Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Лукашысцкае міністэрства куражыцца

Разумныя людзі казалі спадарам з “Арт-сядзібы”, каб яны нікуды не зьвярталіся з сваёй пэтыцыяй. Але тыя не паслухалі пад распаўсюджаным прэтэкстам: “ведь надо что-то делать…” Вось і атрымаўся чарговы абсурд. Ініцыятары зьвярнуліся ў мінкультуры акупанцкага антыбеларускага рэжыму з просьбай “надаць статус гісторыка-культурнай каштоўнасьці бел-чырвона-беламу сьцягу, які ў 1991-95 гады быў дзяржаўным сымвалам нашай краіны”. Заява была напісана ў амаль пасіянарным стылі, пра яе шмат паведамлялі “дэмСМІ РБ” як пра амаль гераічны ўчынак. А скончылася ўсё, як і трэба было чакаць, пшыкам. Мінкультуры РБ адказаў заяўнікам, што трэба знайсьці арыгінал палотнішча, якое вісела ў 1991 г. у Вярхоўным Савеце РБ – вось яго яны возьмуць на разгляд у якасьці “гістарычнай каштоўнасьці”.

Калі б такі адказ напісалі вэтэрынары або інжынеры цепласетак, то можна было б спаслацца на тое, што афіцыйныя прадстаўнікі ня маюць дастатковай гуманітарнай адукацыі і таму не адрозьніваюць наміналізм ад рэалізма, сымвал ад музэйнага артэфакта. Але адказ напісалі асобы, якія з поўным правам прэтэндуюць на амплуа “знаўцаў”. У іх там ёсьць і адпаведныя дыпломы і пасьведчаньні пра кваліфікацыі і г.д. І вось жа яны “прыкідваюцца венікамі” ды выдаюць абсурдны тэкст-адказ, а самы сьмяюцца ў сваіх кабінэтах: “Вот как мы постебались с этих белоруссов!..” Немагчыма пазбавіцца ад уражаньня, што так яно з самага пачатку і было задумана.

Урад БНР, генэрал С. Булак-Балаховіч і пазьней Рада БНР не зьвярталіся да бальшавікоў з заявай на прызнаньне нашага сьвятога Сьцяга нейкай “каштоўнасьцю”. Для беларускіх патрыётаў гэты Сьцяг зьяўляецца сьвятыняй, каштоўнасьцю і сымвалам абсалютна незалежна ад афіцыйнага прызнаньня, асабліва ад прызнаньня з боку ненавісьнікаў усяго беларускага. Амэрыканцы не прасілі Лёндан прызнаць нечым свой “зорна-паласаты” Сьцяг, яны змагаліся пад ім за вызваленьне ад каланіяльнай залежнасьці. Першыя хрысьціяне не пасылалі праект Сьвятога Крыжа на зацьвярджэньне Нэрону і Калігуле… Але падобна, што для мясцовых «энтузіястаў» гэтыя аргуманты – не аргуманты. Яны так прызвычаены.

Мірон даказаў нам, як трэба шанаваць наш Сьцяг. Гэта даказалі і даказваюць многія тысячы людзей, якія ўздымалі і ўздымаюць Сьцяг на грамадзкіх і палітычных мерапрыемствах, на рэлігійных шэсьцях. Таму што Бел-Чырвона-Белы Сьцяг ёсьць сымвалам нашага змаганьня за волю і знакам нашай перамогі над акупантамі.

Сяргей Камароўскі

3/1/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2014
П А С Ч П С Н
« Сьн   Люты »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024