Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Нікчэмныя справы, нікчэмныя паводзіны Мы ўжо паведамлялі пра сустрэчу маскоўскага госьця Б. Нямцова з менскім дзеячам псэўдаапазыцыі А. Лябедзькам у офісе АГП. Яны там гаманелі на розныя тэмы і падпісалі паперу пра супрацоўніцтва. Беларусы паслухалі гэтую слоўную плынь і распавялі нам пра выразны эпізод зь менскім дзеячом. Публіка задавала пытаньні Нямцову. Раптам нехта з прысутных спытаў яго: “Сп. Нямцоў, а Вы ведаеце пра Курапаты?” Той рота не пасьпеў адкрыць, як зь месца сарваўся Лябедзька і пранізьліва закрычаў: “Это неактуально!..” А прысутныя заўважылі, як Нямцоў у сваім нататніку занатаваў – “Куропаты”. На гэтым эпізод скончыўся. Трэба нагадаць, што згаданага Лябедзьку мы аніразу ніколі ня бачылі ў Курапатах. Ён бы можа і засьвяціўся там дзеля піяру. Але баіцца, што беларусы могуць злавіць яго і выказаць яму ўсё, што думаюць пра ягоную асобу і дзейнасьць. Хаця, праўда, яго бачылі аднойчы за 700 мэтраў ад Курапатаў, на абвадной дарозе. Гэта было 8 лістапада 2001 г., калі рэжым кінуў у наступ на нашую сьвятыню бульдозэры і амонаўскія шыхты. Ужо раніцай таго дня былі захоплены і вывезены на судзілішчы рэжыму амаль усе патрыёты-фронтаўцы, якія баранілі сьвятыню. Раптам амоны і журналісты сарваліся з месца і пабеглі гуртом па кальцавой дарозе ў бок горада. Потым былі апублікаваны здымкі “гераічнай акцыі”. Купка нейкіх маладзёнаў начале з З. Бандарэнкам і А. Лябедзькам робіць выгляд, што штурхаецца з амонамі, махае рукамі і нешта крычыць. Менавіта гэтыя здымкі абышлі тады ўсе “дэмСМІ”. Фотаздымкі пра сапраўдных абаронцаў сьвятыні “дэмСМІ” неяк “забыліся” апублікаваць. Фальшыўка пратрымалася недзе год, цяпер яе ніхто не ўспамінае і не рэпрадукуе. Але абаронцы Курапатаў гэта памятаюць. “ДэмСМІ” пампезна і шматслоўна паведамляюць у гэтыя дні, як “лідары апазыцыі” езьдзяць па чарнобыльскіх раёнах. На фота бачна, як яны рытуальна фатаграфуюцца ў некалькіх месцах зоны. Сярод іх стаіць і герой заўчорашняга эпізода Лябедзька. Зьявілася нагода для чарговага пазёрства, якое ні да чаго не прымушае. Ян Булыга 28/4/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
