Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон ПАЗЬНЯК: БЕЛАРУСКАЯ ЗБРОЯ Ў БАРАЦЬБЕ ЗА СЯБЕ

(Выступ на лістападаўскім 2013 г.
Сойме КХП-БНФ і БНФ “Адраджэньне”)

За апошні час адбылося шмат падзей, выказана шмат думак і ідэй, якія закранаюць асновы нашага народнага існаваньня.

Найперш спынюся на галоўнай падзеі апошняга часу – на забойстве турэмнымі службамі рэжыму маладога чалавека ў ізалятары часовага ўтрыманьня. Быў забіты 21-гадовы юнак Ігар Пцічкін, які не зрабіў ніякага злачынства, не займаўся палітыкай, не выступаў супраць вусатага рэжыму. Яго асудзілі на тры месяцы за парушэньне правілаў дарожнага руху – язду без правоў – і праз чатыры дні забілі ў СІЗА ў выніку жорсткасьці антычалавечай турэмнай сістэмы.

Антычалавечы рэжым цяпер хоча схаваць гэтае чарговае забойства чалавека і ўжывае рэпрэсіі супраць сваякоў, праваабаронцаў і сяброў забітага, якія пратэстуюць, патрабуюць рассьледваньня, суду і пакараньня забойцаў. Але замест пакараньня забойцаў, рэжым схапіў маці забітага і праваабаронцу і пачаў судзіць іх за патрабаваньні асудзіць злачынцаў.

Вось гэта і ёсьць антыбеларускі акупацыйны рэжым і акупацыйная палітыка, тыповыя адносіны да акупаванага насельніцтва. Беларус, беларускі чалавек для акупацыйнага рэжыму ёсьць ніхто і нішто. І няважна якога ўзроўню гэты беларус: ці ён просты чалавек Ігар Пцічкін, ці гэта вялікі пісьменьнік, знаны акадэмік, гонар нацыі. Для акупантаў не існуе гонару. Чужы гонар яны нішчаць. Ён для іх нішто. Так было арганізаванае рэжымам зьбіцьцё паважаных знакавых асобаў Беларусі – акадэміка Радзіма Гарэцкага, Адама Мальдзіса, Юрыя Хашчавацкага, Валерыя Мазынскага, Юрыя Беленькага, затачэньне ў турму мастака Аляксея Марачкіна, паэта Ўладзімера Някляева і інш. Грамадзтва выцерлася і змаўчала.
Антыбеларускі рэжым Лукашэнкі, будучы па сваёй прыродзе маскоўска-гэбісцкім, паўтарае тыповыя паводзіны гітлерскага акупацыйнага рэжыму на Беларусі. Акупаванае насельніцтва ў немцаў было непадзельным. Ніякія заслугі і ўзроўні акупаваных людзей для немцаў ня мелі значэньня. Усе былі “унтэрмэншы”. Для ўсіх аднолькавы рэжым, аднолькавая куля, пятля і газавая камэра. І калі сярод немцаў зьяўляўся які-небудзь наватар тыпу Вільгэльма Кубэ, які пачынаў цаніць культуру і прафэсіяналізм “недачалавекаў”, каб скарыстаць іх на службу Райху, то яго забівалі, як белую варону ў чорнай зграі.

Дакладна такая псіхалогія і справы ў антыбеларускім рэжыме пад кіраўніцтвам Лукашэнкі. Тут усе нармальныя людзі, што патрапілі ў лукашысцкія камэры, ёсьць палітычнымі пакутнікамі Беларусі. Бо яны “вінаватыя” у тым, што яны маладыя, як Ігар Пцічкін, што яны справядлівыя, як Мікола Аўтуховіч, што яны патрыятычныя, як Сяргей Каваленка, што яны звычайныя беларусы, якія маюць годнасьць і не схіляюцца перад паскудствам.

І такіх беларусаў шмат. Яны вырастаюць і ўздымаюць галаву. Ніколі ня будуць забытыя ахвяры і пакуты нашых простых людзей. Усё пераменіцца. І тады – забойцы і злачынцы будуць пакараныя і адкажуць за ўсё.

х х х

Другая тэма, на якой я хачу засяродзіцца, — гэта тыя ідэі абароны нашай мовы, якія агучыў у час адзначэньня Дзядоў Юры Адамавіч Беленькі. Беларуская нацыя трымаецца на беларускай мове і на гісторыі Вялікага Княства Літоўскага. Таму мова ёсьць галоўным пытаньнем нашай абароны і галоўнай задачай зьнішчэньня з боку маскоўскіх ворагаў чалавецтва. Істэрыка агентуры пасьля выступу Юры Беленькага ўскосна ўсё тое пацьвярджае.

Беларуская мова ёсьць наша ўсеагульная нацыянальная каштоўнасьць незалежна ад палітычных і сацыяльных падзелаў. Мова аб’ядноўвае ўсіх нас, беларусаў, усю нацыю.

Адначасна наша беларуская мова ёсьць наймагутнейшая зброя ў змаганьні з антыбеларускім рэжымам, зарукай перамогі над ім, чыньнікам нашай сьветлай будучыні. Гэтай зброяй-мовай можа карыстацца кожны беларус. Дастаткова толькі пачаць усюды ў сваёй краіне на ёй гаварыць і пісаць. Рэжым адразу стане панікаваць, курчыцца, пачне палохаць, перасьледваць, забараняць. Ня трэба баяцца. Бо мова – гэта такая зброя, перад якой рэжым бяссільны. Толькі трэба за зброю ўзяцца.

Для шмат якіх ужо зрусіфікаваных па мове беларусаў такое рашэньне будзе няпростым і нават нялёгкім. Але не бяда. Пачынайма ад самага простага – пасылаем нашых дзяцей у беларускую школу. Паверце, што будзе, як напісана, — дзеці дапамогуць бацькам і адродзяць моўную Беларусь. Трэба толькі спрыяць нацыянальнаму беларускаму навучаньню. А дзе ўжо нішчыцелі пазачынялі і ліквідавалі беларускія школы, патрабуйце іх адчыніць і адначасна мусіць быць патрабаваньне, каб вышэйшая і спэцыяльная прафэсійная адукацыя таксама была беларускай. Дзеці мусяць мець магчымасьць вучыцца далей.

У нас, у беларусах, у нашым грамадзтве дрэмле вялікая нацыянальна-культурная сіла, якую трэба разьняволіць і даць ёй дарогу.
У пачатку 90-х, калі стаяла задача хуткай пабудовы незалежнай беларускай дзяржавы, галоўную ўвагу Народны Фронт канцэнтраваў на эканоміцы, фінансах, банкаўскай сістэме, нацыянальным войску, нацыянальнай валюце, межах, міжнароднай палітыцы, вольных сродках масавай інфармацыі і на беларускай школе і адукацыі. Канцэпцыя БНФ адраджэньня мовы, беларускай школы і адукацыі выдатна апраўдала сябе нават у тых умовах. Быў рэалізаваны спакойны вольны падыход. Грамадзтва само імкнулася да беларускай мовы і адукацыі. Справа ішла спрыяльна, няцяжка і з прыхільнасьцю. І ўжо праз тры гады дала добрыя вынікі.

Цяпер маскоўская агентура аж шалее, каб усё тое абпляваць, прыдумвае фантастычныя прапагандысцкія небыліцы, на якія нават было няёмка рэагаваць. Такая ўжо гэта прымітыўная гёбэльсаўшчына пра “чамаданы на вакзале” ды пра тое, як беларусы “душылі рускіх”. Не душылі, бо рускія самы ішлі ў беларускія школы і бачылі сябе інтэграванымі ў Рэспубліку Беларусь.

У плане працы Ценявога Кабінэту я падсумаваў некаторыя тэзісы нашай фронтаўскай моўнай палітыкі, якія, на маю думку, варта будзе ажыцьцяўляць пасьля ліквідацыі антыбеларускага рэжыму. Пры ўмове, вядома, што беларускае нацыянальна-дэмакратычнае Адраджэньне будзе мець магчымасьць прысутнічаць ва ўладзе і ўплываць на палітыку беларускай дэмакратычнай дзяржавы. Гэтыя тэзісы адлюстраваны ў артыкуле “Вяртаньне мовы і свабоды”, які тут публікуецца.

Зянон ПАЗЬНЯК
Старшыня Беларускага Народнага Фронту “Адраджэньне”
і Кансэрватыўна-Хрысьціянскай Партыі – БНФ

17 лістапада 2013 г.

18/11/2013 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2013
П А С Ч П С Н
« Кас   Сьн »
 123
45678910
11121314151617
18192021222324
252627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024