Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

“Расея – гэта вайна”

(Жнівеньскі Сойм 2014 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”)

17 жніўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” – “Міф аб “рускім народзе”. З дакладам выступіў сп. Юры Беленькі, выканаўца ў Беларусі абавязкаў старшыні Партыі і Фронту.

Выступоўца прааналізаваў цяперашні этап украінска-расейскай вайны і сацыяльна-эканамічнага крызісу ў Расеі. Роўна месяц прамінуў з таго трагічнага дня, калі на загад Масквы быў састрэлены пасажырскі самалёт у небе над Данбасам. Зьнішчаць пасажырскія самалёты ракетамі Маскве не ўпершыню, такое яны практыкавалі й раней, напрыклад, у 2004 годзе. Гэтым разам Масква мела намер выкарыстаць гэта для разгортваньня паўнамаштабнай агрэсіі супраць Украіны, абвінаваціўшы ў злачынстве Украінскую армію. Але замест расейскага самалёта, маскоўскія тэрарысты састрэлілі замежны лайнэр. Сытуацыя ўскладнілася і правакацыя правалілася. Але лакальная вайна на ўсходзе Украіны працягваецца, небясьпека паўнамаштабнай вайны застаецца. Украінскія вайскоўцы пры падтрымцы ўсяго народу штодня вызваляюць гарады і паселішчы на сваёй дзяржаўнай тэрыторыі. Кіруемыя Масквой тэрарысты адступаюць і многія зь іх разьбягаюцца. Гэта яшчэ раз даказвае, што народ, які не напалохаўся магутнага ворага, а пачаў змаганьне, здольны перамагчы і абараніць сваю дзяржаву і волю.
Для беларусаў вельмі важным ёсьць зразумець вялікую небясьпеку ўцягваньня Масквой нашай арміі і ўсяе Беларусі ў вайну супраць братэрскага народу. Мы павінны тлумачыць нашым людзям гэтую небясьпеку і неабходнасьць грамадзкага супраціву гэтаму злачынству. Беларуская тэрыторыя напампоўваецца расейскімі войскамі і ваеннай тэхнікай. Супраць нашага народу вядзецца беспрыцыдэнтная па маштабах і подласьці інфармацыйная вайна дзеля распальваньня нянавісьці да ўкраінцаў і падрыхтоўкі нашага насельніцтва да ўдзелу ў бруднай расейскай агрэсіі супраць Украіны. Патрыёты павінны цярпліва і пасьлядоўна разьбіваць гэтую хлусьлівую прапаганду і казаць праўду пра падзеі ва Украіне і ваенныя злачынствы Масквы. Таксама трэба папярэджваць, каб людзі не аддавалі сваіх родных на расейскую вайну.

Выступілі таксама сябры Сойму з розных рэгіёнаў краіны. Яны зазначылі, што многія людзі паддаюцца хлусьлівай расейскай прапагандзе менавіта таму, што адарваліся ад роднай культуры і мовы, сталіся ахвярамі акупацыйнай палітыкі русіфікацыі. Вырваныя зь беларушчыны, яны ўжо ня здольныя прыкласьці мінімум намаганьняў, каб зразумець інфармацыю на ўкраінскай мове з украінскіх інфармацыйных крыніц і прынамсі параўнаць яе з маскоўскай тэлегёбельсаўшчынай. Беларусы, якія дэзарыентаваныя русіфікацыяй, як аказалася, лёгка паддаюцца злачынным маскоўскім маніпуляцыям. Неабходна выразна і адназначна даводзіць нашым людзям просты лёзунг нашага часу – “Расея – гэта вайна”. Прычым тлумачыць, што гэта азначае вайну і для нас, для Беларусі. Паратункам для нашай нацыі і краіны ёсьць усталяваньне ў Беларусі беларускай патрыятычнай улады, рэформы, пазбаўленьне ад каланіяльнага ўціску Расеі, дэмакратызацыя і забесьпячэньне сувэрэннага разьвіцьця. Іншы шлях азначае пагібель разам з расейскай імпэрыяй, якая ідзе да свайго развалу. Выбар паміж жыцьцём у сям’і цывілізаваных народаў і сьмерцю ў абдымках Масквы наш народ павінен зрабіць ужо цяпер.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”
17 жніўня 2014 г.

18/8/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2014
П А С Ч П С Н
« Ліп   Вер »
 123
45678910
11121314151617
18192021222324
25262728293031

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024