Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Дзяды. Шэсьце і мэмарыяльны мітынг у Лошыцы 8 лістапада на заклік Кансэрватыўна-Хрысьціянскай Партыі – БНФ людзі сабраліся на ўскраіне Менску, каб працягнуць мэмарыяльныя мерапрыемствы ў памяць Дзядоў. Нягледзячы на сьцюжу і дождж беларусы пайшлі шэсьцем пад нацыянальнымі Бел-Чырвона-Белымі Сьцягамі, гукаючы покліч “Жыве Беларусь!”. Каля вялікага Крыжа ў памяць ахвяраў расейскай акупацыі быў праведзены мэмарыяльны мітынг. Грамада заслухала зварот сп. Зянона Пазьняка, Старшыні Беларускага Народнага Фронту “Адраджэньне” і КХП-БНФ (публікуецца). Выступіў сп. Юры Беленькі, выканаўца абавязкаў у Беларусі старшыні Фронту і Партыі. Для тых з моладзі, якія ўпершыню былі ў гэтым месцы, ён расказаў пра трагічныя падзеі ў Лошыцкім яры. Выступоўца падкрэсьліў, што лепшых людзей Беларусі забівалі акупанты нашай зямлі. Гэтыя акупанты не пакаяліся і ніколі не пакаяцца, такая ў іх традыцыя. Яны ня здольныя на гэта. Памятаць пра нашыя ахвяры ёсьць нашым абавязкам. І мы будзем перадаваць гэтую памяць нашым нашчадкам. У наш час мы жывем пад акупацыяй той жа варварскай маскоўскай імпэрыі, якая цяпер выкарыстоўвае мясцовы васальны рэжым. На жаль, ёсьць у нас людзі, якія яшчэ не разумеюць гэтага сутнаснага моманту і задаюць пытаньні: “І чаму так усё робіцца ў нашай краіне?” А трэба разумець, што разбураць беларускае нацыянальнае школьніцтва, нашую культуру, прыніжаць і нішчыць мову, душыць беларускі бізнэс – усё гэта можа рабіць толькі акупацыйны, варожы і чужы беларусам рэжым. Калі зразумееш гэта, то ўсё становіцца на свае месцы, і наіўныя пытаньні адпадаюць самы сабой. Тады пачынаеш задумвацца над тым, як вызваліцца ад акупанцтва і вярнуцца да нармальнага чалавечага, культурнага, нацыянальнага, дзяржаўнага жыцьця – да жыцьця, якім жывуць нашы цывілізаваныя суседзі, эўрапейскія народы. Наша задача – зьдзейсьніць мару папярэдніх беларускіх пакаленьняў, нашых Дзядоў: адрадзіць вольную Бацькаўшчыну, згуртавацца вакол нацыянальных каштоўнасьцяў, роднай культуры і мовы і забясьпечыць сьветлую будучыню нашым дзецям і ўнукам. Выбару няма – або пагібель у маскоўскай імпэрыі, або вяртаньне да свайго, роднага. Гэтаму вучыць нас уся нашая даўняя і найноўшая гісторыя. Людзі засьпявалі беларускі гімн “Магутны Божа”, усклалі да Крыжа кветкі, запалілі зьнічкі. |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
