Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Пэнтагон: “Шкодны і дэстабілізуючы ўплыў” – пагроза ад Расеі

Кіраўнік Пэнтагона Эштан Картэр назваў пяць глабальных пагрозаў бясьпецы ЗША, паставіўшы Расею на першае месца. Пра гэта гаворыцца ў паведамленьні на сайце ваеннага ведамства ЗША. За Расеяй у сьпісе ідуць Кітай, Паўночная Карэя, Іран і міжнародны тэрарызм.

Заява Картэра прагучала на слуханьнях у Сэнаце, дзе разглядаўся абарончы бюджэт ЗША на 2017 год. “Сёньняшняя сытуацыя ў вобласьці бясьпекі рэзка адрозьніваецца ад таго, што было ў апошнія 25 гадоў. Яна патрабуе новых падыходаў”, — мяркуе міністар.

Пры гэтым ён вызначыў Расею і Кітай як два найбольш небясьпечныя канкурэнты, якія разьвіваюць сістэмы ўзбраеньняў, што ставяць пад пагрозу лідэрства ЗША у паасобных вобласьцях.

Пэнтагон разьлічвае атрымаць на свае патрэбы ў 2017 фінансавым годзе 582,9 мільярда даляраў. Зь іх 523,9 мільярда даляраў складзе базавы бюджэт ваеннага ведамства, а астатнія 58,8 мільярды пойдуць у фонд правядзеньня тэрміновых апэрацый за мяжой. Запытаныя сродкі, падкрэсьліў Картэр, пакрываюць наяўныя і новыя пагрозы бясьпецы.

У лістападзе 2015 года Картэр заяўляў, што Расея кідае выклік міжнароднаму парадку, і ЗША мадэрнізуюць свае ўзброеныя сілы для стрымліваньня расейскай агрэсіі.

“У Эўропе Расея парушае сувэрэнітэт Украіны і Грузіі і актыўна запалохвае краіны Балтыі, а ў Сірыі падлівае бэнзін у агонь небясьпечнага канфлікту, працягваючы грамадзянскую вайну, якая жывіць экстрэмізм, супраць якога сама Расея хацела змагацца, — зазначыў кіраўнік Пэнтагона. – Але найбольшую занепакоенасьць выклікае тое, што Масква грукае ядзернай зброяй. Гэта падымае пытаньні аб адданасьці расейскага кіраўніцтва справе захаваньня стратэгічнай стабільнасьці і павагі да нормаў у адносінах да ўжываньня ядзернай зброі”.

15 кастрычніка Картэр заявіў, што Расея аказвае “шкодны і дэстабілізуючы ўплыў” на сытуацыю ў сьвеце, і ЗША будуць гэтаму ўплыву супрацьдзейнічаць. “Мы зробім усе неабходныя крокі, каб стрымаць шкодны і дэстабілізуючы ўплыў Расеі, яе гвалт і агрэсію”, — запэўніў кіраўнік Пэнтагона, крытыкуючы інтэрвэнцыю Крамля ва Украіне і Сірыі.

Пераклад з расейскай.

Крыніца: http://grani.ru/Politics/World/US/m.249685.html

2/4/2016 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2016
П А С Ч П С Н
« Сак   Тра »
 123
45678910
11121314151617
18192021222324
252627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024