Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Байкот расейскіх тавараў на Украіне Грамадзяне Украіны падхопліваюць ініцыятыву байкатаваньня расейскіх тавараў з прычыны агрэсіі Расеі супраць нашай краіны і “абрасейшчваньня” Крыма. Адпаведныя заклікі і зьвесткі пра зробленае ў гэтым накірунку пашыраюць украінцы ў сацсетках. У Львове ўжо амаль месяц удзельнікі грамадзкай ініцыятывы “Байкот расейскіх тавараў” пашыраюць улёткі зь пералікам расейскіх брэндаў і заклікаюць людзей не купляць расейскія тавары, каб фінансава не падтрымліваць акупантаў, перадае “Радіо Свобода”. Штрых-коды “46” львавяне ўжо ведаюць і ўважліва разглядаюць той ці іншы тавар, а шмат хто на закупах мае з сабою ўлётку зь пералікам расейскіх гандлёвых брэндаў. Людзі цікавяцца ня толькі штрых-кодам, але й краінай-вытворцай, бо тавары расейскай вытворчасьці могуць хавацца пад рознымі кодамі, у прыватнасьці й украінскім. Некаторыя купляюць нават тавар горшай якасьці, абы толькі не расейскі. Паводле ацэнак спэцыялістаў, у Львове за амаль месяц акцыі продаж расейскіх тавараў упаў на 40-50%. Грамадзкая ініцыятыва аб’яднала звыш за 5 тысячаў людзей, галоўнай мэтай якіх зьяўляецца інфармаваньне насельніцтва, заявіў адзін з каардынатараў ініцыятыўнай групы Алег Радык. “Людзі недаацэньвалі, колькі расейскага ў нас прадаецца, нават падумаць не маглі. Мы друкуем улёткі за ўласныя кошты, папрасілі іх у нас з Лісічанска і туды перадамо”, — сказаў ён. “Нас непакоіць тое, што фірмы “Нэскафэ” і “Нэстле” купляюць сыравіну ў Расеі, хаця побач ёсьць Польшча. Мы зьвярнуліся з лістамі ў гэтыя кампаніі. Цяжка працаваць з аптэкамі і вялікімі супэрмаркэтамі, апошнія ня ведаюць, хто ёсьць уласьнікам. Бо гэта ўсё на афшорах”, — зазначыў Радык. “Шмат расейскіх тавараў каля касаў, за гэта гандлёвая сетка дадаткова плаціць супэрмаркэту. У Львове задача адна – тут не павінна быць расейскіх тавараў, але чым далей ва ўсходнія вобласьці Украіны, тым гэта будзе больш праблематычна”, — заяўляе ён. Актывісты плануюць патрабаваць ад львоўскай улады адмовіцца ад намеру супрацоўніцтва з расейскім пашукавіком “Яндэкс-Україна”. Не засталіся па-за ўвагай і банкаўскія ўстановы. Актывісты наклейваюць на памяшканьнях “Сбербанка Россіі” у Львове улёткі “Банк акупанта. Ніякіх укладаў ворагу!” “Зразумела, што налепкі больш за 20-30 хвілінаў не вісяць, іх адразу зьдзіраюць. Але людзі забіраюць свае ўклады”, — распавёў адзін з актывістаў Андрій Ражнятоўскі і дадаў: “Нашая акцыя мірная, мы толькі інфармуем”. Актывісты не дапускаюць правакацый і марадзёрства. 4.04.2014 Пераклад з украінскай. Крыніца: газэта “Украінська правда” 10/4/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
