Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ПАДТРЫМАЦЬ ЗМАГАНЬНЕ СУПРАЦЬ ЗЛАЧЫННАЙ ПАЛІТЫКІ МАСКВЫ (Ліпеньскі Сойм 2014 г. Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”) 13 ліпеня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”. З дакладамі выступілі сп. Юры Беленькі, выканаўца ў Беларусі абавязкаў старшыні Партыі і Фронту, і сп. Валеры Буйвал, сакратар Управы Сойму. Выступоўцы прааналізавалі прычыны даволі шырокага ўзьдзеяньня на нашае грамадзтва агалцелай і хлусьлівай маскоўскай прапаганды. Галоўнай прычынай зьяўляецца шматгадовая разбуральная русіфікацыя беларускага грамадзтва, разбурэньне нацыянальнай культуры, школьніцтва і мовы. Людзі, гвалтоўна пазбаўленыя духоўнай арыентацыі, рэагуюць неадэкватна на падзеі рэчаіснасьці. Здаецца дзіўным і незразумелым, як многія тысячы дарослых людзей могуць верыць маскоўскай гёбельсаўшчыне, якая хлусіла і падманвала заўсёды, ва ўсе пэрыяды існаваньня імпэрыі. Адказнасьцю беларускіх патрыётаў ёсьць данясеньне праўды аб падзеях ва Украіне. Неабходна таксама давесьці нашаму грамадзтву інфармацыю пра крымінальныя планы Масквы па выкарыстаньні ў вайне супраць Украіны нашай дзяржаўнай тэрыторыі, беларускай арміі і нашых нацыянальных рэсурсаў. Нельга дапусьціць, каб антыўкраінская гістэрыя сталася грунтам для ўцягваньня нашага народу ў злачынную вайну супраць братняй Украіны. Выступілі сябры Сойму з розных рэгіёнаў краіны. Яны распавялі пра дзейнасьць агентуры рэжыму на ўсіх сацыяльных узроўнях. “Толькі б у нас не было Майдана!” – гукаюць аднолькавы тэкст у грамадзкіх месцах розныя гаварлівыя асобы. Потым яны распавядаюць “пра страшнае, што творыцца на Украіне”. Заўважна, што прамаскоўскаму рэжыму мала бруднай хлусьні, што льецца з расейскіх тэлеканалаў. Задзейнічаны шматлікія рэзэрвы аплочанай і кіруемай агентуры, якая культывуе нянавісьць да рэвалюцыйнага ўкраінскага народу і ягонага змаганьня за волю і незалежнасьць ад Масквы, апраўдвае і ўсхваляе імпэрскую агрэсію. Гэта ёсьць больш, чым ідэалагічны ўплыў. Гэта ёсьць гвалтоўная апрацоўка, “прамываньне мазгоў” з канкрэтнай мэтай – падрыхтаваць беларускае грамадзтва да ўдзелу ў расейскай ваеннай агрэсіі супраць Украіны. Трэба ўсімі сіламі супраціўляцца гэтай злачыннай палітыцы. Сойм таксама разгледзеў планы партыйнай дзейнасьці на бліжэйшы пэрыяд. Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне” 15/7/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
