Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Беларусы, не ставайце “пад сьцягі” палітычных прайдзісьветаў 24 сьнежня АГП (“партыя інтэлектуалаў”, як яны самы сябе называюць) выступіла з заявай, роўнай па пафасе гістарычнаму “Отечество в опасности!” Вядомыя палітычныя прайдзісьветы, якія вызначыліся сабачай вернасьцю Маскве (“идеалам русской демократии”) і вечным падыгрываньнем антыбеларускаму рэжыму, выдалі ў інфармпрастору свой заклік. Яны абвясьцілі, што будуць зьбіраць подпісы за адстаўку Лукашэнкі і ўраду РБ. Што называецца, “гучыць прыгожа”… Радыё Свабода спытала ў генсека АГП А. Лебедько, куды яны зьбіраюцца здаваць сабраныя подпісы? Ён гэтае месца так і не назваў. Затое прызнаўся, што такім чынам яму стануць вядомыя людзі, якіх можна зьбіраць “пад нашы сьцягі”. (Крыніца: http://www.svaboda.org/content/article/26760620.html) Зразумела, што заява ад АГП была апублікавана на акупанцкай мове (“чтобы всем было понятно”). І вось жа цікава, у падрабязным пераказе апошніх падзей у фінансах і эканоміцы АГП аніразу (!) не выкарыстала слова “Масква”. Нават агаломшаныя пэнсіянэры, мітусьлівыя валютчыкі і ўсе разам у Беларусі зразумелі, што крызіс накаціў на Беларусь з Расеі, што выкліканы ён гаспадараньнем рэжыму маскоўскай унутранай акупацыі Беларусі. А генсек з сваімі “інтэлектуаламі” гэтага “не зразумеў, не заўважыў”. Відавочна, што фальшывыя лібэралы атрымалі загад-уводную ад ворагаў Беларусі прыкрыць Маскву, пераключыць увагу грамадзтва з сапраўдных арганізатараў фінансава-эканамічнага правалу на банальных мясцовых выканаўцаў. І наогул, а што гэта за манера ва ўмовах узмацненьня паліцэйшчыны і гэбоўшчыны заклікаць людзей падпісывацца ў падпісных аркушах, якія АГП перадасьць “невядома куды”? Хаця апошнімі днямі назіраецца актуалізацыя моды на зборы подпісаў пад дэвізам “Мільён! Хто больш?” Нашым грамадзянам прапануецца надзець карнавальныя строі, маскі, абкруціцца канфэці і вадзіць з “Лебедьком“ і ягонай “партыяй” чарговыя блазнаўскія карагоды. А “інтэлектуалы” (нават калі яны “нарысуюць” пэўную колькасьць падробленых подпісаў) атрымаюць чарговы грант-транш “на падтрымку штаноў”… даруйце, “на падтрымку дэмакратыі”. Сяргей Камароўскі 1/1/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
