Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон Пазьняк: Чарнобыль за намі, чарнобыль перад намі

Паважаныя землякі-беларусы, паважаныя фронтаўцы!
Сёлета споўнілася 27-я гадавіна Чарнобыльскай катастрофы. Тады, у 80-х і 90-х гадах, нам, фронтаўцам, удалося зрабіць шмат, зьняць завесу злачыннай сакрэтнасьці і ўзьняць чарнобыльскае пытаньне на дзяржаўны і нацыянальны ўзровень, удалося вывесьці грамадзтва на шлях выратаваньня ад радыяцыі.

Цяпер, калі на нашу зямлю апусьцілася цемра, гэты шлях затаптаны, грамадзтва адкінута на ўзровень 1988 года, і людзі (чаго раней не было) пагаджаюцца са сьмерцю, якую ім ужо падрыхтавалі ворагі Беларусі.

Прычына – акупацыйная палітыка ўладнага рэжыму. Нешматлікасьць беларускай адраджэнскай эліты і нікчэмнасьць здэнацыяналізаванай інтэлігенцыі далі магчымасьць разьвівацца антыбеларускай палітыцы, спраектаванай у Маскве. Працяг Чарнобыля нам рыхтуюць у Астраўцы. Цяпер асноўная беларуская сіла барацьбы з Чарнобылем павінна быць накіравана на Астравец. Тыя, хто будуюць там атамную станцыю, тыя яе і ўзарвуць. Астраўца нацыя ўжо не перажыве. Будзе зьнішчана нават Вільня. Толькі круглыя дурні і самагубцы, якія не разумеюць што такое Расея і атамная электрастанцыя, могуць супакойвацца тады, калі ўсёй нацыі рыхтуюць атамную катастрофу.

Мы ўсё разумеем. Заўважце, што за апошнія восем гадоў акупацыйныя антыбеларускія ўлады не далі нашай Партыі ніводнага дазволу (акрамя “Дзядоў”) на адзначэньне знакавых падзей беларускай гісторыі. Гэта сымптаматычна. І мы ведаем чаму яны так робяць. Таму мацуйма нашы сілы і дзейнічаем паралельна.

Усім нам зразумела, што каб збавіцца ад Чарнобылю, ёсьць толькі адзін шлях – ліквідацыя антыбеларускага рэжыму. Гэтаму пасьвечана наша дзейнасьць і наша змаганьне.

Слава Беларусі!

Зянон Пазьняк
Старшыня Беларускага Народнага Фронту “Адрадэньне”
і Кансэрватыўна-Хрысьціянскай Партыі – БНФ

26 красавіка 2013 г.

28/4/2013 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2013
П А С Ч П С Н
« Сак   Тра »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024