Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Абаронцы Беларусі, не ваюйце супраць украінцаў!

(Зварот)

Братні ўкраінскі народ зьдзейсьніў народную рэвалюцыю і вызваліўся ад крымінальнага прамаскоўскага рэжыму Януковіча. Україна праходзіць цяжкі этап рэформаў і станаўленьня дэмакратычнага ладу. Дэмакратычныя сілы ўсяго сьвету вітаюць і падтрымліваюць цывілізацыйны выбар украінскага народу. Толькі імпэрская Расея, якая прыгнятае народы на ўласнай тэрыторыі, робіць усё для таго, каб спыніць дэмакратычнае разьвіцьцё Украіны, падпарадкаваць украінскую дзяржаву і ўрэшце захапіць і ліквідаваць яе. Захоп украінскай тэрыторыі, канцэнтрацыя расейскіх войскаў на яе дзяржаўных межах з мэтай разгортваньня паўнамаштабнага ваеннага ўварваньня, правакацыі на тэрыторыі Украіны – усё гэта зьяўляецца грубым парушэньнем міжнародных законаў дзяржаўнага суіснаваньня і актам ваеннай агрэсіі з боку Расеі супраць сувэрэннай Украіны.

Ня выключана, што імпэрская Масква паспрабуе выкарыстаць рэжым унутранай акупацыі ў Беларусі і антызаконную залежнасьць нашай краіны ад сваёй шалёнай захопніцкай палітыкі. Цалкам магчыма, што Крэмль захоча выкарыстаць Узброеныя Сілы Беларусі, нашых афіцэраў і жаўнераў у ваеннай агрэсіі ва Украіне. Нельга дапусьціць, каб чужая імпэрская авантура абярнулася гібельлю і пакутамі тысячаў беларускіх і ўкраінскіх вайскоўцаў.
Украінскі народ, украінская армія гатовыя даць адлуп маскоўскаму агрэсару. Калі імпэрыя зла пасунецца са сваёй ваеншчынай на ўкраінскую зямлю, то яна знойдзе там сябе магілу. Нельга дапусьціць, каб беларускія вайскоўцы патрапілі ў гэты крывавы разлом. Нельга страляць ў братоў-украінцаў. Яны бароняць сваю Радзіму. Нельга дапамагаць агрэсару – ён падпальшчык вайны. Дапамагаць можна абаронцам Айчыны. Гэта маральны і правільны выбар.
Абаронцы Беларусі, не ваюйце супраць украінцаў! Беларусы, не дапусьцім уцягваньня нашай краіны ў злачынную вайну супраць братняй Украіны!

Х Зьезд КХП-БНФ
г. Менск, 27 красавіка 2014 г.

28/4/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2014
П А С Ч П С Н
« Сак   Тра »
 123456
78910111213
14151617181920
21222324252627
282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024