Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агляд замежнага друку

(07.08. – 09.08.2014)

Той, хто змагаецца за сваё

8 жніўня 2014 г. швайцарская газэта “Neue Zuercher Zeitung” паведаміла, што авіяцыя ЗША пачала налёты на пазыцыі ісламскіх баевікоў. Баевікі імкліва захопліваюць поўнач Ірака. Налёты пачаліся на просьбу курдскіх кіраўнікоў. Ісламісты наблізіліся да тэрыторыі ірацкага Курдыстану.

Наш камэнтар: Дзесяткі тысячаў іракцаў уцякаюць з гарадоў і вёсак, захопленых экстрэмістамі, у Курдыстан. Ірацкія часткі разгромлены і ўцякаюць. Арганізаваны супраціў аказваюць палкі курдаў. Найбольш дзяржаўнага парадку якраз на тэрыторыі Курдыстана. Той, хто змагаецца за сваё, не ўцякае, той і атрымлівае міжнародную дапамогу.

Алесь Хадасевіч

***

Больш спасылайцеся на расейскія гёбэльс-СМІ

8 жніўня 2014 г. нідэрляндская газэта “Algemeen Dagblad” спаслалася на расейскую агенцыю навінаў Interfax, якая паведаміла ўвечар 8 жніўня пра завяршэньне вялікіх ваенных вучэньняў расейскай арміі каля мяжы з Украінай. “Войскі адведзеныя на свае базы”.

Наш камэнтар: Сутак не прамінула, а як цікава пачытаць. Ужо вядома, што ўначы з 8 на 9 жніўня ў бок мяжы з Украінай пасунулася вялізная калёна расейскіх войскаў. Масква зьбіралася атакаваць Украіну пад прыкрыцьцём “гуманітарнай місіі”. Толькі своечасовая міжнародная рэакцыя спыніла гэтым разам агрэсара. Паведамленьне ад Interfax было класічным падманным інфармацыйным манеўрам. Няхай заходнія СМІ пабольш спасылаюцца на расейскія СМІ.

Юрка Марозаў
***

Наперадзе пустыя паліцы

8 жніўня 2014 г. бэльгійская газэта “De Standaard” напісала пра скандал на расейска-эўрапейскай мяжы. Там сабраліся тысячы грузавых машын з прадуктовымі таварамі. І тут стала вядома, што Масква наклала забарону на імпарт харчаваньня.

Наш камэнтар: Вядома, што “дарагія расіяне” ужо панічна скупляюць харчаваньне пра запас. Пацешна глядзець БТ, дзе весела распавядаюць, як Беларусь “запоўніць сваёй прадукцыяй вялікі расейскі рынак”. Усе слухаюць і многія разумеюць, што гэта азначае пустыя паліцы ў беларускіх крамах.

Алесь Хадасевіч

***

Камуністы з Іспаніі

8 жніўня 2014 г. польская газэта “Gazeta Wyborcza” напісала пра двух маладых іспанцаў, якія прыехалі ва Украіну і запісаліся ў сэпаратысцкі батальён “Восток”. Яны ваююць супраць украінскай арміі, носяць з сабой сьцяг з дэвізам “No pasaran!” (“Яны ня пройдуць!) і паведамляюць пра сябе ў сацсетках. Яны кажуць, што паўтараюць традыцыю інтэрнацыянальных брыгадаў грамадзянскай вайны ў Іспаніі і бароняць народ Паўднёвага Усходу Украіны. Абодва належаць да кампартыі Іспаніі.

Наш камэнтар: Вось такія заходнія “рамантыкі” пад уплывам маскоўскай прапаганды. Пад гарачую руку ўкраінцы могуць не разабрацца і ліквідаваць чарнявых балбатуноў як кадыраўска-чачэнскіх агрэсараў.

Юрка Марозаў
***

Маскоўскі “Jobbik”

9 жніўня 2014 г. славацкая газэта “Hospodarske Noviny” паведаміла пра дэманстрацыю пратэсту каля парляманта ў Будапэшце. Крайне правая арганізацыя “Jobbik” пратэставала супраць мабілізацыі этнічных вугорцаў Закарпацьця ва ўкраінскае войска: “Вугорцы з Закарпацьця ня маюць нічога агульнага з бессэнсоўным кравапраліцьцем, што адбываецца за 1000 км ад іх”.

Наш камэнтар: Усё выглядала б лагічным, калі б пару месяцаў таму не раскрылася, што гэтая “экстрэмісцкая нацыяналістычная” арганізацыя скалочана і існуе на маскоўскія фінансы і па загадах Масквы. То была вялікая сэнсацыя для людзей у Вугоршчыне.

Алесь Хадасевіч

18/8/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2014
П А С Ч П С Н
« Ліп   Вер »
 123
45678910
11121314151617
18192021222324
25262728293031

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024