Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Грамадзтва стамілася ад фальшу

(Жнівеньскі Сойм 2016 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

14 жніўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, — “Незалежнасьць”. З дакладам выступіў сп. Сяргей Папкоў, намеснік старшыні Партыі і Фронту.

Выступоўца зьвярнуў увагу на эскалацыю канфлікту, на якую пайшла Масква ў сваіх агрэсіўных дзеяньнях супраць Украіны. Масква не пакідае свае планы захопу ўсяе Украіны і акупацыі Украінскай дзяржавы. Факты сьведчаць аб тым, што правакацыі ў Крыме арганізаваны самымі расейскімі сіламі. Усё гэта зьяўляецца часткай стратэгіі Масквы, якую Крэмль і Лубянка рыхтавалі і разгортваюць з 1991 года, з моманту падзеньня СССР.
Сутнасьць іхняй стратэгіі заключаецца ў разгортваньні “кіруемага канфлікту”. Гэтая стратэгія ўжываецца Масквой ня толькі ў межах былога СССР, але і ў розных частках сьвету, у тым ліку на Захадзе. На працягу 1990-х і пачатку 2000-х гадоў Масква пакарысталася высокімі коштамі на нафту не для разьвіцьця расейскай прамысловасьці і сельскай гаспадаркі, не для сацыяльнага прагрэсу ў расейскім грамадзтве. Каласальныя сумы раскрадаліся намэнклатурай, накіроўваліся ў заходнія банкі і выкарыстоўваліся для падрыхтоўкі агрэсіі і вайны. Нягледзячы на тое, што і на Захадзе, і ў постсавецкіх краінах, і ў самой Расеі цьвярозыя людзі папярэджвалі аб небясьпецы ўзмацненьня расейскай агрэсіі, палітычныя колы дэмакратычнага сьвету не хацелі слухаць гэтыя аргуманты і працягвалі паўтараць заклінаньне пра “рускую дэмакратыю”.

Яно ня дзіўна, многія з заходніх палітыкаў патрапілі ў фінансавую залежнасьць ад Масквы і не зьяўляюцца ўжо самастойнымі ў сваіх заявах і дзеяньнях. Україна і Беларусь цяпер зьяўляюцца першымі і галоўнымі аб’ектамі новага этапу маскоўскай экспансіі. Пасьля таго, як украінскі народ ліквідаваў прарасейскую групоўку ў кіраўніцтве краіны, Масква распачала вайну супраць Украіны. У Беларусі Масква захоўвае свой марыянэткавы васальны рэжым і зьдзяйсьняе паўзучы захоп нашай краіны мэтадамі так званай унутранай акупацыі. Цяпер Масква любым коштам хоча дамагчыся легітымізацыі рэжыма Лукашэнкі, ягоных дзяржаўных інстытуцый і ягоных выбарчых фарсаў. Не дапусьціць гэтага – галоўная задача беларускіх патрыётаў, усяго нашага грамадзтва. Змаганьне за незалежнасьць Беларусі працягваецца.
Выступілі таксама сябры Сойму з розных рэгіёнаў краіны. Паўсюль людзі не зьвяртаюць увагі на чарговы выбарчы фарс, не падыходзяць да пікетаў “прэтэндэнтаў”, гоняць іхнія ініцыятыўныя групы з сваіх дамоў альбо проста не адчыняюць ім дзьверы, у рэзкай форме тлумачачы нежаданьне бачыць на парозе чужых і фальшывых асобаў. Ніхто нават не абмяркоўвае “выбарчы працэс”, “кандыдатаў” і падобнае. Многія сьмяюцца і кажуць, што ўжо вядома, хто зь іхняга горада і раёна будзе “у палатцы”. Выбарчыя камісіі запаўняюцца тымі ж людзьмі, што сядзелі ў іх на працягу 15-20 папярэдніх гадоў. Наша грамадзтва стамілася ад фальшу і ня хоча нічога чуць пра фарс. Але і рэжым у цэнтры і на месцах ня надта прыкладае намаганьні, каб выклікаць грамадзкую актыўнасьць. Падобна, што рэжым разьлічвае на нейкае іншае рашэньне і выйсьце з сытуацыі нелегітымнасьці.
Грамадзяне размаўляюць з жаўнерамі і афіцэрамі і пытаюцца, ці будуць яны ваяваць супраць Украіны. Вайскоўцы адказваюць, што камандваньне тлумачыць ім: “беларуская армія будзе трымаць нэўтралітэт”. Вопытныя людзі, аднак, разумеюць, што гэта ёсьць звычайная камісарская ўлоўка. Русіфікацыя ў Беларускай арміі, напампоўваньне нашай краіны расейскімі вайскоўцамі і падпарадкаваньне Беларускай арміі расейскім генэралам і Маскве – усё гэта робіцца не для “нэўтралітэту”. Небясьпека ўцягваньня беларусаў у вайну на баку Масквы застаецца актуальнай.

Сойм абмеркаваў і прыняў Заяву “Будаўніцтва Астравецкай АЭС мусіць быць спынена!” (публікуецца).

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
14 жніўня 2016 г.

17/8/2016 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2016
П А С Ч П С Н
« Ліп   Вер »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024