Bielarus.net › Беларуская Салідарнасьць » Людзі бачаць корань зла

Людзі бачаць корань зла

(Студзеньскі Сойм Беларускага Народнага Фронту “Адраджэньне”
і Кансэрватыўна-Хрысьціянскай Партыі – БНФ)

12 студзеня сёлета ў Менску адбыўся чарговы Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ. Сойм заслухаў даклад сп. Зянона Пазьняка, Старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ – “Накірунак на альтэрнатыву”. З дакладамі выступілі сп. Юры Беленькі, выканаўца абавязкаў у Беларусі старшыні Фронту і Партыі, сп. Сяргей Папкоў, намесьнік старшыні Фронту і Партыі, і сп. Уладзімер Раманцоў, сябра Сойму Фронту і Партыі.
Яны зрабілі аналіз сытуацыі, што склалася ў Беларусі. Шматмільённыя масы беларускіх людзей убачылі, што ў нашай краіне валадарыць чужы, акупацыйны рэжым. Беларусы маўчаць, яны сьціснулі зубы – але яны разумеюць усё. Наш народ углядаецца ў тое, што вырабляюць акупанцкія структуры на нашай тэрыторыі, наш народ робіць высновы – Бацькаўшчына ў небясьпецы! Задача фронтаўскай эліты палягае ў тым, каб накіраваць памкненьне да нацыянальна-дзяржаўнага вызваленьня ў цывілізаваныя формы. Людзі ўбачылі корань нашай нацыянальнай бяды – дзейнасьць чужой усходняй імпэрыі. Беларусы энтузіястычна ўспрынялі падзеі ў братняй Украіне – там адбываецца важны этап вызваленьня ад Імпэрыі маскоўскага зла. Беларусы вітаюць актыўнасьць украінцаў у справе лівікдацыі ленінснкіх манумэнтаў. Хрысьціянская краіна павінна вызваляцца ад манумэнтальных знакаў чужынскай акупацыі і маскоўскага сатанізма.

Выступілі таксама сябры Сойму з розных рэгіёнаў краіны. Яны распавялі пра калапс сістэмы аховы здароўя па ўсёй нашай краіне. Маладзейшыя лекары звальняюцца з прафэсіі, якая не аплочваецца рэжымам і ўцякаюць. У той жа час (абсурд!) тэрыторыя Беларусі становіцца прывабнай для грамадзянаў Расеі. Тысячы расейскіх грамадзянаў з Масквы, Пецярбурга, Мурманска, Архангельска і іншых месцаў скупляюць дамы і кватэры ў нашых гарадах і мястэчках. Яны ня крыюцца з тым, што рыхтуюць сябе ня проста “дачныя ўчасткі”, але “логово на всякій случай”. Яны спадзяюцца ратавацца ў гэтых беларускіх дамах у выпадку нейкага сацыяльна-палітычнага катаклізма ў Расеі. Што ж, цікавыя працэсы.
Былі абмеркаваныя планы партыйнай працы на бліжэйшы пэрыяд.

Інфармацыйная камісія Беларускага Народнага Фронту
“Адраджэньне” і Кансэрватыўна-Хрысьціянскай Партыі – БНФ
12 студзеня 2014 г.

13/1/2014 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: