Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

СВАБОДУ СЯРГЕЮ КАВАЛЕНКУ!

Беларусы, землякі, суайчыньнікі !

У лукашысцкай турме за нашу волю і свабоду памірае беларус Сяргей Каваленка. Яго асудзілі на 2 гады пазбаўленьня волі. Але ён не зрабіў ніякага злачынства. На Нараджэньне Хрыстовае 7-га студзеня 2010 года ён падняў над 40-мэтровай навагодняй гарадзкой ёлкай у Віцебску вялікі Беларускі Бел-Чырвона-Белы Сьцяг. Азьвярэлыя “амоны” зьбілі яго, а лукашысцкі суд прысудзіў тры гады хатняй “хіміі”.

19-га сьнежня 2011 года ноччу “амоны” ўварваліся ў дом Каваленкі і арыштавалі яго, а лукашысцкі суд прысудзіў 2 гады турмы па прыдуманым абвінавачаньні – нібыта аб парушэньні хатняй няволі.

Антыбеларускі рэжым па загаду вусатага ўзурпатара засудзіў Каваленку за любоў да Айчыны і за Беларускі Сьцяг. Тут цалкам адсутнічае справядлівасьць і законнасьць.

У знак пратэсту Каваленка аб’явіў галадоўку з патрабаваньнем адмяніць фальшывы палітычны прысуд. Пасьля месяца галаданьня яго зьвязалі турэмшчыкі і гвалтам пачалі прымусова карміць, а турэмныя лекары пагражалі катаваньнямі. Тады Каваленка зноў аб’явіў галадоўку і галадае ўжо больш месяца. Цяпер ён у Менскай Пішчалаўскай турме. Ён важыць 51 кілаграм (з нармальных яго 85), тэмпэратура цела – перадсьмяротная: 35,2 градуса, ціск крыві – 90/60

Ён з цяжкасьцю гаворыць і рухаецца. Але ўлады вусатага ўзурпатара адмаўляюцца нават пакласьці яго ў шпіталь пад нагляд кваліфікаваных і не турэмных лекараў. Рэжым па загаду вусатага ўзурпатара вядзе гэтага беларуса на сьмерць, каб даказаць усім моц сваёй тупой антыбеларускай улады над народам.
Сяргей Каваленка будаўнік, 37 гадоў, гадуе двух дзяцей ( сем месяцаў і сем гадоў) і зьяўляецца адзіным кармільцам сям’і (дзеці, жонка Алена, маці і брат).
Беларусы, ратуйма нашага героя-земляка!
Свабоду Каваленку!

Ён падняў наш сьвяты Бел-Чырвона-Белы Сьцяг над усёй нацыяй. Слава Беларускаму Сьцягу!

Канец вусатаму ўзурпатару, найміту лубянскай Масквы, здрадніку нацыі!

Адзін за ўсіх і ўсе за аднаго! Пішыце лісты з патрабаваньнем свабоды і шпіталізацыі Каваленкі ў Генпракуратуру, у Вярхоўны суд, у сродкі масавай інфармацыі, у міжнародныя арганізацыі. Пратэстуйце! Пакуты Каваленкі за ўсіх нас. Каваленка павінен жыць.

“Беларуская Салідарнасьць”
“Рух за новыя выбары без Лукашэнкі” (кіраўнік Зянон Пазьняк)

Варыянт для друку:
svabodu-kavalenku.doc

15/3/2012 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2012
П А С Ч П С Н
« Люты   Кра »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024