Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Кожнаму беларусу ёсьць што сказаць і ёсьць чым дапамагчы сьветлай будучыні Беларусі

(Чэрвеньскі Сойм 2015 г. Кансэрватыўна-Хрысьціянскай Партыі – БНФ
і Беларускага Народнага Фронту “Адраджэньне”)

14 чэрвеня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў зварот сп. Зянона Пазьняка, Старшыні Партыі і Фронту, аб праграме будучыні Беларусі. З дакладам выступіў сп. Сяргей Папкоў, намесьнік старшыні Фронту і Партыі.

Дакладчык нагадаў асноўныя палажэньні артыкула сп. Зянона Пазьняка «Што адбываецца і што можа быць», дзе выкладзены ідэі рэформ розных сэктароў беларускага грамадзтва, нацыянальнай дзяржавы, культуры, адукацыі, эканомікі і палітыкі. Сойму было прапанавана далучыцца да канструктыўнай дзейнасьці па распрацоўцы форм і мэтадаў прагрэсіўных пераўтварэньняў у бліжэйшай будучыні, калі Беларусь будзе вызвалена ад акупацыйнага антынацыянальнага рэжыму і адкрыецца магчымасьць для нармалізацыі нашага дзяржаўнага, нацыянальнага, культурнага і эканамічнага жыцьця. Дакладчык падкрэсьліў, што ў рамках гэтай агульнай тэмы не разглядаюцца шляхі ліквідацыі антыбеларускага рэжыму. Гэта ёсьць асобная тэма і асобная дыскусія. Але ўвесь наш народ, наша нацыянальная эліта павінны быць гатовымі распачаць працу па адраджэньню Бацькаўшчыны з першага дня вызваленьня.

Выступілі сябры Сойму з розных рэгіёнаў краіны. Яны запрапанавалі распачаць распрацоўку праграмы рэформ з дапамогай усяго грамадзтва. Кожнаму чалавеку ёсьць што сказаць і чым дапамагчы агульнай справе. Кожны, хто прагне шчасьця сябе, сваёй сям’і і свайму народу, павінен выкарыстаць свае здольнасьці, адукацыю, жыцьцёвы і прафэсійны досьвед у распрацоўцы мадэлі жыцьця ў вызваленай Беларусі. Людзі не павінны баяцца, што «не валодаюць класічнымі ведамі і заканадаўчай лексікай». Мы ствараем разам не акадэмічны трактат, а канструктыўны план разьвіцьця нашай краіны. Кожная сьветлая думка, кожная практычная прапанова ад любога чалавека будуць унёскам у агульную скарбонку беларускай ідэі і ў яе рэалізацыю. Дыскусія павінна разгарнуцца па ўсяе краіне, бо паўсюль ёсьць разумныя, вопытныя, адукаваныя людзі.

Сябры Сойму выказалі першыя прапановы ў праграму народных рэформаў. Было прынята як аксіёма, што ў вызваленай Беларусі кожны грамадзянін будзе мець права далучыцца да стваральнай працы, раскрыць і рэалізаваць свае здольнасьці. Нават тыя людзі, якія цяпер не падтрымліваюць ідэю вызваленьня Беларусі. У беларускай дэмакратычнай дзяржаве ўсім будуць дадзеныя магчымасьць і права быць лаяльнымі грамадзянамі. Сябры Сойму заявілі пра неабходнасьць прыняцьця тэрміновых захадаў па выратаваньню беларускай культуры, мовы і школы, па падтрымцы беларускіх талентаў.

Былі выказаны прапановы па накірунках зьнешнепалітычнага разьвіцьця Беларусі, па ўмацаваньню сувэрэнітэту дзяржавы, па неабходнасьці арыентацыі на дэмакратычныя, высокаразьвітыя краіны, умацаваньне адносінаў з краінамі Балта-Чарнаморскага рэгіёну. Вызначыліся спэцыялісты па розных галінах дзейнасьці, якія будуць каардынаваць збор і аналіз інфармацыі і практычных прапаноў у рамках працы над праграмай народных рэформ.

Сойм абмеркаваў арганізацыйныя пытаньні партыйнай працы.

Інфармацыйная камісія Кансэрватыўна-Хрысьціянскай Партыі – БНФ
і Беларускага Народнага Фронту “Адраджэньне”

14 чэрвеня 2015 г.

15/6/2015 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2015
П А С Ч П С Н
« Тра   Ліп »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024