Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
(17-19.04.2013) Паверылі 17 красавіка 2013 г. латвійская газэта “Diena” апублікавала артыкул пад тытулам “Расея паведаміла, што зьнішчыла амаль 75% запасаў сваёй хімічнай зброі”. Наш камэнтар: Цікавая там журналістыка, верыць усяму. А калі б Расея заявіла, што зьнішчыла ўсю сваю хімію да апошняга патрона, ёй бы таксама паверылі? Алесь Хадасевіч “Працэс” – нібы чарговая піяр-акцыя 18 красавіка 2013 г. летувіская газэта “Kauno Diena” напісала пра чарговы “палітычны працэс” у Беларусі. КГБ РБ абвясьціла “экстрэмісцкім” фотаальбом “Прэс-фота Беларусі”. У Ашмянах адбываецца судовы працэс з удзелам трох фотажурналістаў. Наш камэнтар: Выглядае, быццам гэты “працэс” – нібы чарговая піяр-акцыя псэўдаапазыцыі і яе фотапрадукцыі. Ідзе запаўненьне інфармацыйнай прасторы рознай лухтой. Сапраўднай змагарнай, патрыятычнай, беларускай фотажурналістыкі ў Беларусі няма. Юрка Марозаў Ізноў ён нешта кажа 18 красавіка 2013 г. румынская газэта “Adevarul” напісала з Расеі. Прэм’ер Медведев заявіў, што абяцае прэмію таму, хто распрацуе адмысловы план – план па пераадоленьню залежнасьці расейскай эканомікі ад продажу сыравіны і па дывэрсіфікацыі эканомікі краіны. Наш камэнтар: Але спахапіліся! Мабыць справы ўжо зусім беспэрспэктыўныя. А ну, як ляснуць кошты на нафту? Алесь Хадасевіч У Аргентыне пратэсты 19 красавіка 2013 г. летувіская газэта “Lietuvos Rytas” паведаміла з Аргентыны. Там адзін мільён чалавек дэманстравалі супраць карупцыі ў краіне, яшчэ два мільёны пратэставалі ў правінцыйных гарадах. Газэта спасылаецца на расейскую агенцыю навінаў РІА-Новості. Наш камэнтар: Вось як пратэстуе аргентынскі народ супраць уладнай карупцыі пад кіраўніцтвам сапраўдных народных лідэраў. Няхай маскоўская РІА-Новості яшчэ раскажа пра “героя-антыкарупцыянэра” Навальнага, “ворага Пуціна нумар адзін”, які зьбірае па 400 чалавек у 12-мільённай Маскве. Бачна, дзе сапраўдны пратэст, а дзе падстаўныя “героі” і абыякавае насельніцтва. Алесь Хадасевіч Бяз Леніна ім не пражыць 19 красавіка 2013 г. румынская газэта “Evenimentul Zilei” апублікавала фотаграфію з паведамленьнем пра падрыхтоўку да сьвяткаваньня 143-угодкаў Леніна ў Расеі. На фота – рабочыя мыюць з брандсбойта каласальную статую Леніна ў Краснаярску. Чорны балван выглядае злавесна і адначасова кічава. Наш камэнтар: “Новая руская дэмакратыя” усё адмывае Леніна і ягоную хунту, хаця даўно ўжо прылюдна раскрыта, што яны масавыя забойцы і разбуральнікі цывілізацыі. Без Леніна гэбоўскай Расеі не пражыць ні дня. Юрка Марозаў Гэта нікому не цікава 19 красавіка 2013 г. чэшская газэта “Ceske Noviny” напісала пра выданьне ў Польшчы кнігі ўспамінаў дачкі генэрала Ярузэльскага Монікі. Яна напісала, як “тата быў заўсёды заняты на службе і думаў пра службовыя справы”, які ён быў “чалавечны” і г.д. Паднялася бура гнеўных водгукаў у Сеціве. Палякі праклінаюць Ярузэльскага і параўноўваюць кніжку з мэмуарамі дачкі Генрыха Гімлера. Наш камэнтар: Вядома, што напісалі б у сваіх мэмуарах Віця або Коля. Але гэта нікому не цікава. Алесь Хадасевіч 21/4/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
