Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Прыбалты адгароджваюцца ад Расеі Латвія і Эстонія плануюць пабудову на сваіх межах з Расеяй загароджы, каб павысіць бясьпеку балтыйскага рэгіёну і лепш кантраляваць наплыў уцекачоў, якія спрабуюць патрапіць нелегальна ў Шэнгенскую зону. Латвія мае намер ачысьціць ад расьліннасьці 12-мэтровы пас на ўчастку даўжынёй 92 км сваёй мяжы з Расеяй, якой працягласьць ёсьць 276 км, і пабудаваць загароджу вышынёй 2,7 м. Гэтая частка мяжы праходзіць у мясцовасьці, якая вызначаецца густой расьліннасьцю, што абцяжарвае назіраньне і аблягчае перасячэньне мяжы мясцовым кантрабандыстам з абодвух бакоў. Сёлета латышы маюць намер пабудаваць коштам 1,8 млн эўра 24 км агароджы з калючым дротам – паведаміў журналістам дырэктар латышскай Памежнай Аховы Нормундс Гарбарс. Эстонія таксама распачала працу па ўмацаваньню сваёй мяжы з Расеяй, хаця яшчэ чакаецца зацьвярджэньне парлямантам дэмаркацыйнай дамовы, якую падпісалі абедзьве краіны. Паводле мясцовых эстонскіх СМІ, праект зьвязаны з апасеньнем што да бясьпекі мяжы з Расеяй, хаця ні з эстонскага боку, ні з расейскага ня ўзьнікнуць затарасы, якія маглі б перашкодзіць у выпадку ўзброенага нападу. У Латвіі пабудова агароджы паўз мяжу будзе працягвацца ад трох да пяці гадоў, а галоўнай мэтай гэтага мерапрыемства будзе больш эфэктыўнае запабяганьне нелегальнаму перасячэньню мяжы імігрантамі і кантрабандай – паведаміла журналістам Дайга Холма, прадстаўніца латышскага міністра ўнутраных справаў Рыхардса Казлоўскіса. Да гэтага часу найбольш шматлікімі былі вьетнамскія імігранты, 226 якіх спрабавалі перасекчы расейска-латышскую мяжу летась ў лясістай і балоцістай мясцовасьці. А ў цэлым на мяжы з Расеяй і Беларусьсю ў 2015 годзе латышская памежная ахова затрымала 476 асобаў, у тры разы болей, чым у 2014 годзе. рар 2/4/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
