Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Ваенных злачынцаў РФ – пад суд Украінскі суд прадаставіў дазвол на затрыманьне і арышт начальніка Генэральнага штаба ўзброеных сілаў Расеі Валерыя Герасімава і шэрагу іншых ваенных начальнікаў у сувязі з узброенай агрэсіяй Расеі супраць Украіны. Як перадае карэспандэнт УНИАН, пра гэта паведаміў намесьнік генэральнага пракурора – галоўны ваенны пракурор Анатоль Маціяс сёньня на брыфінгу ў Кіеве. Па яго словах, у сувязі з агрэсіяй Расеі супраць Украіны паведамлена аб падозры 19 грамадзянам РФ, 14 зь якіх – гэта вайскоўцы УС РФ, якія знаходзіліся і былі дапытаны на тэрыторыі Украіны. Абвешчаныя ў вышук 11 вайсковых. “Судом прадастаўлены дазвол на затрыманьне і дастаўку ў суд шэрагу ваенных начальнікаў генштаба УС РФ. Гэта начальнік Генштаба Герасімаў, а таксама іншыя ваенныя пасадавыя асобы”, — заявіў галоўны ваенны пракурор. Таксама Маціяс дадаў, што зараз ва ўкраінскіх судах у сувязі з агрэсіяй Расеі знаходзяцца дзьве актуальныя крымінальныя вытворчасьці супраць расейскіх спэцназаўцаў капітана Яўгена Ярафеева і сяржанта Аляксандра Аляксандрава, а таксама супраць грамадзяніна РФ Гаджыева. “На дадзены момант уступілі ў законную сілу і ўступілі ў дзеяньне 4 прысуды ўкраінскіх судоў, паводле якіх 5 асобаў прызнаныя вінаватымі ў вядзеньні агрэсіўнай вайны супраць Украіны. Сярод гэтых асобаў два грамадзяніна РФ – Гарбуноў і Даронін, адзін вайсковец УС РФ – Старкоў, якія асуджаны да пазбаўленьня волі ад 11 да 14 гадоў адпаведна”, — паведаміў Маціяс. Як паведамляў УНИАН, летась у ГПУ заявілі, што начальніку Генштаба УС РФ Герасімаву і яшчэ 10 расейскім вайскоўцам было паведамлена аб падозры і яны былі абвешчаны ў міждзяржаўны вышук у сувязі з падзеямі ў Ілавайску Данецкай вобласьці ў жніўні 2014 года. Пераклад з расейскай. 3/5/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
