьцямнее. Забясьпечыць поўны разгром, якога яны яшчэ ня ведалі ў сваёй ваеннай гісторыі, ваенную і палітычную катастрофу. У іх і зараз ужо моргі не даюць рады – з плыньню “элітнага” мяса. А мы ж яшчэ не пачыналі ваяваць. Так што — поўная перамога за намі. Праўда, пры адной умове. Менш спадзявацца на наша малаадэкватнае і напалоханае кіраўніцтва і больш працаваць па мэтаду самаарганізацыі – як мы ня раз ужо перамагалі. І будзе весела. Аляксей Арэстовіч, Кіеў 11/12/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
