Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Патрыёты ўшанавалі памяць герояў Слуцкага Збройнага Чыну

0011.JPG
29 лістапада група сяброў і прыхільнікаў Кансэрватыўна-Хрысьціянскай Партыі – БНФ накіравалася на Случчыну. Да іх далучыліся сябры Партыі з Баранавічаў, Слуцка і Клецка, а таксама мясцовыя жыхары. Патрыёты наведалі месцы, зьвязаныя з падзеямі Слуцкага Збройнага Чыну: Грозаў, Семежава і Вызну (цяпер Чырвоная Слабада), дзе адбываліся баі Беларускай народнай арміі супраць расейскіх агрэсараў у лістападазе-сьнежні 1920 года.

Удзельнікі мэмарыяльных мерапрыемстваў заслухалі зварот сп. Зянона Пазьняка, Старшыні БНФ “Адраджэньне” і КХП-БНФ – “Слава слуцкім ваярам!” (публікуецца). Выступілі сп. Юры Беленькі, выканаўца ў Беларусі абавязкаў старшыні Фронту і Партыі, сп. Алесь Чахольскі, адказны сакратар Фронту і Партыі, і іншыя выступоўцы. Яны казалі пра неўмяручую памяць аб подзьвігу і самаахвярнасьці герояў Случчыны, якія не лічыліся з колькаснай перавагай ворага, узброенага да зубоў. Яны сталі на шляху ўсходніх варвараў пад сьвятым нацыянальным Бел-Чырвона-Белым Сьцягам і прынялі няроўны бой.

Без подзьвіга случакоў 1920 года не было б аднаўленьня нашай дзяржаўнай незалежнасьці ў 1991 годзе. Змагарнае пакаленьне паказала і расейскай імпэрыі, і ўсяму сьвету, што беларуская нацыя ёсьць, ёсьць Беларуская дзяржава, культура і мова. Ворагі вымушаны былі прызнаць гэта і пайсьці на стварэньне намінальнай дзяржавы БССР, потым даць ёй месца ў ААН. А ў 1991 годзе Беларускі Народны Фронт угрунтаваў адноўленую незалежнасьць на вялікай традыцыі БНР і народнага вызвольнага змаганьня. Гэта ёсьць лекцыя для нас – кожнае пакаленьне мае абавязак бараніць сябе і сваіх дзяцей, сваю дзяржаву, культуру і маёмасьць. Гісторыя паўтараецца і цяпер зноў над Беларусьсю навісла пагроза чарговага маскоўскага патопу. Але вораг павінен ведаць, што наш народ будзе ваяваць за сваю свабоду і агрэсары знойдуць сваю магілу ў нашых лясах і балотах.
Завяршыліся мерапрыемствы шэсьцем праз цэнтар Слуцка і мітынгам каля будынку мясцовага Краязнаўчага музэю, дзе ў 1920 г. адбыўся Зьезд дэлегатаў Случчыны.

Выступоўцы нагадалі, што случакі ў 1920 годзе баранілі ня толькі Беларусь, але і ўсю эўрапейскую цывілізацыю ад маскоўска-бальшавіцкага пагрому. Гэта была чарговая старонка з шэрагу стагоддзяў беларускай абароны Эўропы ад крамлёўскіх ардынцаў. Наш народ не павінен забыцца, што тварыў і творыць расейскі акупант, калі ён захоплівае чужую зямлю.

Учора людзі прыгадалі ўгодкі зьнішчэньня расейскімі вандаламі прыўкраснага помніка архітэктуры беларускай готыкі – Фары Вітаўта ў Горадні, якую акупанты ўзарвалі ў 1961 годзе (у разгар хрушчоўскай “адлігі”). Яны прыходзяць толькі для таго, каб забіваць і нішчыць. Больш беларусы не дапусьцяць гэтага. Мы пераможам імпэрыю зла, наш народ будзе шчасьліва жыць у сваёй вольнай дзяржаве.

Каля крыжоў, усталяваных фронтаўцамі ў мінулыя гады, людзі ўсклалі кветкі, запалілі сьвечкі і зьнічкі. Людзі сьпявалі гімн “Магутны Божа”, ваярскія песьні, гукалі “Жыве Беларусь! Жыве вечна!”

0021.JPG

0271.JPG

0311.JPG

0351.JPG

Інфармацыйная камісія Кансэрватыўна-Хрысьціянскай Партыі – БНФ
29 лістапада 2015 г.

30/11/2015 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2015
П А С Ч П С Н
« Кас   Сьн »
 1
2345678
9101112131415
16171819202122
23242526272829
30  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024