Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

КАРНАЯ СІСТЭМА АНТЫБЕЛАРУСКАГА РЭЖЫМУ МЭТАНАКІРАВАНА НІШЧЫЦЬ ЗДАРОЎЕ ПАЛІТЫЧНАМУ ЗЬНЯВОЛЕНАМУ СЯРГЕЮ КАВАЛЕНКУ

(Заява)
11 студзеня 2012 г. стала вядома, што Сяргей Каваленка ўжо сёмы дзень знаходзіцца ў карцары (месца пакараньня зьняволеных зь вельмі цяжкімі ўмовамі ўтрыманьня пад вартай). Турэмная адміністрацыя кінула ў карцар чалавека, які з 19 сьнежня 2011 г. трымае галадоўку пратэсту і знаходзіцца ў цяжкім фізычным стане.

На гэтым зьдзекі над вязьнем С. Каваленкам ня скончыліся. 12 студзеня 2012 г. з карцару С. Каваленка быў накіраваны ў суд, дзе зноў працягваўся працэс над ім, заснаваны на фальшывых абвінавачваньнях. Судзілі чалавека, які знаходзіцца 25-ты день у галадоўцы і на працягу 8 дзён утрымліваецца ў карцары. На патрабаваньні маці і жонкі С. Каваленкі спыніць зьдзек і накіраваць яго ў шпіталь, суддзя загадала ахове выдаліць іх з залі паседжаньняў. З залі суда С. Каваленку зноў накіравалі ў турэмны карцар.

Антыбеларускі рэжым цынічна парушае заканадаўства і спрабуе катаваньнямі зламаць Сяргея Каваленку. Рэжым парушае таксама міжнародныя законы, якія забараняюць катаваньні і суд над чалавекам, які знаходзіцца ў бездапаможным стане і мае патрэбу ў тэрміновай мэдычнай дапамозе.
Інфармацыя пра судзілішча над патрыётам пра катаваньні і зьдзек над ім была разаслана намі на пачатку студзеня 2012 г. ў амбасады і ўрады дэмакратычных краінаў Эўропы і Амэрыкі. Мы бачым, што за гэты час ніводзін з дэмакратычных ворганаў і палітыкаў нават не выказаў асуджэньня фактаў жорсткай расправы рэжыму над беларускім патрыётам, адзінай “правінай” якога ёсьць любоў да Бацькаўшчыны і публічнае выкарыстаньне нацыянальнай сымволікі.

Шкода што з боку профі-палітыкаў нехапае сапраўднай салідарнасьці зь беларусамі, але мы працягваем змаганьне з антынародным рэжымам і спадзяемся на разуменьне і прдтрымку грамадзянскай супольнасьці вольных краін.

Сойм Кансэрватыўна-Хрысьціянскай Партыі – БНФ
15 студзеня 2012 г.
Менск

16/1/2012 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2012
П А С Ч П С Н
« Сьн   Люты »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024