Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Аб недапушчальнасьці прызнаньня сфальшаваных парляманцкіх выбараў у Беларусі 6 кастрычніка гэтага года дэпутаты нямецкага Бундэстага Ута Фінк-Крэмэр і Алівэр Качмарэк заявілі ў Менску, што Бундэстаг будзе на афіцыйным узроўні працаваць з абедзьвюма палатамі нелегітымнага кішэннага парляманту Лукашэнкі Дэпутаты Бундэстага спаткаліся з кіраўніком МЗС Беларусі афіцэрам савецкага КГБ Уладзімірам Макеем і з прызначанымі рэжымам дэпутатамі палаты прадстаўнікоў. Дэпутаты Бундэстага заявілі, што парляманцкія выбары 11 верасьня гэтага года ў Беларусі прайшлі зь “невялікім прагрэсам” і “гэта знак таго”, што кішэнны парлямант рэжыму “хоць у якой ступені абраны належным чынам”, і таму яны накіруюць запрашэньне яго дэпутатам наведаць Берлін. У сувязі з такой заявай дэпутатаў Бундэстага мы ад імя Партыі, якая разам з грамадзянскай супольнасьцю Беларусі правяла назіраньне за галасаваньнем на выбарах 11 верасьня, заяўляем пратэст. Выбары 11 верасьня былі цалкам сфальсіфікаваныя і гэта пацьвярджаецца мноствам зафіксаваных парушэньняў. Фрэквэнцыя нідзе не перавысіла 50 адсоткаў. Выбаршчыкі Беларусі праігнаравалі фальшывыя выбары і не прыйшлі галасаваць. Парляманцкаія выбары ў Беларусі 11 верасьня, фактычна, не адбыліся. Заява Цэнтральнай Выбарчай Камісіі (кіраўнік Л. Ярмошына) аб прызнаньні выбараў ёсьць грубай фальсіфікацыяй і парушэньнем закона. З фальшаваньнем і парушэньнем закона прапушчаны ў “палату” усе дэпутаты. Фальсіфікацыя выбараў 11 верасьня зафіксавана ўсімі назіральнікамі ў Беларусі. Заявы дэпутатаў Бундэстагу Уты Фінк-Крэмэр і Алівэра Качмарэка, зробленыя ў Менску, супярэчаць праўдзе, накіраваныя на легітымізацыю кішэннага парляманту рэжыму і на прызнаньне сфальшаваных выбараў за сапраўдныя насуперак фактам. Заявы дэпутатаў Бундэстагу Уты Фінк-Крэмэр і Алівэра Качмарэка мы расцэньваем як неверагодныя. У нас узьніклі сумненьні, ці сапраўды Бундэстаг даручыў ім такую місію, супраць якой мы пратэстуем. Ці выяўляюць гэтыя дэпутаты пазыцыю нямецкага Бундэстагу? 9 кастрычніка 2016 г. Старшыня Зянон Пазьняк. 10/10/2016 › Навіны |
Навіны ‹ Пошук:Каляндар:
Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
||||||||||||||||||||||||||||||||||||||||||||||||||||||||||
Беларуская Салідарнасьць // 2000—2024 |
