Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Аб фальсіфікацыі парляманцкіх выбараў у Беларусі

(Заява Сойму КХП-БНФ)

Сябры Кансэрватыўна-Хрысьціянскай Партыі – БНФ ажыцьцяўлялі назіраньне за галасаваньнем на выбарах у Палату Рэспублікі Беларусь, якія адбыліся 11 верасьня гэтага году. Па выніках назіраньня заяўляем наступнае:

1. Выбары ня могуць быць прызнаныя за справядлівыя і дэмакратычныя з прычыны грубых, сістэматычных і паўсюдных парушэньняў закону, дэмакратычных прынцыпаў і працэдур выбарчага працэсу. Парушэньні выяўлены ў наступным:

1.1. Участковыя выбарчыя камісіі ствараліся адміністрацыйным спосабам з працаўнікоў адной установы, школы, арганізацыі. Кіраўніком камісіі прызначаўся кіраўнік гэтай арганізацыі, школы, установы. Гэта стварала сацыяльную залежнасьць членаў камісіі ад кіраўніка камісіі.

1.2. У выбарчыя камісіі (найперш участковыя) па-валюнтарысцку не былі ўключаныя прадстаўнікі апазыцыйных і альтэрнатыўных да ўлады груп.

1.3. На папярэдняе галасаваньне ськіроўвалі людзей пад адміністрацыйным прымусам, шляхам цску, запалохваньня і пагроз.

1.4. У час папярэдняга галасаваньня зафіксавана грубае завышэньне (у некалькі разоў) яўкі выбаршчыкаў на папярэдняе галасаваньне і ўкідваньне чыстых бюлетэняў у скрыні для галасаваньня (месцамі у вялікіх колькасьцях – па некалькі сотняў бюлетэняў за адзін раз).

1.5. У дзень выбараў 11 верасьня паўсюдна зафіксавана нізкая яўка (фрэквэнцыя) выбаршчыкаў на галасаваньне. Яўка была ніжэй за 50 адсоткаў і вагалася ў межах ад 25 да 30 адсоткаў. Зафіксавана фальсіфікацыя фрэквэнцыі з боку ўчастковых камісіяў і завышэньне яўкі ў некалькі разоў

1.6. Паўсюдна рабіліся перашкоды незалежным назіральнікам у час паліку галасоў (недасягальная адлегласьць для назіраньня, немагчымасьць бачыць, што робіцца на стале зь бюлетэнямі, немагчымасьць пракантраляваць, як бюлетэні раскладаюцца па прозьвішчах кандыдатаў).

1.7. Зафіксаваныя маніпуляцыі са сьпісамі выбаршчыкаў, а таксама групы людзей, якіх перавозілі на спэцыяльным транспарце з участка на ўчастак, дзе яны галасавалі па сфальшаваных сьпісах па некалькі разоў.

2. Аналіз парушэньняў выбарчага заканадаўства, якія мелі паўсюдны характар сьведчыць аб тым, што парляманцкія выбары, якія адбыліся 11 верасьня 2016 года ў Рэспубліцы Беларусь, былі сфальсіфікаваныя зь ведама і пад прыкрыцьцём Цэнтральнай Выбарчай Камісіі.

Дзеяньні Цэнтральнай Выбрачай Камісіі і яе старшыні маюць прыкметы крымінальнага злачынства. Супраць іх можа быць узбуджана крымінальная справа.

18 верасьня 2016 г.
г. Менск

Сойм Кансэрватыўна-Хрысьціянскай Партыі — БНФ

20/9/2016 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2016
П А С Ч П С Н
« Жні   Кас »
 1234
567891011
12131415161718
19202122232425
2627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024