Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

“Белрэдакцыя” Радыё Свабода зноў хлусіць

Гэта ж трэба так умець! На працягу ўсяго шоў “галасаваньня” група нібыта прафэсійных журналістаў так аніразу (!) і ня выйшла з рэдакцыі, каб на месцах пабачыць і зафіксаваць падзеі. Яны так і адседзеліся ў сваім камфортным закутку, ня высунулі носа. Можа гэта нейкае “новае веяньне” у міжнароднай журналістыцы, мясцовае вынаходніцтва? Хаця добра аплочаная халява – гэта вельмі старажытная практыка.

І вось цяпер гэтыя “знаўцы” пачалі выдаваць свае “канчатковыя высновы”. 16 верасьня (зрабіўшы для саліднасьці паўзу) яны апублікавалі тэкст пад хітрым тытулам – “Колькі прыйшло на выбары — 75% ці 45%?” Тлусты пытальнік на канцы сказу дазваляе халяўшчыкам у пэўнай ступені ўмыць ручкі – яны ж не пагаджаюцца з рэжымным фальшам, яны яшчэ дадаюць псэўдаапазыцыйны фальш і прапануюць чытачам самым прыняць рашэньне, каму верыць. Хватка прыдумана.

І галоўнае, за “вымытую” руку так проста іх ня схопіш. “Свабодаўцы” залемантуюць: “Ну, мы ж не былі на ўчастках, адкуль нам ведаць дакладна?!” І на каго ж яны там спасылаюцца як на крытэр ісьціны? А вось чытаем па тэксьце:

“Але незалежныя назіральнікі адзначалі значна меншую яўку: дзе крыху больш, а дзе і менш за 50%.
Так, у выніковай справаздачы (PDF) кампаніі «Права выбару» даюцца зьвесткі пра яўку на 9 акругах (у Берасьці, Віцебску, Гродне, Магілёве і пяці ў Менску; яшчэ ў адной акрузе, дзе працавала кампанія, яўку лічыць ня сталі, бо назіральнікаў пазбаўлялі акрэдытацыі). Найвышэйшая яўка, паводле назіральнікаў, склала 54,1%, найменшая — 32,2%. У сярэднім на 9 акругах, паводле «Права выбару», яўка склала 44,67% (афіцыйна — 52,37%)”.

Крыніца: http://www.svaboda.org/a/27993380.html

Пад згаданымі ў тэксьце “незалежнымі назіральнікамі” маюцца на ўвазе прадстаўнікі згаданай грантаўскай канторы “Права выбару” і яшчэ некалькі падобных грантаўскіх целаў, утвораных адмыслова пад выбарчы фарс. Фронтаўскія назіральнікі адзначалі, што шматлікія супрацоўнікі гэтых кантор “працавалі вельмі добра, арганізавана, назіралі і падлічвалі сумленна”. Так падалося патрыётам. Але адразу паўстала пытаньне наконт кіраўнікоў гэтых грантаўскіх ініцыятыў. Напрыклад, па асобе такога даўно спаленага пэрсанажа як А. Лабковіч. І вось яно стала зразумелым, куды накіравалася ўся іхняя “арганізаванасьць і сумленнасьць”. Вынікі, якія падаюць гэтыя канторкі – такая ж хлусьня, як і рэжымная статыстыка (арыфмэтычная розьніца ня мае значэньня). Рэжым аддаў загад усім гэтым там сваім залежным удаваць дэмакратычную працэдуру і паводзіць сябе ў рамках прыстойнасьці, а ў канцы зрабіць выразны жэст з мэтай паратунку рэжыму.

Сапраўды сумленныя назіральнікі-патрыёты паведамляюць з усяе краіны, што нідзе колькасьць удзельнікаў “галасаваньня” не перавысіла ў сапраўднасьці 30%. Падсадным лабковічам важна заявіць, што дзе-нідзе “яўка была вышэй за 50%” (ну хаця б 45%) і прадэманстраваць даволі моцную падтрымку рэжыму насельніцтвам. “Свабодаўцы” разам з лабковічамі цягнуць антыбеларускі рэжым за вушы з балота, як таго бэгемота з класічнага вершыка. І не баяцца быць сьмешнымі.

А пачынаецца “свабодаўскі” выніковы тэкст пра “выбары” выкапаным недзе фота: перад кабінкай для галасаваньня стаяць у чарзе людзі, ды яшчэ маладыя і модныя. Гэта ж які быў, аказваецца, энтузіязм – моладзь паваліла на “выбары”! А мы (што пабылі на выбарчых участках ды паглядзелі на антураж, што сядзелі там назіральнікамі) бачылі зусім іншую карціну – пустыя памяшканьні для галасаваньня, пакінутыя ўсімі выбарчыя камісіі, рэдкія самотныя фігуры на фоне ўсеагульнай пустаты. Ну і як гэтае ўсё такое называецца?!

Алесь Хадасевіч

23/9/2016 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2016
П А С Ч П С Н
« Жні   Кас »
 1234
567891011
12131415161718
19202122232425
2627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024