Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
У чарговы раз здалі псэўдаапазыцыю Даем бясплатную рэкламу (якая ўжо распаўсюджваецца ў Сеціве). Еврорадио паведаміла, цытуем: Посол России: Что-то сомневаюсь, что Лукашенко пойдет на выборы в 2015 году “На данный момент руководитель Беларуси не выразил желания баллотироваться. И я что-то сомневаюсь, что он пойдет. Но если пойдет, то я бы его лично как человек поддержал”, — заявил Суриков. 17.12.2014 Заявы пра начальніка рэжыму нам падаліся не самымі цікавымі. А вось пра “оппозіціонных політіков” – гэта значна цікавей. Аказалася, што згаданыя “барцы” могуць і каля Камароўкі з плакацікам “Россия – это война” пастаяць, і заяву пра “небясьпеку расейскай агрэсіі” зрабіць. А потым (калі пастаялі і зрабілі, ручкі памылі) “барцы” ідуць у пасольства РФ у Менску або ў іншае месца, якое ім прызначае тав. Сурыкаў, і “много встречаются с ним”. І што ж гэта за падпольныя “стрэлкі” такія? Гэта ж якая падзея: “барцоў” прымае пасол дзяржавы, ды яшчэ якой! А яны не паведамляюць пра гэта нікому. Такое называлася пры саветах “тайнай дыпламатыяй” (і, дарэчы, было адменена тав. Леніным “как наследие царского режима”). Пра ленінскі дэкрэт ведаў тав. Сурыкаў. Ён і здаў кліентуру. Можна сказаць, саштурхнуў яе ў інфармацыйную прорву. Можа ім і грошай з Масквы больш даваць ня будуць? “Чорны аўторак”, “крымнаш” і ўсё такое, зразумець можна. Спачуваем… Зрэшты, такія эпізоды ўжо здараліся ў жыцьці “барцоў”. Дастаткова прыгадаць, як на прыканцы 1990-х гадоў В. Вячорка, праф. Ю. Хадыка, А. Лебедько і падобныя рэгулярна сустракаліся з прадстаўнікамі рэжыму ў менскім піўным рэстаране “Ракаўскі бровар”. А праз год сустрэчаў (пра якія ня ведаў ніхто) пра гэта распавялі на БТ прадстаўнікі рэжыму. “Барцоў” здалі рэжымныя партнёры. Бывае… Сымон Рудзік 20/12/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
