Bielarus.net Плятформа «Беларуская Салідарнасць» |
|||
Зянон ПАЗЬНЯК:ПАПЯРЭДНІЯ ВЫСНОВЫ АБ РУСКАЙ АГРЭСІІ Мы перажываем пераломны час, калі пасьляваенны парадак у Эўропе разбураны і працягвае разбурацца далей. Гэты працэс павінен прывесьці да пераменаў. Прытым, як паказвае становішча, не абавязкова ў лепшы бок. На мой погляд, захавальныя шанцы Захаду і агрэсіўныя шанцы гэбісцкай Расеі, фактычна, ураўняныя. Перамога можа быць і з аднаго, і з другога боку, улічваючы, што гэбісцкая Расея можа пайсьці на адчайны авантурны крок, якога Захад не чакае і не гатовы супроцьстаяць. Расея выступіла ў спрыяльным для сябе часе, калі Амэрыка слабая і ня здольная на дзеяньні. Такой слабіны і бездапаможнасьці Амэрыка яшчэ ня мела ніколі. Эўропу можна не прымаць пад увагу. Філісьцерства – яе родавая пячатка. У выпадку абвастрэньня яна здасьць усіх і ўсё, як некалі ўсё здала Гітлеру. Хранічна не разумеючы Расею (гэта ўжо хвароба), зўрачыноўнікі нават не спадзяваліся, што Пуцін нападзе на Украіну. Але Украіна пачала супраціўляцца. І гэта дае надзею на перамогу. Гэта адзіна правільная лінія паводзінаў. З нападнікамі і акупантамі трэба ваяваць. Пяць месяцаў ідзе вайна і дзевяць месяцаў, як пачалася Украінская рэвалюцыя. Назіраньні за падзеямі прасьвятлілі шмат якія пытаньні, важныя для нас, беларусаў, бо верагоднасьць нашага збройнага сутыкненьня з фашысцкай Расеяй ня выключана. Камуністы былі супраць стварэньня беларускага войска, а ў грамадзтве пашыралі інфантыльныя пацыфісцкія настроі. Зь вялікімі цяжкасьцямі войска ўсё ж удалося стварыць. (Напачатку гэта была савецкая армія, забраная потым пад юрысдыкцыю Беларусі.) Але працэс вайсковага будаўніцтва паволі пачаўся. І тут камуністы і руская агентура выставілі іншую канцэпцыю, што, маўляў, для Беларусі нармальнае ўкамплектованае войска зь цяжкімі ўзбраеньнямі непатрэбнае. Маўляў, ужо ня той час. Галоўнае – нешматлікія, добра навучаныя мабільныя сілы. У сучаснай вайне, маўляў, танкі – ужо ўчарашні дзень. Для Беларусі, маўляў, хопіць 50-60 тысячаў ваяроў такога мабільнага войска і г. д. Гэта відавочная памылка, якую падтрымлівалі антыбеларускія сілы. Найперш незабывайма, што войны бываюць розныя. Ня можна рыхтаваць войска на нейкі адзін тып канфлікту. Дыверсійная гібрыдная вайна і выбарачная расейская акупацыя Украіны ўжо наглядна паказалі першаступенную ролю ўкамплектаванай шматлікай арміі, і перш за ўсё – танкаў (якія ўжо некаторыя “спэцы” гатовыя былі сьпісаць з патрэбаў сучаснай вайны). Танкі, артылерыя і матарызаваныя сілы іграюць галоўную ролю ў цяперашняй руска-украінскай вайне. І гэта трэба ўлічыць. Рана сьпісьваць танкі. Трэба іх удасканальваць. Вайна на Украіне паказала надзвычайную ролю вайсковай разьведкі і датклівасьць авіяцыі нават перад нескладанымі сродкамі СПА. І, нарэшце, агульнае пытаньне – патрыятычны дух, дысцыпліна і арганізацыя арміі. Тут якраз была найвялікшая праблема ўкраінскага войска ў пачатку акупацыі. Тут, а ня ў тым, што не было паліва, каб заправіць танкі. Самую важную выснову, якую мы павінны зрабіць з гэтай нечаканай для некаторых вайны, гэта тое, што ў цяперашнім сьвеце, каб захаваць незалежнасьць і свабоду падчас расейскай агрэсіі і акупацыі, існуе толькі адзін спосаб і адзін шлях – збройнае супраціўленьне. Прытым любымі сіламі і ў любой сытуацыі. Барацьбу трэба разглядаць як Айчынную вайну (што атпавядае сапраўднасьці). Збройнае супраціўленьне мосьціць шлях нацыі да перамогі, а для ўсяго сьвету дае магчымасьць дапамагаць ахвяры агрэсіі. Падкрэсьліваем, гэта галоўнае зразуменьне, якое добра было б цяпер усьвядоміць беларускаму грамадзтву. Інакш народ паўторыць лёс Аўстрыіі і Чэхаславаччыны 30-х гг. Правільная мадэль паводзінаў на той час была толькі ў Фінляндыі (тры мільёны насельніцтва). І Фінляндыя адстаяла сваю незалежнасьць, паклаўшы на сьмерць амаль паўмільёна савецкіх агрэсараў у фінскіх сьнягах. Наступная выснова. Беларуская ваеннная дактрына мусіць быць ськіравана на ўсход і на захад. Але прыярытэт – на ўсходні кірунак. Руская агрэсія на Украіну паказала, што геній фэльдмаршала Густава Манэргейма актуальны і цяпер. З усходу па ўсім пэрымэтры з Расеяй мусіць быць створаная глыбокая сістэма ўмацаваньняў, супрацьтанкавая і супрацьпяхотная перашкоды, і т. п. Наступнае. Павінна быць створана і ажыцьцёўлена канцэпцыя беларускай патрыятычнай арміі з высокай роляй рэзэрвістаў і сістэмай прафэсійнага навучаньня. Усе ваенныя дамовы і блокі з Расеяй, заключаныя нелегітымным антыбеларускім рэжымам і падпісанымі нелегітымным Лукашэнкам, прызнаюцца несапраўднымі і спыняюць сваё дзеяньне. Акрамя таго. Беларусь павінна імкнуцца стаць па-за блокавым ваенным саюзьнікам Амэрыкі і супрацоўнічаць з ЗША ў вайсковай сфэры. Далей. Найвялікшай ваеннай і экзыстэнцыяльнай небясьпекай для нацыі трэба прызнаць ірацыянальныя мэтады інфармацыйнай вайны, пагрунтаванай на хлусьні і тэхналёгіях ірацыянальнага ўзьдзеяньня на псіхіку людзей пры дапамозе электронных сродкаў масавай інфармацыі. Дзеля вядзеньня псіхічнага замбаваньня і інфармацыйнага ашуканцтва людзей расейцы стварылі ў гэтым годзе пры сваім войску цэлы вайсковы аддзел, які будзе прафэсійна займацца ўсімі відамі хлусьні і прапаганды. Асаблівай часткай гэтага чартоўскага аддзела стала падрыхтоўка прафэсійных бесаў (троляў), задача якіх – гадзіць у Інтэрнэце ў камэнтарах да розных тэмаў. Дзейнасьць гэтага аддзела, відаць, распаўсюджана на ўсю Эўропу, бо заўважана, што ў польскім Інтэрнэце, і нават у чэшскім, павялічылася колькасьць камэнтароў выразна гэбісцкага кшталту, накіраваных супраць Украіны. Дзеля засьцярогі ад гэтай зброі прапагандысцкай хлусьні, якая ў цэлым і ў асобных выпадках выяўляецца як злачынства супраць чалавецтва, неабходныя наступныя захады: Змаганьне ўкраінцаў з рускай агрэсіяй пацьвердзіла, што заходняя Эўропа ёсьць хісткім і няпэўным саюзьнікам у справе барацьбы за свабоду і дэмакратыю. Ваенная сытуацыя таксама паказала, што Украіна і Беларусь павінны быць найбліжэйшымі саюзьнікамі перад абліччам рускага імпэрыялізму. Да гэтага тандэму аб’ектыўна прыхіляюцца балтыйскія краіны, Малдова і Грузія. Пасьля распаду Расеі (а ён можа пачацца ўжо ў 2015 годзе) і пасьля частковага распаду Эўразьвязу (выкліканага распадам Расеі) гэтыя краіны могуць запачаткаваць тое, пра што мы ўжо нагадваем чвэрць стагоддзя – новую Усходнюю Эўропу альбо Балта-Чарнаморскую Супольнасьць (асацыяцыю краін). Пра ролю гэтага геапалітычнага ўтварэньня ў Эўропе і ў сьвеце я ўжо шмат пісаў. Таму на гэтым спынюся, адзначыўшы, што магчымасьць БЧС зноў можа стаць актуальнай, усьведамляючы працэсы, якія цяпер адбываюцца. Нарэшце, агульную выснову, якую трэба зрабіць, назіраючы падзеі і вынікі падзеяў, гэта тое, я б сказаў, катэгарычнае ўсьведамленьне, што Украіне і ўкраінцам трэба дапамагаць у іхняй справядлівай барацьбе з рускай агрэсіяй і рускім фашызмам. Прытым гэта тычыцца ня толькі нас, беларусаў, але і ўсёй Эўропы, бо рускі фашызм – пагроза для ўсіх. Падкрэсьлю яшчэ раз, што тыя магчымасьці і задачы, якія я тут апісаў, цалкам ажыцьцявіць можна б было толькі ў вольнай Беларусі. Тым часам ліквідацыя антыбеларускага рэжыму рэальна верагоднай была б разам з ліквідацыяй пуцінскай Расеі, ці хаця б пуцінскай гэбоўскай улады ў Расеі і разам з дэзыінтэграцыяй гэтай штучнай імпэрскай дзяржавы. Дзеля гэтага трэба аб’яднаць усе намаганьні Беларусі, Украіны, Азіі і Эўропы і змагацца, колькі б часу тое змаганьне ні заняло. Перамога над агрэсіўнай імпэрыяй зла жыцьцёва важная дзеля міру і шчасьця ў вольных краінах і ва ўсім сьвеце. 5 жніўня 2014 г. Зянон ПАЗЬНЯК 8/8/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF) Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека галоўнае для беларусаў, а незалежнасьць і свабода, бо не бывае правоў чалавека пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры: |
Беларуская Салідарнасьць // 20002024 |