Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Ўсе разумеюць фальшывасьць дзеі

12 чэрвеня латвійская газэта “Diena” апублікавала артыкул пад тытулам “Пуцін абраны лідэрам руху Народны фронт – за Расею”. Вось гэты артыкул:

Расейскі прэзыдэнт Уладзімір Пуцін стаўся лідэрам заснаванага ў сераду ў Маскве руху “Народны фронт – за Расею”. Кандыдатура Пуціна на пасаду лідэра была зацьверджана без галасаваньня пасьля таго, як аўдыторыя пачала хорам скандаваць: “Пуцін, Пуцін!”

“Мы сёньня зрабілі тое, пра што многія, якія знаходзяцца ў гэтай зале, казалі і прапанавалі, а канкрэтна – не забыцца на гэтую інстытуцыю як толькі перадвыбарчую, але зрабіць яе самастойна працуючай інстытуцыяй”, — сказаў Пуцін.

Яшчэ напярэдадні кангрэс зацьвердзіў статут і маніфэст руху, а таксама дэкларацыю сябра фронту. Тады ж удзельнікі кангрэса вырашылі, што арганізацыя, датыхчасовая назва якой была Усерасейскі Народны фронт, надалей будзе працаваць пад новай назвай – “Народны фронт – за Расею”.
Заснавальнікамі арганізацыі сталіся 480 чалавек. Як сказаў прадстаўнік арганізацыі, сярод іх ёсьць “студэнты, дабравольцы, спартоўцы, выкладчыкі, прадпрымальнікі, прадстаўнікі СМІ, групы экспэртаў і прадстаўнікі палітычных партый”.

На пачатку адзін з ідэолагаў руху Дзімітры Бадоўскі сказаў, што фронт плануецца накіраваць на сацыяльную мэту – “не віртуальную, а рэальную”. “Адна з функцый – разы два-тры паціснуўшы рукі, кожны грамадзянін зможа дайсьці да прэзыдэнта. І калі фронт пачне працаваць так, тады сапраўды будзе вынік, і мы ўсе за гэта”, — сказаў Бадоўскі.

LETA/LENTA.RU

(Пераклаў з латышскай В. Буйвал)

Крыніца:
www.diena.lv/pasaule/putins-izraudzits-par-kustibas-tautas-fronte-par-krieviju-lideri-14012086

Вось цікава, усе, абсалютна ўсе разумеюць пацешную віртуальнасьць гэтай манумэнтальнай дзеі: расейскія і эўрапейскія СМІ, маскоўскае грамадзтва, удзельнікі кангрэсу і сам Пуцін. Але апошнія даволі дысцыплінавана і нават крыху “с огоньком” выконваюць свае сцэнарныя ролі. Камэдыя працягваецца. Успамінаюцца бессьмяротныя фільмы Гайдая. Казка сталася быльлю. Вось як бывае ў Маскве.

Хаця такое здаралася ў сярэднявечнай Маскве і на поўным сур’ёзе. Тады таксама часам абіралі на царства паводле схемы “хто каго перакрычыць”. Так, напрыклад, абралі маладога Пятра І. Змоўшчыкам паступіла каманда: “Хто будзе крычаць за Соф’ю, біце іх нажамі…”

У Пуціна ўсё абышлося. Заранёў падабралі падстаўных грамадзянаў ад розных сацыяльных груп і нават не зьвярнулі ўвагі на праклёны, што пасылала ў іхны бок маніфэстацыя начале з “лідэрам апазыцыі” Навальным. Усё было нават у даўнім цэкоўскім стылю – “адзінагалосна”.

На наш погляд, кола замкнулася. Цяпер усім ужо зразумела, што фальш і мана зрабіліся нормай існаваньня імпэрыі ва ўсіх яе праявах, у тым ліку ва ўладзе і ў “апазыцыі”. Гэты збочаны стан сацыяльна-дзяржаўнага арганізма можа праіснаваць даволі доўга. Пра гэта ёсьць гістарычныя сьведчаньні з Афрыкі і нават з Румыніі. Але Масква – не Бухарэст, Пуцін – не Чаўшэску. Маштабы зусім іншыя і падобна, што шэраг народаў імпэрыі не зьбіраюцца чакаць, пакуль у Маскве ўсё канчаткова згніе і заблытаецца ў мане. Ёсьць яшчэ адзін правераны гістарычнай практыкай аспэкт. Хворая сістэма не вытрымае сур’ёзных палітычных і эканамічных катаклізмаў, яна паваліцца. Толькі ня трэба параўноўваць з эпохай Сталіна і ВОВ. Тады мільёны савецкіх людзей сапраўды верылі ў сталінскі фальшывы ідэал і гатовыя былі ісьці за яго на змаганьне і сьмерць. Цяпер такіх жадаючых ахвяравацца за гэбізм-пуцінізм (без заробку і кар’еры) ня знойдзецца і дзесятка асобаў.

Хворы арганізм настойліва пранікае на беларускую зямлю, імкнецца захапіць, зьнішчыць, падмяць усё жывое і беларускае. Трэба ўсім народам бараніць роднае, сьвятое ад псіхапатычных ненавісьнікаў, якія сваю Расею ўжо ператварылі ў паноптыкум.

Сымон Рудзік

15/6/2013 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Чэрвень 2013
П А С Ч П С Н
« Тра   Ліп »
 12
3456789
10111213141516
17181920212223
24252627282930

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024